This website uses cookies to improve your experience. Read our cookie policy

BA (Anrh)

Busnes Cerddoriaeth

Os ydych chi’n angerddol dros gerddoriaeth, busnes a gwneud i bethau ddigwydd, mae'r cwrs hwn yn ddelfrydol ar eich cyfer chi. Gan roi cyfle i chi astudio amrywiaeth eang o agweddau ar y busnes cerddoriaeth a datblygu eich sgiliau entrepreneuraidd, bydd ein gradd yn cynnig profiad creadigol ac ymdrochol o’r cychwyn cyntaf.

Sut i wneud cais Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    W370

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £9,535*

  • Myfyrwyr rhyngwladol

    £15,850*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Cwrs perffaith ar gyfer unrhyw un sydd ag ysbryd entrepreneuraidd ac sy’n caru pob math o gerddoriaeth.

CYNLLUNIWYD AR GYFER

Os ydych chi am ddatblygu eich entrepreneuriaeth a'ch meddwl creadigol ac archwilio potensial masnachol y berthynas rhwng artistiaid a busnes, mae'r cwrs hwn yn berffaith ar eich cyfer chi. Cewch sylfaen greadigol ac ymarferol yn y busnes cerddoriaeth, wedi'i ddatblygu a'i ddarparu gan arbenigwyr o’r byd diwydiant a’r byd academaidd.

Llwybrau gyrfa:

  • Cynrychioli artistiaid 
  • Rheoli teithiau 
  • Cyfarwyddo gwyliau  
  • Cyhoeddi cerddoriaeth 
  • Marchnata’r diwydiannau creadigol 
  • Goruchwylio cerddoriaeth a gweinyddu cyfreithiol 

Mewn partneriaeth â:

  • NatWest 
  • Music Managers Forum  
  • Music Declares Emergency  
  • Orchard Media 

Sgiliau a ddysgir:

  • Egwyddorion rheoli 
  • Sgiliau cyfathrebu cryf 
  • Contractau a'r gyfraith 
  • Cyhoeddi 
  • Marchnata 
  • Artistiaid a repertoire (A ac R) 
  • Rheoli digwyddiadau a theithiau 
  • Busnes a chyllid 

Staff sat in front of a red backdrop smiling

Uchafbwyntiau’r Cwrs

Bod yn rhan o Ŵyl Trochi

Cyfle gwych i gymryd rhan mewn gŵyl amlgyfrwng, a gynhelir ac a drefnir gan fyfyrwyr o'r brifysgol.

Cyfleusterau o’r radd flaenaf

Cyfle i fanteisio’n llawn ar y feddalwedd technoleg cerdd ddiweddaraf fel Adobe Creative am ddim.

Astudio yn ninas gerdd gyntaf y Deyrnas Unedig

Mae campws Atrium yng nghanol Caerdydd, gyda stiwdios creadigol ar y campws.

Dod i wybod am gysylltiadau â diwydiant

Mae ein cysylltiadau yn cynnwys cydweithio ag Orchard Media, Tramshed, Beacons Cymru, Anthem ac eraill.

Trosolwg o’r Modiwl

Byddwch yn dadansoddi, cynllunio, strategaethu, cydweithio a chreu ac yn dysgu egwyddorion allweddol rheoli cerddoriaeth. Gwaith ymarferol sy’n arwain y cwrs, gan olygu y byddwch yn magu ystod o sgiliau busnes wrth i chi weithio gydag amrywiaeth o artistiaid ar brosiectau cerddoriaeth y byd go iawn, fel Gŵyl Immerse.

