This website uses cookies to improve your experience. Read our cookie policy

BSc (Anrh)

Gwyddor yr Amgylchedd

Mae’r heriau a ddaw yn sgil newid yn yr hinsawdd a phwysau amgylcheddol eraill yn bygwth ein hamgylchedd naturiol a’n hiechyd, ein heconomi a’n isadeiledd, ond mae angen i ni ddarparu datrysiadau ymarferol.

Gwneud cais yn uniongyrchol Gwneud cais drwy UCAS Archebu lle ar Ddiwrnod Agored Sgwrsio gyda ni

Manylion Cwrs Allweddol

  • Côd UCAS

    F742

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,000*

  • Myfyrwyr rhyngwladol

    £15,260*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Côd UCAS

    F740

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £9,000*

  • Myfyrwyr rhyngwladol

    £15,260*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £740*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae’r cwrs hwn yn rhaglen sy’n ffocysu ar y dyfodol ac ar ddatrysiadau. Mae’n canolbwyntio ar fynd i’r afael â’r heriau a datrys problemau sy’n gysylltiedig â newid yn yr hinsawdd, adnoddau adnewyddadwy, llygredd amgylcheddol, cadwraeth ar gyfer bioamrywiaeth a rheoli amgylcheddol.

CYNLLUNIWYD AR GYFER

Ydych chi’n frwd dros yr amgylchedd? A oes gennych nod i wneud cyfraniad hanfodol at fynd i’r afael â phroblemau sy’n gysylltiedig â newid yn yr hinsawdd, adnoddau adnewyddadwy, llygredd amgylcheddol, cadwraeth ar gyfer bioamrywiaeth a rheoli amgylcheddol, a’u datrys? Ydych chi eisiau dysgu’r sgiliau a’r wybodaeth sydd eu hangen ar gyfer gyrfa yn yr economi werdd sy’n tyfu’n gyflym, a chael effaith fel rhan o agendâu cynaliadwyedd amgylcheddol lleol, cenedlaethol a byd-eang?

Llwybrau Gyrfa

  • Ymgynghorydd amgylcheddol neu ecolegol 
  • Rheolwr rhaglen hinsawdd a gwytnwch 
  • Ymgynghorydd ynni a charbon 
  • Ymgynghorwyr polisi llywodraethol ac anllywodraethol 
  • Swyddog cynaliadwyedd neu ailgylchu 

Y sgiliau a addysgir

  • Asesu effeithiau amgylcheddol
  • Modelu hinsawdd y dyfodol
  • Arolygu ecolegol ac amgylcheddol
  • Dadansoddi llygredd mewn labordy
  • Archwilio cynaliadwyedd

Placeholder Image 1

Uchafbwyntiau’r Cwrs

Gwybodaeth a sgiliau amgylcheddol

Datblygu’r wybodaeth a’r sgiliau sydd eu hangen ar gyfer ystod eang o yrfaoedd yn y sector amgylcheddol a’r economi werdd sy’n tyfu.

Profiadau gyrfa

Mae’r cwrs gradd wedi’i gynllunio gyda mewnbwn gan gwmnïau a sefydliadau amgylcheddol. Mae lleoliadau a chyfleoedd gwaith maes ar gyfer yr holl fyfyrwyr yn cyfrannu at astudiaethau sy’n gyfoethog o ran profiadau.

Datblygu ac ymarfer

Gweithio ar brosiectau amgylcheddol a chynaliadwyedd allanol gydag endidau lleol, cenedlaethol a byd-eang.

Cyfrannu at ddatrysiadau

Cyfrannu at waith ymchwil a phrosiectau byw, gan fynd i’r afael â heriau amgylcheddol a’u datrys.

