Gwobrau Athrawon a Chynghorwyr PDC 2021

“Pan gyflawnais fy TAR, doedd dim hyfforddiant ar sut i ymdopi yn ystod Pandemig Byd-eang ac fel pawb arall yn y proffesiwn, newidiodd fy swydd ym mis Mawrth 2020. Fel ysgol, rwy’n teimlo ein bod wedi ymateb yn rhagweithiol i'r her o ddysgu o gartref - ac fel Tîm Bugeiliol, ein nod oedd sicrhau bod ein disgyblion yn gwybod ein bod ni dal yno ar eu cyfer, er nad oedden nhw’n ein gweld ni’n ddyddiol. Roedd cael enwebiad ar gyfer y wobr hon gan rieni yn gwneud i mi deimlo’n hynod falch, roedd eu geiriau’n atgyfnerthu pam fy mod yn gwneud y swydd hon bob dydd ac mae ennill y wobr yn sicr yn un o uchafbwyntiau gyrfa ugain mlynedd.”

''Roeddwn i more hapus i gael fy enwebu ar gyfer y wobr hon ac wrth fy modd i ennill. Roedd clywed y sylwadau amdanaf gan y myfyrwyr blwyddyn 10 a enwebodd fi, yn fy atgoffa pam y penderfynais ddod yn athro. Mae wedi bod yn flwyddyn anodd i bawb, mae addasu i ddysgu cyfunol a phellter cymdeithasol wedi bod yn frwydr i nifer ac mae helpu hyd yn oed un person gyda’u lles meddyliol yn werth chweil.”

"Mae bywyd yn llawn ansicrwydd, a ni allwn fod yn sicr o'n dyfodol. Rwy'n yn cofio fy mam yn dweud wrthyf fod fy athro ysgol gynradd yn meddwl na fyddwn i'n cael gyrfa ac nac oeddwn i'n ddeallus. Glynodd y geiriau hyn am weddill fy oes.

Drwy gydol fy mywyd rwyf wedi eisiau profi'r athro hwnnw'n anghywir. Mae hyn wedi rhoi’r awydd i mi ddangos bod fy myfyrwyr blwyddyn 13 yn gallu cyflawni'r dyfodol y maent yn eu haeddu er gwaethaf eu cefndiroedd. Dros y 3 blynedd diwethaf rwyf wedi cael yr her o sicrhau bod holl fyfyrwyr blwyddyn 13 Ysgol Uwchradd Gymunedol Gorllewin Caerdydd yn cyflawni eu huchelgeisiau ac yn symud i addysg uwch. Rwyf wedi gweithio ar gefnogi pob myfyriwr gyda’u ceisiadau UCAS a sicrhau ein bod wedi ymgysylltu â llawer o brifysgolion. Mae'r holl fyfyrwyr wedi sicrhaul lleoedd prifysgol.

Mae derbyn y wobr am gefnogi dilyniant i addysg uwch yn golygu fy mod wedi cyflawni fy nod o sicrhau bod myfyrwyr yn gwerthfawrogi'r byd addysg beth bynnag fo'u cefndir."