Blwyddyn Un  
Egwyddorion Marchnata a Hyrwyddo Cerddoriaeth 
Cerddoriaeth: Diwylliant, Cyd-destun a Beirniadaeth 
Egwyddorion Datblygu Artistiaid 
Yr Entrepreneur Cerdd 
Cyflwyniad i’r Diwydiant Cerddoriaeth     ​  
Egwyddorion Busnes a Chyllid Cerddoriaeth 

Blwyddyn Dau
Rheoli Digwyddiadau Creadigol – Gŵyl Immerse 
Y Cyfryngau Digidol yn y Diwydiannau Creadigol 
Y Diwydiant Byw Modern  
Contractau cerddoriaeth a'r gyfraith  

Blwyddyn Tri
Cyhoeddi Cerddoriaeth a Rheoli Hawliau    
Cerddoriaeth yn y Farchnad Fyd-eang 
Prosiect Mawr 
Rheoli Busnes Strategol yn y Diwydiant Adloniant 
Rheoli yn y Sector Creadigol  

Yn eich blwyddyn gyntaf, byddwch yn astudio hanfodion gwaelodol y diwydiant cerddoriaeth gan gynnwys busnes, cyllid, cyhoeddi a datblygu artistiaid. Byddwch yn ymchwilio i ddiwylliannau cerddoriaeth ac effeithiau technoleg ar y sector.

Egwyddorion Marchnata a Hyrwyddo Cerddoriaeth 
Byddwch yn datblygu'r sgiliau y bydd eu hangen arnoch i ddadansoddi’r farchnad yn effeithiol ac i ddatblygu strategaethau marchnata a hyrwyddo yn seiliedig ar gynllunio manwl ac astudiaethau achos. 
  
Cerddoriaeth: Diwylliant, Cyd-destun a Beirniadaeth 
Byddwch yn astudio damcaniaethau cerddoriaeth a diwylliannol gyda'ch cyfoedion, gan drafod rôl y cerddor a'r cynhyrchydd. Byddwch yn dysgu meddwl yn feirniadol a dysgu sut i werthuso syniadau. 
  
Egwyddorion Datblygu Artistiaid 
Byddwch yn archwilio’r berthynas rhwng artistiaid a rheolwyr a'r broses A ac R, o greu syniadau cychwynnol i’r camau gweithredu, ac elfennau fel cynaliadwyedd, iechyd meddwl a theithio.​​     ​  

  

Yr Entrepreneur Cerdd 
Byddwch yn dysgu am rôl a phwysigrwydd ymchwil yn eich maes. Byddwch hefyd yn dysgu sut i  gyflwyno syniadau, rhwydweithio ac o bosibl ennill mentoriaid newydd yn y diwydiant ar gyfer adeiladu busnes yn y dyfodol. 
  
Cyflwyniad i’r Diwydiant Cerddoriaeth 
Byddwch yn archwilio fframwaith y diwydiant cerddoriaeth, gan gwmpasu tri phrif sector: cerddoriaeth wedi'i recordio, cerddoriaeth fyw, a chyhoeddi, i gael trosolwg o'r busnes cerddoriaeth gyfoes.​​     ​  
  
Egwyddorion Busnes a Chyllid Cerddoriaeth 
Byddwch yn ymchwilio i egwyddorion rheoli, cyllid a busnes mewn gwahanol fathau o sefydliadau, gan archwilio effaith yr amgylchedd ar weithrediad y busnes. 

Bydd deunydd crai eich ail flwyddyn yn ymwneud â’r ochr greadigol, drwy gyfrwng modiwl cyfryngau a marchnata ymarferol a byddwch yn dysgu sut i lywio materion cyfreithiol, cytundebol a moesegol. Byddwch hefyd yn astudio rheoli digwyddiadau a'r broses A ac R o'r creu i’r gwireddu gan arwain at Ŵyl Immerse.

Rheoli Digwyddiadau Creadigol – Gŵyl Immerse 
Byddwch yn camu i’r byd rheoli digwyddiadau drwy gynllunio, hyrwyddo a gweithredu gŵyl amlgyfrwng mewn cydweithrediad â chyrsiau eraill, partneriaid diwydiant a’r gymuned. 
  
Y Cyfryngau Digidol yn y Diwydiannau Creadigol 
Modiwl ymarferol sy'n canolbwyntio ar weithio yn y maes digidol, datblygu sgiliau gyda'r dechnoleg ddiweddaraf i greu asedau a strategaethau ar gyfer ymgyrchoedd marchnata. 