Trosolwg o’r Cwrs

Mae'r cwrs hwn yn rhaglen sy'n canolbwyntio ar y dyfodol ac yn seiliedig ar atebion mewn gwyddor amgylcheddol a newid hinsawdd. Bydd yn eich galluogi i gael effaith gadarnhaol a thrawsnewidiol wrth i chi ymgysylltu â chymdeithas, busnes a llywodraeth mewn datrysiadau ar gyfer datblygu cynaliadwy yn y dyfodol. Fe'i cynlluniwyd gyda diwydiant i ganolbwyntio ar gyflogaeth a rhoi gwybodaeth, hyfforddiant a phrofiad i chi yn y sectorau amgylcheddol allweddol.

Mae’r flwyddyn gyntaf yn rhoi cyflwyniad i themâu allweddol y cwrs gradd, pob un yn gysylltiedig â’r sector cyflogaeth amgylcheddol. Mae’r themâu hyn yn cynnwys newid yn yr hinsawdd, adnoddau adnewyddadwy ac ynni, bioamrywiaeth a chadwraeth, llygredd amgylcheddol, datblygu cynaliadwy, a rheoli amgylcheddol.

Y System Hinsawdd
Byddwch yn ystyried y system hinsawdd a systemau’r Ddaear sy’n effeithio ar brosesau atmosfferig a hinsawdd, gan gynnwys cyfansoddiad atmosfferig, cylchrediad a systemau tywydd, ynghyd â chylchoedd geocemegol pwysig, gan gynnwys y gylchred garbon.

Adnoddau a Deunyddiau
Byddwch yn astudio ein hadnoddau naturiol allweddol, gan gynnwys mwynau, priddoedd a dŵr, ynghyd â datblygu syniadau ym maes adnoddau adnewyddadwy. Bydd yn cynnwys eu defnydd, cynaliadwyedd, ailddefnyddio/ailgylchu, gwaredu, a chysyniadau economi gylchol.

Egwyddorion Ecoleg
Byddwch yn astudio ecoleg y boblogaeth a’r gymuned, gan gynnwys deinameg y boblogaeth, strategaethau a strwythur cynefinoedd, gweoedd bwyd, olyniaethau ecolegol, a rheolyddion amgylcheddol. Yn ogystal, bydd gwaith maes a labordy yn cyflwyno sgiliau adnabod ymarferol.

Effeithiau ar yr Amgylchedd
Byddwch yn astudio effeithiau gweithgarwch dynol ar systemau naturiol. Bydd hyn yn cynnwys newid tirwedd, difodiant, echdynnu a chamddefnyddio adnoddau. Bydd yn ystyried llygryddion a halogiad, gan gynnwys llygredd dŵr a microblastigau, ynghyd ag effeithiau ar iechyd.

Y Gymdeithas Gynaliadwy
Byddwch yn ystyried y cysyniadau a’r heriau sy’n gysylltiedig ag integreiddio buddiannau amgylcheddol, cymdeithasol ac economaidd o raddfa leol i raddfa fyd-eang, gyda’r sefydliadau a’r polisïau sy’n gyfrifol am gyflawni datblygu cynaliadwy.

Datblygu Sgiliau Amgylcheddol
Byddwch yn datblygu eich sgiliau a’ch profiad yn y maes, gydag asesiadau safle amgylcheddol ac asesiadau o’r effaith amgylcheddol. Byddwch yn ystyried cynhyrchu data ac yn defnyddio methodolegau ymchwil, ynghyd â Systemau Gwybodaeth Daearyddol (GIS), i ddelweddu’r data. 

Datblygir gwybodaeth, sgiliau a phrofiad ymhellach yn yr ail flwyddyn, i’ch paratoi ar gyfer y flwyddyn olaf.

Newid yn yr Hinsawdd
Byddwch yn defnyddio amrywiaeth o gofnodion o newid yn yr hinsawdd i ystyried eu hachosion naturiol a dynol, a’u canlyniadau ar wahanol raddfeydd. Yna, byddwch yn modelu newidiadau yn yr hinsawdd yn y dyfodol ac yn ystyried effeithiau.

Systemau Ynni
Byddwch yn ystyried y cyflenwad a’r galw am ynni i ymchwilio i dechnolegau ynni anadnewyddadwy ac adnewyddadwy, asesu a defnyddio adnoddau, ynghyd ag effeithiau amgylcheddol, gan gynnwys ar gyfer ffynonellau solar, gwynt, tonnau, llanw, biomas a geothermol.

