This website uses cookies to improve your experience. Read our cookie policy

BA (Anrh)

Busnes a Marchnata Ffasiwn

Mae ein gradd BA (Anrh) mewn Busnes a Marchnata Ffasiwn wedi'i rhestru yn y deg uchaf yn y Guardian University Guide 2024 ar gyfer asesu ffasiwn a thecstilau ac mae’n cyfuno agweddau ar feddwl yn strategol ac yn greadigol. Byddwch yn gallu ystyried rolau ym meysydd prynu, marchnata nwyddau, marchnata ar y cyfryngau cymdeithasol, cysylltiadau cyhoeddus, a mwy.

Sut i wneud cais Gwneud cais trwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    NN2N

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,250*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    NN1N

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,250*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Dyma’r cwrs delfrydol ar gyfer unrhyw un sy’n gwirioni ar ffasiwn, ac sydd â meddwl busnes, ond sydd ddim eisiau ‘gwneud’ dillad.

CYNLLUNIWYD AR GYFER

Mae'r cwrs hwn yn berffaith ar gyfer unrhyw un sydd am ddysgu am farchnata a busnes, sydd ag angerdd tuag at ffasiwn. Byddwch yn dysgu sut i ddatblygu eich meddwl creadigol, eich syniadau ac atebion o ran creu ymgyrchoedd strategol ar gyfer brandiau ffasiwn, a byddwch yn mynd i'r afael â heriau allweddol yn y diwydiant fel cynaliadwyedd a chynhwysiant.

Llwybrau Gyrfa

  • Entrepreneuriaid ffasiwn
  • Gweithwyr proffesiynol mewn marchnata a chysylltiadau cyhoeddus
  • Marchnata digidol a marchnata fel dylanwadwr
  • Prynwyr
  • Gwerthwyr nwyddau
  • Rheolwyr cyfryngau cymdeithasol
  • Rheolwyr cyfrifon

Mewn cydweithrediad â

  • Cyngor Ffasiwn Prydain

Sgiliau a addysgir

  • Meddwl yn greadigol
  • Cynllunio strategol
  • Cynllunio a rheoli ymgyrchoedd
  • Cyfathrebu effeithiol
  • Datrys problemau
  • Ffotograffiaeth a chreu cynnwys

Staff sat in fashion studios smiling

Uchafbwyntiau'r Cwrs

Cyfleusterau gwych

Mae Campws PDC yng Nghaerdydd yn cynnig y llwyfannau digidol gorau a ddefnyddir yn y diwydiant ffasiwn, a hynny yng nghanol y brifddinas.

Lleoliadau gwaith yn y diwydiant

Gallwch gael mynediad at ystod o fusnesau ffasiwn adnabyddus, a manteisio ar gyfleoedd ar gyfer lleoliadau gwaith.

Cyngor Ffasiwn

Mae ein cwrs yn aelod o Gyngor Ffasiwn Prydain.

Cyfle i weithio ar brosiectau byw yn y diwydiant

Gallwch wneud gwaith ar brosiectau byw drwy gydol eich gradd, gan fagu profiad a chreu cysylltiadau gwerthfawr yn y diwydiant.

Ar y brig yng Nghymru

Mae Ffasiwn a Thecstilau yn PDC yn 7fed yn y DU ac ar y brig yng Nghymru ar gyfer Ansawdd Addysgu (Canllaw Prifysgolion y Guardian 2025)

Trosolwg o'r Modiwl

Beth yw'r gwahaniaeth rhwng gradd mewn dylunio ffasiwn a gradd mewn busnes a marchnata ffasiwn? Bydd dylunydd yn creu dillad neu gasgliadau newydd a fydd yn cael eu gwerthu maes o law i gwsmeriaid, tra bod marchnatwyr ffasiwn yn canolbwyntio ar fynd â chynnyrch ffasiwn i'r farchnad ar ôl iddo gael ei ddylunio.

Yn y flwyddyn gyntaf, byddwch yn adeiladu sylfaen gadarn ar gyfer hanfodion marchnatwr ffasiwn ac yn mynd i'r afael â'r ochr fusnes, o greu strategaethau marchnata digidol i ddadansoddi tueddiadau prynu ac anghenion cwsmeriaid.