Y Diwydiant Byw Modern  
Cyfle i greu’r cysylltiadau sy'n sail i'r diwydiant cerddoriaeth fyw rhyngwladol a datblygu ymwybyddiaeth o'r rhwymedigaethau cyfreithiol sydd ynghlwm wrth reoli digwyddiadau a theithiau byw.  
  
Contractau cerddoriaeth a'r gyfraith  
Byddwch yn datblygu dealltwriaeth o recordio cerddoriaeth, cyhoeddi, contractau asiantaethau a rheoli artistiaid, yn ogystal â hawlfraint ac eiddo deallusol (ED). 

Yn eich blwyddyn olaf, byddwch yn canolbwyntio ar reoli, eiddo deallusol a marchnadoedd byd-eang, gan gymhwyso'r holl sgiliau newydd i brosiect busnes sylweddol cyn graddio.

Cyhoeddi Cerddoriaeth a Rheoli Hawliau  
Byddwch yn dod i ddeall cyhoeddi cerddoriaeth, o ddulliau traddodiadol i gerddorion DIY ac yn ennill gwybodaeth ymarferol am gymdeithasau casglu a rhoi gwerth ariannol i hawliau cerddorol.  
  
Cerddoriaeth yn y Farchnad Fyd-eang 
Byddwch yn astudio’r amgylchedd byd-eang a'r cymhlethdodau a'r newidiadau sy'n effeithio ar y diwydiant cerddoriaeth, gan gynnwys agweddau diwylliannol, masnachol, moesegol ac allforio. 
  
Prosiect Mawr 
Cyfle i gynllunio, datblygu a lansio menter busnes go iawn a fydd yn cyfrannu at eich portffolio cyflogaeth. Bob blwyddyn dewisir un prosiect ar gyfer Gwobr Graddedigion NatWest. 

Rheoli Busnes Strategol yn y Diwydiant Adloniant 
Byddwch yn ennill dealltwriaeth o rôl rheolaeth strategol, gan gymhwyso cysyniadau busnes at waith diagnosio a  rheoli ac i oresgyn heriau. 
  
Rheoli yn y Sector Creadigol  
Byddwch yn dysgu sut i ddylunio a rheoli sefydliadau a grwpiau i sicrhau  perfformio effeithiol, ac ennill sgiliau mewn damcaniaethau ac arferion rheoli. 

Uchafbwyntiau’r Cwrs

Sut byddwch yn dysgu

Wedi'i haddysgu drwy amryw ddulliau, mae ein gradd cerddoriaeth yn cynnwys seminarau, gweithdai, tiwtorialau, a dysgu ymdrochol a dysgu’n seiliedig ar her. Drwy gydol y cwrs, bydd darlithwyr gwadd yn gweithio gyda chi a byddwch yn cymryd rhan mewn gweithdai rhyngweithiol gyda gwahanol arbenigwyr o’r diwydiant. Trwy alinio ein darpariaeth ag arferion cyfoes yn y diwydiant, fe gewch y sylfaen a'r cyfleoedd gorau i lunio dilyniant eich gyrfa. Mae asesiadau'n gyfuniad o waith cwrs a thasgau ymarferol, yn aml yn seiliedig ar friffiau o'r byd go iawn. 

Staff addysgu

Byddwch yn cael eich dysgu gan weithwyr proffesiynol sydd â phrofiad a hanes yn y diwydiant, a hynny mewn dull ymarferol gan mwyaf, ac nid bob amser yn yr ystafell ddosbarth. 

Yn rhan o'ch gradd, bydd gennych fynediad llawn at yr holl gyfleusterau technoleg sydd  ar gampws yr Atrium yng nghanol Caerdydd, gan gynnwys stiwdios cerddoriaeth. Bydd ein staff yn eich cefnogi mewn dull ymarferol i sicrhau bod gennych adnoddau da wrth astudio. Byddwch hefyd yn cael eich annog i weithio gyda myfyrwyr o gyrsiau eraill o bob math ar eich gwaith modiwl a'ch prosiectau eich hun. 

