/prod01/channel_2/media/university-of-south-wales/site-assets/images/04-profiles/41-undergraduate-student/profile-ug-illustration-meg-kingsbury-57116.jpg)
Mae Caerdydd wedi bod yn anhygoel o ran fy natblygiad artistig.
Astudio Darlunio yn PDC
Mae celf wedi bod yn rhan fawr o fy mywyd erioed. Ro’n i’n cael fy annog gartref i fynd ar drywydd celf, ac yn ystod Covid, tra’n astudio arholiadau TGAU, ro’n i’n canolbwyntio ar gelf fwy nag erioed. I ddechrau, ro’n i’n ystyried gyrfa ym maes gwyddorau milfeddygol, ond daeth fy nghariad at ddarlunio i’r brig. Mae’n rhywbeth dw i wir yn angerddol drosto, a dw i wedi bod yn un sy’n dilyn fy ngreddf erioed.
Dewisais PDC oherwydd ro’n i eisiau symud i ddinas fyddai’n ysbrydoli fy nghelf. Mae Caerdydd yn ddeinamig, yn greadigol ac wedi’i lleoli y pellter perffaith o’m tref enedigol, Cheltenham. Er na wnes i ddod i Ddiwrnod Agored, ro’n i’n teimlo’n hyderus mai dyma’r lle iawn i mi - ac yn wir, dyna’r dewis cywir.
Dewch o hyd i'ch cwrsProsiectau creadigol a dyheadau gyrfa
Yn ystod fy amser yma, dw i wedi cael cyfleoedd gwych yn y diwydiant, gan gynnwys prosiect gyda Music to Clare’s Emergency, Cyngor Caerdydd a Sustainable Studios. Rydyn ni hefyd wedi gweithio ar friffiau byw, gan gynnwys prosiectau dylunio ar gyfer teledu. Fy hoff brofiad hyd yma oedd gweithio ar furlun; roedd yn gyfle unigryw, a dw i’n ddiolchgar iawn amdano.
O ran fy nyfodol, dw i’n archwilio llwybrau gyrfa amrywiol gyda help y tîm gyrfaoedd - maen nhw’n hynod gefnogol! Fy nghyngor i ddarlunwyr y dyfodol? Dal ati i ymarfer - peidiwch â cholli brwdfrydedd. Mae darlunio’n rheolaidd yn cadw’r creadigrwydd yn fyw!
Cyflogadwyedd a Gyrfaoedd/prod01/channel_2/media/university-of-south-wales/site-assets/images/08-subjects/design/Owen-(Spoonie---preferred-name)-Fielding-1.jpg)
Diddordeb mewn Dylunio?
Mae ein cyrsiau dylunio yn cael eu creu gyda diwydiant mewn golwg a'n nod yw eich paratoi ar gyfer y gweithle erbyn i chi raddio.