Prynu a Marchnata 1

Cewch ddysgu mwy am brosesau manwerthu a phrynu yn y byd ffasiwn yn y DU, a dysgu am y cylch prynu ynghyd â rolau prynwyr a marsiandwyr mewn busnesau.

Deall Dylunio ar gyfer Busnesau Ffasiwn

Cewch gyfle i ddefnyddio eich creadigrwydd a rhannu, delweddu a chyfleu eich syniadau. Byddwch yn cynnal ymchwil i’r farchnad ac yn cael ysbrydoliaeth o amrywiaeth o ffynonellau.

Hanfodion Marchnata a Busnes Ffasiwn

Byddwch yn dysgu am y meysydd marchnata a busnes ffasiwn, gan gynnwys y tueddiadau cyfredol ymysg cwsmeriaid. Byddwch yn dysgu am wahanol ddulliau ymchwil a’r damcaniaethau ffasiwn diweddaraf.

Marchnata, Cynnwys a Strategaeth Ddigidol

Cewch ddysgu sut i ddylunio a chynllunio ymgyrchoedd sy’n ennyn diddordeb drwy ddiffinio negeseuon allweddol, targedu cynulleidfaoedd, a chreu cynnwys atyniadol ynghyd â chalendr ar gyfer y cyfryngau cymdeithasol.

Brandio ar gyfer Busnes a Marchnata Ffasiwn

Byddwch yn gwella eich dealltwriaeth o frandiau a brandio ffasiwn, a sut mae cwsmeriaid yn darganfod ac yn adnabod brandiau. Byddwch yn gwneud gwaith ymchwil ac yn creu canllawiau ar gyfer brandio.

Mae'r ail flwyddyn yn ystyried rôl arloesedd a thechnoleg i ddatblygu dealltwriaeth o'r hyn sydd o'ch blaen yn y diwydiant ffasiwn. Byddwch yn dechrau meddwl am leoliadau gwaith hefyd.

Ffasiwn Digidol

Byddwch yn dysgu am ddyfodol digidol diwydiannau ffasiwn a harddwch, gan gynnwys deallusrwydd artiffisial (AI), tocynnau anghyfnewidadwy (NFTs), cadwyni bloc (blockchain), trafodion masnach a dillad digidol.

Prynu a Marchnata 2

Byddwch yn datblygu eich dealltwriaeth o'r cylch prynu ffasiwn, rheoli stoc, maint yr elw, cynllunio ariannol, dod o hyd i gyflenwyr, cynllunio casgliadau a logisteg, a negodi.

Paratoi ar gyfer y Diwydiant

Byddwch yn dysgu am gyflogadwyedd yn y byd ffasiwn, harddwch a marchnata, gan ganolbwyntio ar ymarfer proffesiynol a’r hyn a wneir o fewn y diwydiant. Cewch gwblhau lleoliad gwaith yn y maes o’ch dewis.

Hanfodion Marchnata a Busnes Ffasiwn 2

Byddwch yn dysgu am ddulliau datblygedig ym maes marchnata a busnes ffasiwn, gan gynnwys mathau amrywiol o ymchwil a sut y mae cwsmeriaid yn cysylltu â ffasiwn a diwylliant.

Datrys Problemau yn y Diwydiant Ffasiwn

Byddwch yn meithrin dealltwriaeth o faterion a thueddiadau allweddol yn y diwydiant ffasiwn, gan ganolbwyntio ar ddatblygiadau cyfredol a datblygiadau sydd yn yr arfaeth sy'n effeithio ar ffasiwn a chwsmeriaid.

Blwyddyn ryngosod ddewisol

Gallwch ddewis gweithio ar leoliad am gyfnod o flwyddyn gyda phartner neu bartneriaid yn y diwydiant, gan ennill diploma Profiad yn y Diwydiant Ffasiwn yn ychwanegol at eich gradd.

Mae opsiwn Blwyddyn Rhyngosod ar gael i bob myfyriwr ar y cwrs. Os dewiswch yr opsiwn Blwyddyn Rhyngosod bydd yn digwydd rhwng Blwyddyn Dau a Blwyddyn Tri a bydd angen i chi ddod o hyd i leoliad(au) gwaith perthnasol yn y diwydiant, gyda chymorth ein Tîm Gyrfaoedd a'ch Tîm Cwrs.