Lleoliadau a phrofiad gwaith

Yn rhan o'r cwrs ymarferol hwn, cewch eich annog i archwilio eich sgiliau busnes ac entrepreneuraidd drwy drefnu digwyddiadau ym Mar Zen Undeb y Myfyrwyr a lleoliadau eraill yn y ddinas. Mae gennym gysylltiadau diwydiannol cryf â nifer o sefydliadau sy'n cynnig lleoliadau wrth iddynt ddod ar gael, ac rydym yn cynnal ffair yrfaoedd bob blwyddyn i helpu i adeiladu eich rhwydwaith. Mae cyfle i gydweithio â myfyrwyr o gyrsiau eraill i helpu i drefnu a chynnal ein digwyddiad blynyddol, Gŵyl Trochi, fydd yn eich paratoi ar gyfer gwahanol rolau ar ôl graddio. 

Cyfleusterau

Yn astudio yng nghanol Caerdydd, bydd gennych fynediad uniongyrchol i'r dechnoleg ddiweddaraf ar gyfer recordio, cynhyrchu a chreu cerddoriaeth ar ein campws creadigol. O fynediad at Adobe Creative Suite yn ein labordai dysgu i ddefnyddio meddalwedd fel Sketchup, Maya, Avid a Mudbox, bydd gennych y dechnoleg orau posib ar gyfer eich cyfrifiadur personol hefyd. Bydd gennych fynediad at lyfrgell helaeth ac ardal adnoddau dysgu, yr Ardal Gynghori, a fydd yn helpu gyda chymorth ym maes cyllid, sgiliau astudio a gwasanaethau eraill. Byddwch yn gallu gwylio arddangosiadau technegol drwy gydol y cwrs, a gweithio gyda data busnes a chyllid o’r byd go iawn hefyd. 

Pam PDC?

A guitarist looks at their hands with their hair covering their face as they play guitar on stage next to a microphone with a drummer in the background and moody purple lighting

Pam PDC?

Mae Cerddoriaeth yn PDC ar y brig yng Nghymru ar gyfer Ansawdd Addysgu (The Times and The Sunday Times Good University Guide 2025)

Gyrfaoedd a Chyflogadwyedd

Gyrfaoedd graddedigion

Erbyn i chi raddio gyda'n gradd Busnes Cerddoriaeth, bydd gennych y sgiliau sydd eu hangen i fynd i amrywiaeth o yrfaoedd yn y diwydiannau cerdd, cyfryngau ac adloniant. Mae graddedigion wedi mynd yn eu blaen i rolau rheoli digwyddiadau, asiantaethau cysylltiadau cyhoeddus lleol a gorsafoedd radio lleol, yn gweithio ym meysydd cynhyrchu a thechnoleg sain. 
  
Byddwch yn graddio gyda'r sgiliau sydd eu hangen i fwynhau ystod o yrfaoedd yn y diwydiannau cerddoriaeth, y cyfryngau ac adloniant, gan gynnwys cyhoeddi, marchnata, A ac R, radio, a rheoli digwyddiadau a theithiau. Bydd gennych hefyd brofiad trosglwyddadwy ac ymarferol y gellir ei gymhwyso at lawer o feysydd busnes eraill. 

Llwybrau gyrfa posibl

Erbyn i chi raddio gyda'n gradd BA Busnes Cerddoriaeth, bydd gennych y sgiliau i fynd i amrywiaeth o yrfaoedd yn y diwydiannau cerdd, cyfryngau a chreadigol ehangach. Mae graddedigion wedi mynd yn eu blaen i faes rheoli artistiaid, teithiau a digwyddiadau, cysylltiadau cyhoeddus, marchnata, addysgu, cyllid a chyfraith adloniant. Byddwch wedi datblygu sgiliau trosglwyddadwy a phrofiad ymarferol y gellir eu cymhwyso mewn llawer o feysydd busnes eraill. 