Ymgynghori Ecolegol
Byddwch yn defnyddio amrywiaeth o sgiliau a thechnegau cyfoes y diwydiant at ddiben cynnal arolygon ac asesiadau ecolegol, ac i wneud argymhellion. Byddwch yn dysgu sut i asesu rhywogaethau, cynefinoedd a chyflwr y dirwedd, ac yn ystyried cynlluniau gweithredu bioamrywiaeth a pholisïau amgylcheddol.

Halogyddion Amgylcheddol
Byddwch yn cael eich hyfforddi sut i asesu tir halogedig, gan gynnwys y camau asesu safle, nodweddion ffynonellau llygryddion, strategaethau samplu a dulliau dadansoddi labordy. Byddwch hefyd yn asesu strategaethau adfer amrywiol i reoli amgylcheddau halogedig. 

Cynhyrchiant a Defnydd Byd-eang
Byddwch yn edrych ar ganologrwydd defnydd i fywyd bob dydd a sut mae’n cysylltu pobl a lleoedd ar draws y byd yn economaidd, yn gymdeithasol, yn ddiwylliannol ac yn wleidyddol, er mwyn ystyried effeithiau amgylcheddol a chynaliadwyedd yn y dyfodol.

Gwaith Prosiect Cyfranogol
Byddwch yn cyfrannu at ddylunio a gweithredu prosiectau cynaliadwyedd amgylcheddol cydweithredol gyda grwpiau cymunedol, a phartneriaid diwydiannol neu sefydliadol. Bydd yn datblygu eich sgiliau rheoli prosiectau, gwaith tîm ac arwain.

Yn y flwyddyn olaf, caiff y themâu eu cymhwyso i ganolbwyntio ar ddatrysiadau a darparu hyfforddiant ar gyfer llwybrau gyrfa penodol y gallech fod am eu dilyn.

Addasu a Lliniaru Newid yn yr Hinsawdd
Byddwch yn ystyried strategaethau rheoli risg a chydnerthedd i leihau effeithiau newid yn yr hinsawdd yn y dyfodol drwy strategaethau lliniaru ac addasu cyfannol mewn amrywiaeth o amgylcheddau naturiol a sectorau dynol.

Adnoddau ar gyfer y Dyfodol
Byddwch yn ystyried strategaethau ar gyfer dyfodol carbon isel cynaliadwy a’r anghenion materol ar gyfer cynaliadwyedd yn y dyfodol, gan gynnwys ailgylchu a deunyddiau adnewyddadwy a strategaethau i reoli gwastraff yn well.

Heriau Ecolegol Byd-eang
Byddwch yn ystyried dulliau o reoli tirweddau a rhywogaethau mewn ymateb i newidiadau byd-eang ac yn defnyddio monitro ecolegol rhywogaethau a chymunedau biolegol i nodi anghenion ymchwil i’w diogelu yn erbyn newidiadau ecolegol a ragwelir yn y dyfodol. 

Fforenseg Amgylcheddol
Drwy waith prosiect, byddwch yn cael hyfforddiant ar gasglu a rheoli data, gan gynnwys ar gyfer ymchwiliadau cyfreithiol amgylcheddol. Bydd yn cynnwys agweddau ar y gyfraith, samplu lleoliadau trosedd, dadansoddi labordy a dulliau ar gyfer adrodd ar dystiolaeth.

Gwleidyddiaeth yr Amgylchedd
Byddwch yn archwilio rôl a dylanwad mudiadau amgylcheddol, sefydliadau protestio ac ymgyrchu, cyrff anllywodraethol, llywodraethau, dinasyddion a chymdeithas, wrth gynrychioli, datblygu a chynllunio amgylcheddau cynaliadwy ar gyfer y dyfodol.