Diploma Profiad yn y Diwydiant Ffasiwn

Gweithio yn y diwydiant, ennill profiad i ddiffinio eich lle yn y diwydiant ffasiwn a/neu farchnata/cyfathrebu, adeiladu rhwydweithiau i baratoi ar gyfer eich blwyddyn olaf.

Cynnwys ar gyfer Marchnata

Mae'r modiwl hwn yn ymwneud â chreu cynnwys ystyrlon sy'n helpu i ymhelaethu ar adrodd straeon a negeseuon brand.

Mae’r modiwl yn canolbwyntio ar arbrofi gyda gwahanol fathau o gynnwys, gan ei greu i safonau proffesiynol a’i ymgorffori mewn cynllun cyfathrebu marchnata integredig, trefnus a chynlluniedig.

Dyfodol Brand

Nod y modiwl hwn yw datblygu ymhellach y sgiliau sydd eu hangen ar gyfer rheoli a chyfathrebu o fewn busnes, tra'n dadansoddi'r sector ffasiwn mewn perthynas â'r ffactorau gwleidyddol, economaidd, cymdeithasol, technolegol, moesegol, cyfreithiol a diwylliannol sy'n effeithio ar lefelau presennol entrepreneuriaeth a gweithgaredd busnesau bach.

Prosiect Ffasiwn Mawr

Mae'r Prosiect Ffasiwn Mawr wedi'i gynllunio i roi'r cyfle gorau i chi ganolbwyntio ar eich maes diddordeb. Gan gyfeirio at y prosiectau a'r lleoliadau gwaith a gwblhawyd ym mlynyddoedd blaenorol y cwrs, byddwch yn cael eich annog i nodi eich cryfderau a'ch nodau gyrfa eich hun, gan ddatblygu cynnig unigryw sy'n cyd-fynd yn agos â'ch set sgiliau personol.

Astudiaeth Achos Busnes Ffasiwn

Mae rhai modiwlau wedi’i gwneud yn ofynnol i fyfyrwyr gynhyrchu adroddiadau neu gyflwyniadau sy’n gwneud achos clir yn seiliedig ar ymchwil sy’n cyfiawnhau ymagwedd greadigol neu resymeg myfyrwyr. Mae pob modiwl yn annog myfyrwyr i ddarllen yn eang ac adeiladu llyfrgell bersonol o ffynonellau allweddol. Bydd y modiwl hwn yn dod â hyn i gyd at ei gilydd i gynhyrchu darn nodedig o ymchwil a dadansoddi ymchwiliol.

Portffolio Marchnata Proffesiynol

Mae ffocws y modiwl hwn ar greu gwaith portffolio ychwanegol o amgylch eich meysydd diddordeb a ffocws allweddol, yn ogystal ag ymestyn ffiniau eich set sgiliau ymhellach a herio'ch hun. Mae eich modiwl terfynol yn gyfle i gyfuno'r gorau oll o'ch creadigrwydd a'ch sgiliau datrys problemau, cynllunio, adnoddau, trefnu, cyd-drafod, dehongli ysgrifenedig a gweledol yn ddarn o waith dathlu terfynol. Mae'r modiwl hwn hefyd yn ymwneud yn fawr iawn â datblygu eich brandio personol a'ch parodrwydd ar gyfer cyflogaeth yn y diwydiant yn y dyfodol.

Bydd canlyniadau'r prosiect hwn yn sail i'ch lansiad i fyd ffasiwn fel gweithiwr proffesiynol aml-sgil.

GOFYNION MYNEDIAD

Pwyntiau UCAS: 104 (neu uwch)

Gofynion cymhwyster nodweddiadol:

  • Lefel A: BCC
  • BTEC: Diploma Estynedig BTEC Teilyngdod Teilyngdod
  • Tystysgrif Her Sgiliau Uwch Bagloriaeth Cymru: Gradd C/B yn y Dystysgrif Her Sgiliau a BC - CC Lefel A
  • Mynediad i AU: Pasio'r Diploma Mynediad i AU gydag o leiaf 104 pwynt tariff UCAS.

Gofynion Ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.