Cymorth gyrfaoedd

Bydd gennych fynediad at gyngor gan ein gwasanaeth gyrfaoedd a chyflogadwyedd drwy gydol eich astudiaethau a phan fyddwch yn graddio. Mae hyn yn cynnwys apwyntiadau un-wrth-un gydag ymgynghorwyr gyrfa wedi’u lleoli gyda’r gyfadran, naill ai'n bersonol neu’n rhithwir drwy Teams neu e-bost. Mae gennym hefyd adnoddau ar-lein i'ch helpu i ystyried opsiynau gyrfa a sicrhau eich bod yn creu argraff dda ar gyflogwyr. Mae'r rhain yn cynnwys profion seicometrig, asesiadau gyrfa, adeiladwr CV, efelychydd cyfweld a chymorth gydag ymgeisio am swyddi. Mae gennym hefyd dros 2,000 o gyflogwyr cofrestredig sy'n targedu graddedigion busnes, felly byddwn yn eich cofrestru i dderbyn hysbysiadau e-bost wythnosol am swyddi sy'n cyd-fynd â'ch diddordebau. 

GOFYNION MYNEDIAD

Pwyntiau UCAS: 96 (neu uwch)

Gofynion cymhwyster nodweddiadol:

  • Lefel A: CCC i gynnwys pwnc perthnasol (mae hyn yn cyfateb i 96 pwynt tariff UCAS).
  • Bagloriaeth Cymru: Pasio Diploma Uwch Bagloriaeth Cymru gyda Gradd C yn y Dystysgrif Her Sgiliau a CC Lefel A gyda phwnc celf a dylunio perthnasol (mae hyn yn gyfwerth â 96 pwynt tariff UCAS).
  • BTEC: Diploma Estynedig BTEC Teilyngdod Teilyngdod mewn pwnc perthnasol (mae hyn yn gyfwerth â 96 pwynt tariff UCAS).
  • Mynediad i AU: Pasio'r Diploma Mynediad i AU gydag o leiaf 96 pwynt tariff UCAS

Gofynion Ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol.

Ymgeiswyr yn y DU: Mae'r dewis ar gyfer y cwrs hwn yn seiliedig ar gais addas. Os nad ydych yn bodloni’r meini prawf mynediad efallai y bydd gofyn i chi hefyd fynychu cyfweliad i’n helpu i asesu eich addasrwydd ar gyfer y cwrs.

Ymgeiswyr sydd tu allan i'r DU: Dewisir ymgeiswyr ar gyfer y cwrs hwn ar sail cais addas a phortffolio o'ch gwaith. Bydd Arweinydd y Cwrs yn cadarnhau bod y portffolio yn addas cyn i’r cynnig cael ei wneud.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,535

fesul blwyddyn*
Ffi Llawn Amser Rhyngwladol

£15,850

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol 

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Awgrymir bod gan fyfyrwyr eu gliniadur a'u ffôn clyfar eu hunain (Pob blwyddyn academaidd) 

Cost: £500

Efallai y bydd disgwyl i fyfyrwyr deithio i ddosbarthiadau meistr / cynadleddau / digwyddiadau / perfformiadau ar eu cost eu hunain (Pob blwyddyn academaidd) 

Cost: £100

Efallai y bydd angen i fyfyrwyr brynu rhai testunau cwrs (Pob blwyddyn academaidd) 

Cost: £50

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS. Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Mynediad uwch

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Derbyniadau rhyngwladol

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

FE WNAETH FY NGHWRS DDYSGU LLAWER I FI AM FARCHNATA, RHEOLI A SUT MAE LABELI'N GWEITHIO. RWY'N FALCH FY MOD WEDI EI WNEUD, MAE WEDI FY HELPU I DYFU FEL PERSON.

Bethan Miller

Myfyriwr Busnes Cerddoriaeth

Bywyd yn PDC

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. Os nad ydych chi eisiau byw yn agos at y campws, mae yna gysylltiadau trafnidiaeth gwych i'ch cadw chi mewn cysylltiad.

CYRSIAU CYSYLLTIEDIG

Cynhyrchu Cerddoriaeth - BA (Anrh) Dysgu mwy
Cerddoriaeth Boblogaidd a Masnachol - BA (Anrh) Dysgu mwy

Camau Nesaf

Sut i Wneud Cais
Ymgeisio drwy UCAS
Archebwch Ddiwrnod Agored
Sariad â ni