Prosiect Annibynnol
Bydd eich prosiect ymchwil yn deillio o waith ymchwil annibynnol yn y maes neu yn y labordy, neu o leoliad gwaith perthnasol. Byddwch yn datblygu dadansoddiad beirniadol a manwl ar gyfer maes o'r cwrs sydd o’r diddordeb mwyaf i chi.

GOFYNION MYNEDIAD

Pwyntiau UCAS: 104 (neu uwch)

Gofynion cymhwyster nodweddiadol:

  • Lefel A: BCC i gynnwys o leiaf un pwnc Gwyddoniaeth fel Daearyddiaeth neu Fathemateg ac i eithrio Astudiaethau Cyffredinol.
  • BTEC: Diploma Estynedig BTEC Teilyngdod Teilyngdod Rhagoriaeth mewn pwnc Gwyddoniaeth perthnasol
  • Tystysgrif Her Sgiliau Uwch Bagloriaeth Cymru: Gradd C yn y Dystysgrif Her Sgiliau a BC Lefel A i gynnwys pwnc Gwyddoniaeth gan gynnwys Daearyddiaeth neu Fathemateg ac i eithrio Astudiaethau Cyffredinol
  • Mynediad i AU: Pasio Diploma Mynediad i AU mewn Gwyddoniaeth gydag o leiaf 104 pwynt Tariff UCAS i gynnwys modiwlau Gwyddoniaeth, Mathemateg neu Ddaearyddiaeth.

Gofynion Ychwanegol:

Mae'r Brifysgol fel rheol yn gofyn am o leiaf 5 TGAU gan gynnwys Mathemateg / Rhifedd a Saesneg ar Radd C neu Radd 4 neu'n uwch, neu'r hyn sy'n cyfateb iddynt, ond rhoddir ystyriaeth i amgylchiadau unigol. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£9,000

fesul blwyddyn*
Ffi Llawn Amser y DU

£9,000

fesul blwyddyn*
Ffi Llawn Amser y DU

£740

fesul blwyddyn*
Ffi Llawn Amser Rhyngwladol

£15,260

fesul blwyddyn*
Ffi Llawn Amser Rhyngwladol

£15,260

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Cymorth Costau Byw

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

* Rhwymedig 

 

 

 

Rhaid i fyfyrwyr sy’n dilyn cyrsiau sy’n cynnwys elfennau o waith maes awyr agored wisgo dillad awyr agored addas, sy’n cynnwys offer tywydd gwlyb addas, bŵts/esgidiau garw.

 

 

 

Mae gwaith maes gorfodol yn y DU yn cael ei dalu gan yr adran ond bydd disgwyl i fyfyrwyr dalu am eu bwyd eu hunain.

Mae’r adran yn rhoi cymhorthdal i waith maes tramor ond bydd costau ychwanegol yn berthnasol.

Mae’n bosib y bydd angen fisas a brechiadau ar gyfer rhai mathau o waith maes, a bydd rhaid i’r myfyriwr dalu am hyn, ac mi fydd yn amrywio yn dibynnu ar amgylchiadau a lleoliad unigol.

 

 

 

Uchafbwyntiau’r Cwrs

Cyflwyno ac Asesu

Addysgir y cwrs drwy gymysgedd o ddarlithoedd, gweithdai, seminarau, tiwtorialau, gwaith labordy ymarferol, gwaith maes, a dysgu rhyngddisgyblaethol mewn tîm, ar y cyd â diwydiant ac ochr yn ochr â chymunedau, sy'n cynnig y cyfle delfrydol i chi ennill profiad a datblygu eich sgiliau. Mae'r cwrs gradd yn darparu hyfforddiant mewn meddalwedd safon diwydiant mewn GIS, synhwyro o bell, ac mewn casglu a dadansoddi data meintiol ac ansoddol. Byddwch yn cael eich asesu gan ddefnyddio ystod o ddulliau, gan gynnwys adroddiadau maes, posteri, cyflwyniadau llafar, adroddiadau labordy, eco-ddogfennau, adroddiadau amgylcheddol arddull diwydiant, podlediadau, gwneud gwaith maes ymarferol ac arholiadau. Yn y flwyddyn olaf, byddwch yn cwblhau prosiect manwl ar bwnc sydd o ddiddordeb i chi. Mae’r rhan fwyaf o fodiwlau’n cael eu hasesu’n gyfan gwbl drwy waith cwrs.