Mae'r dewis ar gyfer y cwrs hwn yn seiliedig ar gais addas. Os nad ydych yn bodloni’r meini prawf mynediad efallai y bydd gofyn i chi hefyd fynychu cyfweliad i’n helpu i asesu eich addasrwydd ar gyfer y cwrs.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,250

fesul blwyddyn*
Ffi Llawn Amser y DU

£9,250

fesul blwyddyn*
Ffi Llawn Amser Rhyngwladol

£15,850

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

“ROEDD FY NGHYFNOD YN PDC YN WERTH CHWEIL, YN HYNOD DDIDDOROL AC YN RHOI CRYN FODDHAD IMI. RHODDODD Y CWRS NIFER O WAHANOL SGILIAU I MI I'M GALLUOGI I SYMUD YMLAEN YN FY NGYRFA YN Y DYFODOL.”

Laurie Griffiths

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. 

Rydym yn argymell eich bod yn gallu defnyddio gliniadur personol neu gyfrifiadur pen desg os yn bosibl.

Er bod yr adnoddau yn y rhan fwyaf o achosion yn fwy na digon i'ch cefnogi i gwblhau eich cwrs, efallai y bydd angen costau ychwanegol, gorfodol a dewisol, ar gyfer pethau fel teithio, aelodaeth, diwrnodau profiad, deunydd ysgrifennu, argraffu neu offer.

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Uchafbwyntiau'r Cwrs

Sut byddwch chi'n dysgu

Caiff y radd hon ei hasesu’n gyfan gwbl drwy waith cwrs, gydag aseiniadau ymarferol wedi'u cynllunio i gefnogi eich dysgu a'ch uchelgeisiau. Byddwch yn gweithio gyda chleientiaid yn y diwydiant ac ar brosiectau byw, byddwch yn ymweld â gweithleoedd a lleoliadau gwaith drwy gydol eich gradd, gan feithrin dealltwriaeth werthfawr o’r diwydiant. O ran datblygu arweinwyr y dyfodol yn y diwydiant ffasiwn, mae ein hamgylchedd addysgu yn cynnig profiad heb ei ail. Rydym yn adolygu ein cyrsiau’n rheolaidd mewn ymateb i newidiadau yn y patrymau cyflogaeth o fewn y byd ffasiwn ac yn edrych yn barhaus ar y sgiliau y mae galw amdanynt i sicrhau ein bod yn cynnig addysg sydd wedi’i chynllunio i adlewyrchu anghenion ein myfyrwyr a gofynion cyflogwyr yn y dyfodol.

Staff addysgu

Mae ein tîm addysgu yn cynnwys gweithwyr proffesiynol yn y diwydiant a phobl sy’n gwirioni ar y byd ffasiwn yn gyffredinol. Byddant yn eich arwain i ddatblygu eich sgiliau marchnata a busnes, gan feithrin eich dawn greadigol o ran gwerthu eitemau ffasiwn. Bydd ein tîm yn eich paratoi ar gyfer gyrfa ym myd busnes a marchnata ffasiwn o'r eiliad y byddwch yn dechrau astudio. Byddwch yn datblygu’r holl sgiliau a phriodoleddau proffesiynol sydd eu hangen, p’un a fyddwch yn dewis gweithio ym maes marchnata ffasiwn neu weithio mewn rôl busnes. Pan fyddwch ar y campws byddwch yn astudio yn ein cyfleusterau mwyaf arloesol, gan rannu gofod gyda myfyrwyr tebyg i chi sy’n astudio pynciau fel ffotograffiaeth, ffilm, celf a llawer o bobl greadigol eraill.

Lleoliadau a phrofiad gwaith

Rydym yn annog pob myfyriwr i gael cymaint o brofiad gwaith â phosibl tra bydd yn astudio gyda ni. Mae cyfle yn yr ail flwyddyn i ddilyn modiwl lle mae gofyn mynd ar leoliad gwaith ac ennill 70 awr o brofiad gwaith mewn rôl berthnasol. Os ydych yn meddwl yr hoffech chi wneud ychydig mwy na 70 awr, mae yna gyfle hefyd i gael blwyddyn ryngosod a chael profiad gwerthfawr yn y diwydiant cyn dod yn ôl i orffen blwyddyn olaf eich astudiaethau. Mae ffasiwn yn ddiwydiant byd-eang ac mae ein cysylltiadau â brandiau rhyngwladol yn cysylltu myfyrwyr PDC â chyfleoedd ar draws y byd. Mae llawer o’n myfyrwyr wedi teithio i bob cwr o’r byd i ymgymryd â lleoliadau gwaith.

