This website uses cookies to improve your experience. Read our cookie policy

PGCert

Addysg (Arloesi mewn Dysgu ac Addysgu)

Mae'r Dystysgrif Addysg i Raddedigion yn galluogi gweithwyr proffesiynol ar bob cam o'u gyrfaoedd i feithrin dealltwriaeth o amrywiaeth eang o faterion, dadleuon a chysyniadau addysgol.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Casnewydd

  • Côd y Campws

    C

Ffioedd

  • Myfyrwyr cartref

    £1,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Nod y Dystysgrif Addysg i Raddedigion (Arloesi mewn Dysgu ac Addysgu) yw datblygu gweithwyr proffesiynol gwybodus a myfyriol sy'n gallu defnyddio ymarfer seiliedig ar dystiolaeth mewn ffyrdd a fydd yn cael effaith ar y gweithle ac ar ddeilliannau'r plant a'r bobl ifanc sy'n defnyddio'r gwasanaethau hynny.

CYNLLUNIWYD AR GYFER

Nod y cwrs hwn yw cynnig cyfleoedd i fyfyrwyr feithrin eu gwybodaeth, sgiliau a dealltwriaeth broffesiynol ac, yn bwysicaf oll, eu gallu i feddwl yn feirniadol.

Sgiliau a addysgir

  • Meddwl yn Feirniadol
  • Ymchwil
  • Arweinyddiaeth

Trosolwg o'r Modiwl

Gall myfyrwyr astudio naill ai un modiwl 60 credyd neu ddau fodiwl 30 credyd.

Modiwlau 30 credyd:

  • Hyrwyddo Rhagoriaeth mewn Dysgu ac Addysgu 
  • Arloesi wrth Gynllunio'r Cwricwlwm 
  • Meithrin Cymhwysedd Digidol
  • Gweithio gydag Amrywiaeth
  • Dysgu Proffesiynol 
  • Dysgu Proffesiynol drwy Waith Ymchwil Gweithredol
  • Gweithio gyda Dysgwyr Mwy Abl a Thalentog
  • Datblygu Dysgu mewn Sefydliadau
  • Datblygu arferion proffesiynol: rhifedd a mathemateg
  • Datblygu arferion proffesiynol: llythrennedd a chyfathrebu
  • Ymchwilio i Iaith, Llythrennedd a Rhifedd ar gyfer Dysgu 
  • Safbwyntiau Rhyngwladol ar Blentyndod Cynnar

Modiwl 60 credyd:

  • Hyrwyddo Rhagoriaeth mewn Dysgu a Datblygu

GOFYNION MYNEDIAD

Mae mynediad i'r cwrs Tystysgrif Ôl-raddedig mewn Addysg fel arfer yn gofyn am un o'r canlynol: 

  • gradd anrhydedd 
  • cymhwyster proffesiynol cydnabyddedig 
  • gall cymhwyster amgen neu brofiad perthnasol fod yn dderbyniol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£1,200

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Uchafbwyntiau'r Cwrs

Sut y byddwch yn dysgu

Caiff pob modiwl ei ategu gan 30 awr o ddarlithoedd (10 x 3 awr) dros gyfnod o 10 wythnos. 

Yn aml, caiff y darlithoedd eu traddodi gan weithwyr proffesiynol allweddol yn y maes, a chaiff adnoddau a rhestrau darllen eu darparu er mwyn cefnogi hunanastudio pellach.

Staff addysgu

  • Dr Matt Hutt, Arweinydd y Cwrs
  • Amanda Kelland
  • Sharon Drew
  • Dr Kathy Evans
  • Dr Carmel Conn
  • Dr Susan Haywood
  • Sue Roberts
  • Ian Forth
  • Rachel Stubley
  • Dr Shirley Egley

Gyrfaoedd a Chyflogadwyedd

Llwybrau gyrfa posibl

Bydd cwrs y Dystysgrif Addysg i Raddedigion (Arloesi mewn Dysgu ac Addysgu) yn helpu myfyrwyr i sicrhau rolau arwain mewn cyd-destunau addysgol, yn ogystal â'u helpu i baratoi ar gyfer rolau cynhwysiant/ADY mwy ‘arbenigol’ mewn ysgolion.