This website uses cookies to improve your experience. Read our cookie policy

PGCert

Sgiliau Cwnsela Integreiddiol

Cyflwyniad cyffrous i'r sgiliau, theori a hunanymwybyddiaeth sydd eu hangen i fod yn wrandäwr a chyfathrebwr effeithiol.

Sut i wneud cais Archebu lle ar Noson Agored Sgwrsio gyda ni

Manylion Cwrs Allweddol

  • Dyddiad Cychwyn

    Ionawr

  • Lleoliad

    Casnewydd

  • Côd y Campws

    C

Ffioedd

  • Myfyrwyr cartref

    £TBC*

  • Myfyrwyr rhyngwladol

    £TBC*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Bydd y cwrs yn helpu i wella eich potensial o ran cyflogadwyedd drwy wella eich sgiliau cyfathrebu, yn ogystal â’ch helpu i baratoi ar gyfer hyfforddiant a datblygiad proffesiynol ac academaidd pellach.

CYNLLUNIWYD AR GYFER

Gall y cymhwyster cwnsela hwn hefyd helpu pobl mewn proffesiynau cysylltiedig fel gwaith cymdeithasol, nyrsio neu addysgu i ddatblygu a gwella eu sgiliau gwrando a chyfathrebu ymhellach.

Llwybrau Gyrfa

  • GIG
  • Ymarferydd Iechyd Preifat
  • Athro/Athrawes
  • Ymchwilydd

Y sgiliau a addysgir

  • Cyfathrebu
  • Ymholiadau a Dadansoddi
  • Datrys Problemau
  • Cydweithio
  • Myfyrio’n Feirniadol

Trosolwg o’r Modiwl

Sgiliau Cwnsela Integreiddiol Cychwynnol ac Ymwybyddiaeth

Nod y modiwl hwn yw hwyluso'r defnydd moesegol o sgiliau cwnsela cychwynnol o fewn fframwaith integreiddiol o theori cwnsela ac ennyn diddordeb y myfyriwr mewn datblygiad personol drwy ymarfer myfyriol beirniadol.

Datblygu Sgiliau Cwnsela Integreiddiol

Nod y modiwl hwn yw hwyluso'r defnydd bwriadol a moesegol o ystod o sgiliau cwnsela uwch o fewn fframwaith integreiddiol theori cwnsela. Bydd myfyrwyr yn datblygu’r gallu i fyfyrio'n feirniadol ar ddatblygiad eu sgiliau eu hunain ac eraill.

Ymwybyddiaeth a Mewnwelediad mewn Cyd-destun

Nod y modiwl hwn yw hwyluso integreiddio sgiliau, mewnwelediad a theori i ymarfer a hynny mewn modd beirniadol a myfyriol.

GOFYNION MYNEDIAD

Gofynion cymhwyster nodweddiadol:

  • Gradd israddedig a / neu gymwysterau proffesiynol perthnasol
  • Mae cymwysterau Sgiliau Cwnsela Lefel 2 yn ddymunol
  • Profiad o weithio gyda phobl yn y maes gofalu
  • Dau dystlythyr wedi'u llwytho i fyny gyda'ch cais *

*Rhaid i'r tystlythyrau fod ar bapur â phennawd llythyr neu gall y canolwr eu hanfon yn uniongyrchol o gyfeiriad e-bost proffesiynol / gwaith i [email protected]. 

Ar gau i ymgeiswyr rhyngwladol

Yn anffodus, nid yw'r cwrs hwn yn agored i ymgeiswyr rhyngwladol ar hyn o bryd, ewch i'n tudalennau cwrs lle gallwch ddod o hyd i ddewis arall o gyrsiau.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Uchafbwyntiau’r Cwrs

Sut y byddwch yn dysgu

Mae'r Dystysgrif Ôl-raddedig Sgiliau Cwnsela Integreiddiol hyn yn 60 credyd ar Lefel 7. 

Byddwch yn dysgu drwy ymarferion yn seiliedig ar brofiad, ymarfer sgiliau, gwaith ymarfer myfyriol personol ac addysgu ffurfiol. Byddwch yn gweithio mewn parau, grwpiau bach a grwpiau mwy. 

Disgwylir i chi fynychu'r holl sesiynau addysgu ac mae’n ofynnol i chi fod yn bresennol mewn o leiaf 80% ohonynt.

Lleoliadau

Er nad oes lleoliadau ffurfiol fel rhan o'r PG Cert, mae myfyrwyr yn cael cyfle i ddatblygu eu sgiliau cwnsela mewn grŵp ymarfer wythnosol. Yn y lleoliad hwn, maent yn gweithio mewn triawdau gyda'u cyfoedion o'r cwrs. Mae ymarfer sgiliau yn cael ei gynnal mewn grwpiau bach, a arsylwir gan diwtor. Yna gall myfyrwyr fyfyrio ar eu dysgu mewn grŵp ymarfer myfyriol wedi'i hwyluso gan diwtoriaid.

Mae pob tiwtor ar y cwrs yn cwnselwyr a seicotherapyddion gweithredol. Maent yn defnyddio eu profiad clinigol sylweddol yn rheolaidd i gyfoethogi profiad dysgu'r myfyrwyr.

Staff addysgu

Katy Tozer, Arweinydd y Cwrs

Cyfleusterau

Cewch eich addysgu mewn cyfleusterau modern gydag ystafelloedd dosbarth pwrpasol, gan ddefnyddio cyfarpar recordio digidol. 

Gyrfaoedd a Chyflogadwyedd

Gyrfaoedd graddedigion

Mae myfyrwyr blaenorol wedi datblygu eu hyfforddiant ymhellach ar gyrsiau cwnsela a seicotherapi achrededig proffesiynol neu wedi dychwelyd i broffesiynau neu amgylcheddau gwaith sefydledig gyda'u sgiliau cyfathrebu a chwnsela gwell. Mae graddedigion wedi dod o hyd i waith yn y GIG, mewn cyfleusterau iechyd preifat ac ystod o sefydliadau yn y sectorau cyhoeddus, elusennol a gwirfoddol.

Llwybrau gyrfa posibl

Bydd y cwrs yn helpu i wella eich potensial o ran cyflogadwyedd drwy wella eich sgiliau cyfathrebu, yn ogystal â'ch helpu i baratoi ar gyfer hyfforddiant a datblygiad proffesiynol ac academaidd pellach.

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Cyrsiau Cysylltiedig

Cwnsela Integreiddiol a Seicotherapi - PGDip Dysgu mwy
Cwnsela Integreiddiol a Seicotherapi - MA Dysgu mwy

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.