Cyfleusterau

Mae myfyrwyr ffasiwn yn elwa o gael llawr cyfan ar ein campws yng Nghaerdydd sydd wedi ei neilltuo i ddylunio ffasiwn, hyrwyddo, a busnes a marchnata ffasiwn. Mae'r cyfleusterau hyn yn cynnwys dwy stiwdio ddylunio, ac mae’r ddinas a’r amgylchedd ehangach yn berffaith i'ch ysbrydoli wrth i chi astudio, cynllunio ac archwilio. Er na fyddwch yn gwneud dillad fel y cyfryw, byddwch yn dysgu mewn gofod sy'n eich annog i feddwl yn greadigol a strategol, gan gydweithio â myfyrwyr dylunio ffasiwn ac ymchwilio i ffasiwn digidol mewn gofodau fel y Metaverse. Mae’r campws mewn lleoliad canolog yng Nghaerdydd, felly cewch eich ysbrydoli gan fwrlwm bywyd y ddinas hefyd.

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.

Gyrfaoedd a Chyflogadwyedd

Gyrfaoedd graddedigion

Bydd y tîm ar ein cwrs busnes a marchnata ffasiwn yn helpu i siapio eich gyrfa cyn i chi raddio gyda lleoliadau gwaith a chysylltiadau perthnasol yn y diwydiant. Rydym wedi cynllunio’r cwrs i ganolbwyntio ar yr hyn sydd ei angen ar y diwydiant yn y dyfodol er mwyn i chi allu datblygu’r union sgiliau hynny y mae cyflogwyr yn chwilio amdanynt. Mae ein graddedigion yn gadael PDC gyda phortffolio helaeth o sgiliau sy'n cwmpasu pob agwedd ar y diwydiant ffasiwn. Mae llawer wedi mynd ymlaen i weithio mewn rolau fel cynorthwywyr marchnata digidol, prynwyr, marchnatwyr, gweithwyr proffesiynol ym maes marchnata a chysylltiadau cyhoeddus yn ogystal â chreu a chynllunio cynnwys.

Llwybrau gyrfa

Cewch eich cyflwyno i ystod eang o brosiectau marchnata ffasiwn, gan wella eich dealltwriaeth o'r diwydiant cyn i chi raddio. Bydd dilyn gradd mewn busnes a marchnata ffasiwn yn agor cyfleoedd mewn rolau fel dadansoddi tueddiadau a defnyddwyr, marchnata creadigol a chyfathrebu, brandio a chysylltiadau cyhoeddus a datblygu busnes. Mae swyddi marchnata ffasiwn yn gofyn am sgiliau hollbwysig i godi ymwybyddiaeth a chreu ymgyrchoedd sy'n hyrwyddo a gwerthu cynnyrch drwy apelio at gwsmeriaid. Gan raddio gyda'r sgiliau hyn, byddwch yn barod am yrfaoedd gyda brandiau byd-eang fel H&M, Next, a Zara, yn ogystal â labeli annibynnol sy'n dod yn fwyfwy amlwg.

Cymorth gyrfaoedd

Byddwch hefyd yn gallu manteisio ar gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-i-un gyda chynghorwyr gyrfa yn yr adran naill ai yn y cnawd neu'n rhithwir neu dros e-bost. Mae gennym hefyd adnoddau ar-lein i helpu i ystyried opsiynau gyrfa a sicrhau eich bod yn rhoi argraff dda i gyflogwyr. Mae'r rhain yn cynnwys profion seicometrig, asesiadau gyrfa, lluniwr CV, ffug gyfweliadau, a chymorth i wneud cais am swydd. Mae gennym hefyd dros 2,000 o gyflogwyr cofrestredig sy’n targedu graddedigion busnes a ffasiwn, felly byddwn yn eich cofrestru i dderbyn hysbysiadau e-bost wythnosol am swyddi sy’n cyd-fynd â’ch diddordebau hefyd.

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.