This website uses cookies to improve your experience. Read our cookie policy

MA

Menter Gemau

Mae’r MA Menter Gêmau yn gwrs arloesol a fydd yn rhoi cyfle i chi ddatblygu sgiliau artistig, dylunio, technegol, cynhyrchu a menter. Mae’n adeiladu ar yr addysgu llwyddiannus presennol ar lefel gradd israddedig yn y maes pwnc hwn, ac mae wedi cynhyrchu datblygwyr gemau, busnesau bach a chanolig, artistiaid a dylunwyr sydd wedi ennill gwobrau.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £10,800*

  • Myfyrwyr rhyngwladol

    £16,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Caerdydd

  • Côd y Campws

    B

Ffioedd

  • Myfyrwyr cartref

    £1,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

Fel rhan o’r daith i ddod yn feistr ar greu gêmau fideo, byddwch yn datblygu sawl prosiect gêmau sydd â dogfennaeth gadarn, strategaeth fusnes manwl ac, wrth gwrs, gêm i ymfalchïo ynddi.

CYNLLUNIWYD AR GYFER

Anelir y cwrs Meistr Menter Gêmau at y rhai sy’n dymuno ehangu eu sgiliau presennol a datblygu eu hymarfer o fewn amgylchedd sy’n gweithredu fel cwmni datblygu bach, ond sydd hefyd am deilwra eu dysgu i’w harbenigedd eu hunain. Mae brwdfrydedd dros y diwydiant yn hanfodol ar bob cam o’r broses a thrwy gydol y cwrs; bydd angen adlewyrchu arferion proffesiynol y diwydiant o ran agwedd a chynhyrchiant.

Llwybrau gyrfa

  • Dylunydd Gemau
  • Artist Gemau
  • Rheolwr Prosiect
  • Rheolwr Cymunedol
  • Mentor, Hyfforddwr a Darlithydd
  • Sicrhau Ansawdd
  • Rhaglennydd
  • Dylunydd UI

Mewn partneriaeth â

  • Epic Games
  • Unreal Engine

Sgiliau a ddysgwyd

  • Datblygu ymchwil diwydiannol a chreadigol
  • Ymarferion cydweithredol
  • Cyflwyno cysyniadau a syniadau
  • Technegau cynhyrchu a phrototeipiau
  • Dadansoddiad prosiect manwl a beirniadol

Uchafbwyntiau’r Cwrs

Cyfleusterau Rhagorol

Mae ein myfyrwyr yn elwa o sawl labordy gêmau o safon diwydiant. Mae’r rhain yn darparu mynediad i injans gêmau cyffredin fel Unreal Engine, Unity 3D, ac offer fel Adobe CS, Maya, 3DS Max, Substance a ZBrush ynghyd â phecynnau meddalwedd mwy arbenigol eraill.

Addysgu sy’n Seiliedig ar Ymchwil a’r Diwydiant

Cael eich addysgu gan staff diddorol a hynod wybodus gyda blynyddoedd o brofiad ymarferol mewn diwydiant ac ymchwil.

Briffiau Heriol

Gweithio ar brosiectau sy'n eich herio ac yn eich gwthio i feddwl yn feirniadol a datblygu eich sgiliau.

Trosolwg o’r Modiwl

Bydd y cwrs MA Menter Gêmau yn gwthio myfyrwyr i ddatblygu eu hymarfer fel datblygwyr gêmau - archwilir meysydd dadansoddol, artistig, cysyniadol, dylunio, entrepreneuraidd, myfyriol a thechnegol. Anogir ichi ddefnyddio ystod eang o offer meddalwedd ar gyfer datblygu a rheoli prosiectau, a fydd hefyd yn hwyluso’r dasg o gasglu tystiolaeth ddatblygiadol ar gyfer cyfnodolion ymchwil a datblygu, a myfyrio.

  • Gêmau Arloesol Gauntlet
  • Entrepreneuriaeth Greadigol
  • Archwilio ac Arloesi
  • Arbenigaeth Gêmau
  • Gêm Derfynol
Mewn partneriaeth â

Gofynion mynediad

Gradd Anrhydedd mewn maes cysylltiedig a/neu brofiad proffesiynol sylweddol mewn maes cysylltiedig.

Disgwylir i chi feddu ar rywfaint o brofiad o brosesau dylunio, datblygu a chynhyrchu, megis cynhyrchu asedau, dylunio gwastad, rhaglennu neu weithgaredd menter/cynhyrchu. Byddwch yn cael eich cyfweld a disgwylir ichi ddod â phortffolio o waith gyda chi. 

Mae cymwysterau rhyngwladol achrededig cyfatebol yn dderbyniol. Mae angen i fyfyrwyr rhyngwladol gyflenwi dolen i'w portffolio ar-lein neu wefan bersonol, i ddangos eu gallu. Ystyrir ymrwymiad i astudio. Lle bo modd, defnyddir fideo-gynadledda, Skype neu ddull cyfathrebu arall i gysylltu â chi.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£10,800

fesul blwyddyn*
Ffi Llawn Amser y DU

£1,200

fesul blwyddyn*
Ffi Llawn Amser Rhyngwladol

£16,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Benthyca Offer Cyfryngau

Gallwch logi amrywiaeth o offer, ar gyfer eich aseiniadau a’ch gwaith ymarferol, am ddim o’n cyfleuster Benthyca Offer Cyfryngau.

Benthyca Offer Cyfryngau

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Uchafbwyntiau’r Cwrs

Dulliau Dysgu

Addysgir y cwrs MA Menter Gêmau trwy amrywiaeth o seminarau, trafodaethau a chyflwyniadau. Gan roi ffocws ar ddysgu gweithredol a seiliwyd ar ymarfer, byddwch yn defnyddio prosiectau byw a chydweithredol.