Staff addysgu

Byddwch yn cael eich addysgu gan ystod eang o arbenigwyr. Byddwn yn darparu ystod o fecanweithiau cymorth i chi ar gyfer gofal academaidd a bugeiliol, drwy ein system diwtorial unigol ar gyfer Hyfforddiant Academaidd Personol, tiwtoriaid modiwl ac arweinydd y cwrs. Mae gennym bolisi “drws agored” ar gyfer pob myfyriwr sydd angen cymorth, cyngor neu gefnogaeth ar unwaith.

Lleoliadau

Mae'r cwrs hwn yn cynnwys yr opsiwn i ymgymryd ag Ymarfer Proffesiynol a Lleoliad Gwaith. Gallwch ddewis cwblhau blwyddyn ryngosod mewn diwydiant neu waith haf, lleoliad gwirfoddol neu leoliad ar-lein, a fydd yn eich galluogi i roi theori ar waith ar yr un pryd â meithrin eich cysylltiadau â diwydiant. Byddwch hefyd yn ymrestru yn ein Hacademi Ymarfer Proffesiynol, sy’n cynnwys amrywiaeth o weithgareddau a gweithdai gwaith tîm. Bydd hyn yn eich arfogi â’r sgiliau i reoli amgylchedd y gweithle yn llwyddiannus. Mae gan Brifysgol De Cymru dîm lleoliadau gwaith ymroddedig sy’n cynnig amrywiaeth o leoliadau yn seiliedig ar wyddoniaeth drwy borth Cyswllt Gyrfaoedd y Brifysgol. Yn ystod eich cyfnod yn cwblhau eich lleoliad, byddwch yn cael mentor academaidd, a fydd yn eich helpu a'ch cefnogi drwy'r broses.

Cyfleusterau

Yn ogystal â defnyddio’r awyr agored, mae myfyrwyr yn gweithio yn ein labordai a’n hystafelloedd dosbarth modern sydd â chyfarpar da. Mae ein myfyrwyr yn defnyddio amrywiaeth o systemau gwybodaeth ddaearyddol (GIS), golygu cyfryngau a labordai TG, gyda phob un yn cynnwys meddalwedd ymchwil ac arbenigol o safon diwydiant. Mae ein Canolfan Ymchwil Amgylchedd Cynaliadwy (SERC) wedi bod yn ganolfan flaenllaw a gydnabyddir yn rhyngwladol ers dros 30 mlynedd, gan gynnal gwaith ymchwil o'r radd flaenaf i drin gwastraff a chynhyrchu ynni cynaliadwy o wastraff a biomas sydd wedi'i dyfu. Mae’n dod ag arweinwyr o feysydd gwyddoniaeth a pheirianneg ynghyd i gyfuno eu hadnoddau a’u sgiliau i fynd i’r afael â heriau amgylcheddol ac ynni mawr.

Gyrfaoedd a Chyflogadwyedd

Gyrfaoedd graddedigion

Ar y cwrs gradd llawn profiad hwn, byddwch yn datblygu ystod eang o sgiliau ymarferol, labordy, maes a phrosiect, gan gynnwys drwy weithio gyda sefydliadau a chwmnïau allanol i wella cynaliadwyedd amgylcheddol yn lleol, yn genedlaethol ac yn fyd-eang. Mae nifer y swyddi sy’n gysylltiedig â’r economi werdd yn cynyddu’n gyflym, gan gynnwys swyddi sy’n talu’n dda wrth i lawer o sefydliadau a busnesau geisio lleihau eu heffaith amgylcheddol fwyfwy. Mae’r cwrs hwn wedi’i drefnu’n gyfres o themâu ac mae wedi’i gynllunio, gyda mewnbwn gan y diwydiant, i ganolbwyntio ar gyflogaeth. Bydd yn rhoi gwybodaeth, hyfforddiant a phrofiad i chi yn y sectorau cyflogaeth amgylcheddol allweddol er mwyn ymateb i heriau amgylcheddol y dyfodol.

