Euan Thomas

Dewis astudio Troseddeg ym Mhrifysgol De Cymru

Gwnaeth cwrs Troseddeg PDC gyflwyno’r theori a’r profiad ymarferol sydd eu hangen ar gyfer fy ngyrfa mewn cyfiawnder ieuenctid. Ychydig o brifysgolion yn y DU sy'n cynnig cwrs mor arbenigol, sy'n golygu bod PDC yn brifysgol wych i’w dewis. 

Gyda nod clir o weithio gyda phlant yn y maes cyfiawnder ieuenctid yn sail iddi, roedd y radd hon yn cynnig llwybr ardderchog i dwrio’n ddyfnach i’r maes. Roedd y cyfleoedd gwych i rwydweithio yn werthfawr iawn – ac roedd cael swydd fel swyddog carchar yn syth ar ôl darlith yn ddechrau annisgwyl ond gwych i fy ngyrfa. 

Gwnaeth cefnogaeth y darlithwyr wahaniaeth enfawr; maen nhw’n arbenigwyr yn eu maes ac maen nhw wir am i’w myfyrwyr lwyddo. Roedd strwythur rhyngweithiol y cwrs, a’r  dulliau asesu amrywiol, yn sicrhau bod pob myfyriwr yn gallu ffynnu. Mae’r cydweithio ag adrannau fel Gwyddoniaeth Fforensig a'r Gyfraith wedi dyfnhau fy nealltwriaeth o sut mae gwahanol ddisgyblaethau yn croestorri yn y system cyfiawnder troseddol. 

Bywyd ar ôl graddio a chyngor i fyfyrwyr y dyfodol 

Ers graddio, rwyf wedi symud yn fy mlaen o fod yn swyddog carchar i fod yn ymarferydd cyfiawnder ieuenctid ac rwy'n hyfforddi i fod yn weithiwr cymdeithasol. Mae'r radd hon wir yn agor drysau. Mae'r amgylchedd croesawgar a chefnogol yn PDC yn hybu twf, ac fe ganiataodd  fi i wneud camgymeriadau a dysgu’n hyderus. 

Os ydych chi'n ystyried y cwrs hwn, ewch amdani – wnewch chi ddim difaru. Mae'n hynod berthnasol i yrfa mewn cyfiawnder ieuenctid ac yn cynnig cyfleoedd na fyddech chi wedi’u dychmygu. Gwnaeth ymweld â PDC gadarnhau i fi mai hi oedd y brifysgol iawn i fi, diolch i'r awyrgylch cefnogol a chyfeillgar. Manteisiwch ar y cyfan sydd ar gael - bydd yn cael effaith enfawr ar eich dyfodol.