Cerddoriaeth a Sain

Mae’r cwrs hwn yn cynnig sylfaen ymdrwythol, greadigol, ac ymarferol ym musnes cerddoriaeth a ddatblygwyd ac a gyflwynir gan arbenigwyr o’r diwydiant cerddoriaeth a’r byd academaidd. Bydd y tîm addysgu’n rhoi dealltwriaeth fanwl i chi o’r modelau busnes newydd sy’n dod i’r amlwg yn niwydiant cerddoriaeth heddiw ac yn eich herio i ddatblygu’ch strategaethau gyrfaol eich hun.

Y cwrs delfrydol i unrhyw un sy'n angerddol am gerddoriaeth o bob genre neu sy'n edrych i archwilio eu talent gerddorol ymhellach.

Creu, Cydweithio, Arloesi. Gosod y sylfeini ar gyfer gyrfa lwyddiannus mewn cerddoriaeth a sain gyda'n cwrs arloesol BA Cynhyrchu Cerddoriaeth.

Drwy gydol y cwrs Technoleg Cerddoriaeth Boblogaidd, byddwch yn ymwneud â gwaith prosiect helaeth, a fydd yn canolbwyntio ar ddatblygu cynhyrchion cysylltiedig â’r diwydiant. I gael dealltwriaeth ehangach o’r diwydiant a’r gweithle, byddwch yn cydweithio â’ch cydfyfyrwyr wrth berfformio, cyfansoddi, recordio ac ymchwilio.

Elfen bwysig o’r radd Meistr Peirianneg Cerddoriaeth yw cymhwyso’ch gwybodaeth yn ymarferol i gynhyrchu gwaith creadigol iawn. Archwilir meysydd perthynol hefyd, sy’n caniatáu i raddedigion gymhwyso eu sgiliau i lawer o feysydd eraill sy’n gysylltiedig â chyfryngau, gan gynnwys ffilm ac animeiddio.

Dysgwch sut i ddarparu systemau diogel, dibynadwy o ansawdd uchel sy'n gwneud perfformiadau'n dechnegol anhygoel.

Bydd y rhaglen Ysgrifennu Caneuon a Chynhyrchu arloesol hon yn eich ysbrydoli i ddatblygu eich llais artistig eich hun a gwneud cysylltiadau parhaol o fewn y byd cyfansoddi caneuon.