Graddau Seiberddiogelwch

P'un a yw troseddu yn digwydd ar-lein neu'n cael ei drefnu trwy sianeli digidol, mae fforensig digidol yn allweddol i ddod â chyflawnwyr o flaen eu gwell. Pan fyddwch chi'n astudio BSc mewn fforensig ddigidol, byddwch chi'n dysgu sut i gyrchu, casglu a dehongli data i ddatgelu'r gwir a gwasanaethu fel tyst arbenigol.

Byddwch yn barod ar gyfer y cam nesaf mewn gyrfa seiber gyffrous wrth i chi ddysgu gyda chyfleusterau arloesol ochr yn ochr ag arbenigedd ein staff a'n partneriaid yn y diwydiant.

Dysgwch y sgiliau a’r wybodaeth sydd eu hangen i weithio mewn Unedau Fforenseg Ddigidol a thimau Ymateb i Ddigwyddiadau ar y cwrs arloesol hwn, gan ddatblygu sgiliau a gwybodaeth arbenigol wrth i chi ddatblygu’r sgiliau ymarferol a phroffesiynol mae cyflogwyr ym meysydd fforenseg ddigidol, gorfodi'r gyfraith a'r sectorau corfforaethol a seiberddiogelwch ehangach yn chwilio amdanyn nhw.

Mae byd deinamig seiberddiogelwch angen graddedigion sy'n barod i weithredu. Dyna pam y byddwch chi'n defnyddio technoleg flaengar mewn labordai sy'n efelychu’r byd go iawn ar ein cwrs gradd Seiberddiogelwch Gymhwysol. Byddwch yn datrys problemau byw ochr yn ochr ag arbenigwyr diwydiant gan arfogi’ch hun ar gyfer ystod o rolau seiberddiogelwch.

Bydd y cwrs MSc Seiberddiogelwch Cymhwysol yn rhoi’r wybodaeth a’r ddealltwriaeth ddiweddaraf i chi o’r bygythiadau seiber sy’n gysylltiedig â defnyddio technoleg mewn busnes a sut i ddelio â nhw. Byddwch yn ymdrin â’r meysydd technegol a rheoli/llywodraethu sydd eu hangen i weithredu yn y proffesiwn seiberddiogelwch, gan eich galluogi i wella eich sgiliau presennol a datblygu amrywiaeth o sgiliau trosglwyddadwy allweddol a werthfawrogir gan gyflogwyr yn y sectorau cyhoeddus a phreifat.

Gan fod mwy a mwy o darfu ar ein systemau hanfodol a’n data personol, mae angen graddedigion seiberddiogelwch medrus iawn arnom nawr yn fwy nag erioed.

Drwy amrywiaeth o brofiadau dysgu, byddwch yn dysgu sut mae nodi a thrin risg a chreu cynlluniau a pholisïau Diogelwch Gwybodaeth cadarn a fydd yn cefnogi rheolaeth a gweithrediadau’r sefydliad.