Llwybrau gyrfa posibl

Mae'r themâu gradd yn targedu sectorau pwysig o gyflogaeth mewn cynaliadwyedd yn uniongyrchol o fewn cyrff a sefydliadau'r llywodraeth, ymgyngoriadau, y diwydiant a sefydliadau anllywodraethol. Mae’r rhain yn cynnwys prif feysydd cyflogaeth amgylcheddol mewn datblygu cynaliadwy, lleihau allyriadau carbon, addasu i’r hinsawdd yn y dyfodol, gwaith arolygu ecolegol a chadwraeth amgylcheddol, datrysiadau ecosystem, ailgylchu, adnoddau adnewyddadwy ac ynni, llygredd a monitro amgylcheddol, adfer tir a rheoli amgylcheddol.  

Gallai gyrfaoedd posibl gynnwys rheoli rhaglenni hinsawdd a chydnerthedd, swyddog cynllunio carbon sero net, ymgynghorydd ynni a charbon, cynghorydd polisi defnydd tir ar gyfer newid hinsawdd, swyddog cynaliadwyedd, dadansoddwr ymchwil ar gyfer ymgynghori cynaliadwyedd, swyddog ailgylchu, ymgynghorydd ecolegol, swyddog cadwraeth natur, dadansoddwr llygredd, rheolwr digwyddiadau llygredd, ymgynghorydd polisi llywodraethol ac anllywodraethol, arweinydd rhanddeiliaid amgylcheddol, trefnydd ymgyrchoedd amgylcheddol, rheolwr prosiectau amgylcheddol, swyddogion amgylcheddol ar gyfer cwmnïau, neu ym maes ymgynghori amgylcheddol.

Cymorth gyrfaoedd

Mae gweithdai gyrfaoedd, cynadleddau cyflogwyr ac elfennau lleoliad wedi’u cynnwys yn y cwrs, i’ch helpu i ystyried eich llwybr gyrfa cyn i chi gyrraedd eich blwyddyn olaf. Bydd ymgysylltu ag amrywiaeth o brosiectau allanol yn eich annog i ddatblygu eich portffolio o sgiliau trosglwyddadwy, magu hyder a dod yn fyfyriwr graddedig hynod gyflogadwy. Byddwch yn datblygu sgiliau cyfathrebu, rheoli prosiectau, ymchwil, dadansoddi ac adrodd a fydd yn helpu i ddatblygu eich CV a’ch cyflogadwyedd. Bydd sgiliau amgylcheddol wrth galon economi werdd y dyfodol, ond bydd eich gallu i gyfathrebu a throsi’r syniadau hynny hefyd yn hollbwysig wrth i chi ystyried datrysiadau ar gyfer datblygiadau amgylcheddol cynaliadwy.

 

Pam Prifysgol De Cymru?

Placeholder Image 1

  • Pedwerydd yn y DU ar gyfer addysgu yng Ngwyddorau’r Ddaear a’r Môr (Guardian University Guide 2024)

  • Y gorau yng Nghymru o ran boddhad myfyrwyr mewn Daearyddiaeth a Gwyddor yr Amgylcheddol (Complete University Guide 2023)

Pam Prifysgol De Cymru?

Gwyddorau Daear ym Mhrifysgol De Cymru yw’r gorau yng Nghymru o ran addysgu ac adnoddau dysgu – Arolwg Cenedlaethol y Myfyrwyr

  • Pedwerydd yn y DU ar gyfer addysgu yng Ngwyddorau’r Ddaear a’r Môr (Guardian University Guide 2024)

  • Y gorau yng Nghymru o ran boddhad myfyrwyr mewn Daearyddiaeth a Gwyddor yr Amgylcheddol (Complete University Guide 2023)