Rhestr Wirio Diwrnod Agored

Coffi a Phice ar y Maen

Bydd pob ymwelydd yn un o'n Diwrnodau Agored yn cael ei gyfarch gan aelod o staff cyfeillgar, gyda thalebau lluniaeth i chi allu prynu diod boeth am ddim a phice ar y maen blasus. 

Ewch draw i Gofrestru i fachu'ch taleb, ewch i un o'n mannau arlwyo, a pharatowch ar gyfer y diwrnod i ddod. Gallech hyd yn oed ddarllen y rhestr wirio hon tra eich bod yn gwneud yr union beth!

Cynlluniwch eich diwrnod

Wrth gofrestru, byddwch yn cael rhaglen sy'n cynnwys amseriadau sgyrsiau pwnc, teithiau llety a theithiau campws. Mae’n werth cynllunio, hyd yn oed os mai dim ond yn eich pen chi y mae, dim ond i wneud yn siŵr nad ydych chi’n colli unrhyw beth pwysig. 

Pethau i'w hystyried:

• Amser a Lleoliad Sgyrsiau Pwnc
• Amser a Lleoliad Teithiau Llety
• Amser a Lleoliad Taith y Campws
• Lleoliadau Stondinau Gwybodaeth

Gwybod eich nodau

Mae’n syniad da mynd i’r diwrnod agored gyda rhai pethau eisoes mewn golwg, megis:

• Gwybod y maes pwnc yr hyn yr hoffech ei astudio. Efallai eich bod yn gwybod yr hoffech astudio, ond yn ansicr pa arbenigedd i’w ddilyn.
• Deall y gwahanol opsiynau astudio a’r hyn y maent yn ei olygu i chi, e.e. amser llawn, rhan-amser a rhyngosod.
• A yw'r cwrs yn darparu cyfleoedd lleoliad?
• A oes offer neu gyfleusterau ar gael i symud ymlaen â'ch astudiaethau?
• Ydy'r lleoliad yn addas i chi?

Sgwrsiwch â’n llysgenhadon myfyrwyr

Bydd ein Llysgenhadon Myfyrwyr wedi’u gwasgaru o amgylch y campws mewn Diwrnod Agored i’ch helpu wrth gofrestru, eich arwain trwy deithiau campws a llety, neu gyflwyno sgwrs pwnc neu fywyd myfyriwr. 

Os ydych chi am gael hanes gonest, uniongyrchol o sut beth yw bod yn fyfyriwr PDC, dyma'r bobl i siarad â nhw! Gofynnwch iddyn nhw sut maen nhw'n dod o hyd i'w cwrs, bywyd myfyriwr a sut le yw PDC yn gyffredinol. 

Os oes gennych chi gwestiynau pellach ar ôl y Diwrnod Agored, gallwch sgwrsio â'n Myfyrwyr ar-lein.

Gofynnwch gwestiynau

Mae Diwrnod Agored yn ddiwrnod cyfan o’ch amser sy’n ymroddedig i brifysgol, felly mae’n iawn gwneud y gorau ohono. Oes gennych chi gwestiwn? Gofynnwch iddo! Ni fydd dim byth yn ormod o drafferth i ni. 

Os ydych chi'n mynychu sgwrs pwnc, a ddim yn teimlo'n gyfforddus i ofyn o flaen eraill, bydd y darlithydd yn fwy na pharod i gael sgwrs wedyn, ac efallai y bydd hyd yn oed yn trosglwyddo ei gyfeiriad e-bost fel y gallwch chi aros mewn cysylltiad wrth symud ymlaen. 

Os oes gennych chi rai cwestiynau mewn golwg yn barod, efallai y byddai’n werth gwneud nodyn ohonyn nhw fel nad ydych chi’n anghofio trwy gydol y dydd. 

Ewch ar daith campws

Mae ein Campysau yn llawer mwy na darlithfeydd yn unig. Gyda 5 campws ar draws 3 lleoliad, mae gan Brifysgol De Cymru ddigon ar gael. 

Y gwirionedd yw, byddwch chi'n treulio llawer o'ch amser fel myfyriwr ar y campws, felly mae cael archwiliad da yn allweddol i sicrhau ei fod yn rhywle y byddwch chi'n mwynhau ymweld ag ef. 

Mae ein campws yn Nhrefforest hefyd yn gartref i Undeb y Myfyrwyr sydd â bar, clwb nos a hyd yn oed salon gwallt.

Gweld y llety

Mae neuaddau yn rhan fawr o’ch profiad fel myfyriwr ac mae llety ym mhob un o’n tri lleoliad. 

Gall dewis rhywle newydd i fyw ymddangos yn frawychus ac mae'n debyg bod gennych lawer o gwestiynau am opsiynau llety, faint mae'n ei gostio a sut i wneud cais. 

Mae’r rhan fwyaf o’n myfyrwyr llysgenhadon yn byw neu wedi byw mewn neuaddau felly yn cael y profiadau uniongyrchol hynny o sut brofiad yw hynny. Manteisiwch ar y cyfle i gael golwg dda ar ein llety ar y diwrnod ac mae gan ein gwefan lawer o wybodaeth ddefnyddiol hefyd. 

Archwiliwch yr ardal

Ar wahân i'r campws, mae'r ardal leol hefyd yn rhywle y gallech chi dreulio llawer o amser. 

Gyda champysau yng Nghaerdydd a’r cyffiniau, gallwch brofi’r amrywiaeth sydd gan Dde Cymru i’w gynnig – bwrlwm y dinasoedd, harddwch yr arfordir, a llonyddwch cefn gwlad. 

Neulltio bach o amser ar ôl y Diwrnod Agored i archwilio’r ardal a gweld beth sydd o gwmpas. Efallai cael tamaid i'w fwyta mewn bwyty lleol neu sgwrio drwy'r siopau cyfagos. 

Mae hefyd yn syniad darganfod pa mor bell i ffwrdd yw’r cysylltiadau trafnidiaeth gyhoeddus agosaf, fferyllfeydd a hyd yn oed yr archfarchnad neu’r siop gornel agosaf.