Byddwch yn astudio trwy gymysgedd o ddarlithoedd, seminarau, tiwtorialau a phrosiectau a oruchwyliwyd. Bydd siaradwyr gwadd o fewn y diwydiant yn gwella’ch profiad - gallai’r rhain hanu o feysydd dylunio, rhaglennu, datblygu neu fenter.

Tua diwedd y cwrs, byddwch yn cynhyrchu gêm derfynol gyda dogfennaeth sy’n amlygu’r broses ddylunio, yn profi ac yn gwerthuso’r gêm, yn hyrwyddo’r fenter ac, ar ben hynny, efallai y cewch gyfleoedd i arddangos eich gwaith wrth ichi baratoi ar gyfer cyhoeddi’ch gêm derfynol.

Staff Addysgu

Mae’r holl staff yn weithgar yn y meysydd ymchwil neu ymgynghori, neu’n gyflogedig yn y diwydiant gêmau. 

Cyfleusterau

Mae ein myfyrwyr yn elwa o sawl labordy gêmau sy’n cyrraedd safon y diwydiant. Mae’r rhain yn darparu mynediad i injans gêmau cyffredin fel Unreal Engine, Unity 3D, ac offer megis Adobe CS, Maya, 3DS Max, Substance a ZBrush  ynghyd â phecynnau meddalwedd mwy arbenigol eraill.

Mae ein labordai gêmau wedi’u ffurfweddu i gefnogi’r technolegau diweddaraf fel VR ac mae gan ein cyfrifiaduron personol ddigon o RAM, cardiau graffeg, gyriannau cychwyn SSD, a storfa eilaidd i drin eich uchelgeisiau creadigol. Mae gan lawer o’n cyfrifiaduron fonitorau eang iawn hefyd, sy’n ardderchog ar gyfer gwella’ch cynhyrchiant a’ch llif gwaith.

Offer

Ar ein Campws yng Nghaerdydd, mae gennym ni amrywiaeth eang o offer y byddwch chi'n cael eich hyfforddi i'w defnyddio fel rhan o'ch cwrs. I helpu i gefnogi eich astudiaethau, mae gennym gyfleuster Benthyca Offer Cyfryngau sy'n eich galluogi i logi'r offer, am ddim, fel y gallwch eu defnyddio ar gyfer eich aseiniadau a'ch gwaith ymarferol. Mae gennym ni gamerâu ffilm a ffotograffiaeth sylfaenol ac o’r radd flaenaf, offer goleuo a sain cludadwy yn ogystal ag amrywiaeth o ficroffonau a ddefnyddir mewn stiwdios proffesiynol, offerynnau ac offer cysylltiedig i'w defnyddio yn ein stiwdios cerddoriaeth neu ar leoliad. Mae'r tîm o swyddogion technegol a hyfforddwyr hefyd ar gael i'ch helpu gydag unrhyw ymholiadau a materion technegol.

Gyrfaoedd a Chyflogadwyedd

Llwybrau gyrfa posibl

Bydd graddedigion llwyddiannus mewn sefyllfa i ymgeisio am rolau o fewn y maes datblygu gêmau a bydd ganddynt hefyd y sgiliau a’r wybodaeth i allu sefydlu eu cwmnïau cychwynnol eu hunain.

Mae ein graddedigion wedi mynd ymlaen i weithio i gwmnïau megis Activision, Ubisoft, Rockstar North, Codemasters, TT Games, Cloud Imperium, Tiny Rebel Games, Fictioneers, Kwalee, Supermassive Games, Auroch Digital, Run Wild Entertainment, Bonsai Collective a SEGA Amusements.

Mae rhai wedi sefydlu eu cwmnïau eu hunain fel Mochi Mode, Ironsmith Studios, Big Brain Games ac mae eraill wedi mynd ymlaen i weithio fel gweithwyr llawrydd neu ym maes addysg gêmau.

Cymorth gyrfaoedd

Fel myfyriwr ym Mhrifysgol De Cymru, cewch fynediad at gyngor gan y Gwasanaeth Gyrfaoedd a Chyflogadwyedd trwy gydol eich astudiaethau ac ar ôl i chi raddio.

Mae hyn yn cynnwys: apwyntiadau un-i-un gydag Ymgynghorwyr Gyrfa o fewn y gyfadran, yn bersonol, dros y ffôn neu hyd yn oed ar Skype a thrwy e-bost gyda’r gwasanaeth “Gofyn Cwestiwn”. Mae gennym hefyd adnoddau ar-lein helaeth i’ch helpu i ystyried eich opsiynau gyrfaol a chyflwyno’ch hun yn dda i gyflogwyr. Mae adnoddau’n cynnwys profion seicometrig, asesiadau gyrfa, lluniwr CV, efelychydd cyfweliad, a chymorth i wneud cais. Mae gan ein cronfa ddata dros 2,000 o gyflogwyr cofrestredig sy’n targedu myfyrwyr PDC, a gallwch dderbyn e-byst i’ch hysbysu o swyddi bob wythnos.

Mae gan ein Gwasanaeth Gyrfaoedd dimau penodol: Tîm Profiad Gwaith Canolog i’ch helpu i ddod o hyd i leoliadau perthnasol; Tîm Datblygu Cyflogadwyedd sy’n cynnwys rhaglen gyflogadwyedd o’r enw Grad Edge; a Thîm Menter sy’n canolbwyntio ar syniadau busnes newydd ac entrepreneuriaeth.

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.