Uniondeb Ymchwil

Fel sy’n ofynnol gan Gyngor Cyllido Addysg Uwch Cymru (CCAUC), mae’r Brifysgol wedi ymrwymo i gydymffurfio’n llawn â Choncordat Prifysgolion y Deyrnas Unedig i Hybu Uniondeb mewn Ymchwil.

Dyma ein datganiadau cydymffurfio blynyddol:

Nid yw Fframweithiau ar gyfer Arferion Ymchwil Da wedi’u cyfyngu i Brifysgolion y Deyrnas Unedig a CCAUC. Mae PDC yn tanysgrifio i God Ymarfer Ymchwil Swyddfa Uniondeb Ymchwil y Deyrnas Unedig (UKRIO) a rhaid i’r holl ymchwil a wnaiff y Brifysgol ym maes iechyd gydymffurfio â’r Fframwaith ar gyfer Ymchwil Iechyd a Gofal Cymdeithasol (Llywodraeth y Deyrnas Unedig).

Mae’r Brifysgol wedi ymrwymo i’r egwyddorion canlynol o ran arferion da mewn ymchwil.

Mae’r rhain wedi’u hamlinellu yng Nghod Ymddygiad Arferion Ymchwil Da PDC sy’n nodi:

Bod gwerthoedd cyffredin o ran uniondeb a chywirdeb wrth wraidd ein hymchwil
Ein bod yn meithrin amgylchedd ymchwil sy’n cefnogi ymchwil o’r safonau uchaf o ran manyldeb a chywirdeb
Bod ein gweithgarwch ymchwil ac arloesi yn cydymffurfio â’r holl rwymedigaethau moesegol, cyfreithiol a phroffesiynol
Ein bod yn defnyddio prosesau tryloyw, cadarn a theg i ymdrin â honiadau o gamymddwyn
Ein bod yn parhau i fonitro, a lle bo angen, yn gwella addasrwydd a phriodoldeb y dulliau sydd ar waith i roi sicrwydd ynghylch uniondeb gwaith ymchwil

Mae gan y Brifysgol brosesau cadarn ar gyfer ymdrin â honiadau o gamymddwyn academaidd, a phroses gymeradwyo foesegol wedi’i diffinio’n glir ar gyfer staff a myfyrwyr.

Lle bydd angen, mae’n ofynnol i bob aelod o staff academaidd a phob myfyriwr wneud cais am gymeradwyaeth moeseg ymchwil cyn cynnal unrhyw weithgarwch cysylltiedig.

Mae gan bob cyfadran Bwyllgor Moeseg Ymchwil ac mae’r rhain yn cael eu harwain gan Gadeirydd Moeseg Ymchwil y Gyfadran. Gellir gweld y trefniadau Moeseg Ymchwil ar fewnrwyd y staff.

Polisi Moeseg Ymchwil PDC 2019

Mae hyfforddiant cynhwysfawr i staff a myfyrwyr ar gael drwy'r Rhaglen Datblygu Ymchwil ac Arloesi.

Mewngofnodwch i fewnrwyd y staff i weld y tudalennau am lywodraethu ymchwil, polisïau a chanllawiau ynghylch:

Y Cod Ymddygiad Arferion Ymchwil Da
Polisi Moeseg Ymchwil y Brifysgol
Canllawiau Cyhoeddi ac Awdurdodi
Camymddwyn mewn Ymchwil - gweithdrefn ar gyfer adrodd ac ymchwilio
Polisi chwythu'r chwiban
Diogelu Data (GDPR)
Rheoli Data Ymchwil
Mynediad Agored
Protocol ATAL ar gyfer ymchwil sy'n gysylltiedig â diogelwch
Matrics Risg Ymchwil ar gyfer cymeradwyo gwaith ymchwil sydd i’w gyflawni dramor neu sy'n peri risg sylweddol i ymchwilwyr, cyfranogwyr neu sefydliadau.

Cysylltu

Y Rheolwr Llywodraethu Ymchwil yw’r pwynt cyswllt cyntaf os ydych chi’n chwilio am wybodaeth am Uniondeb Ymchwil neu unrhyw faterion cysylltiedig.

Os bydd unigolion eisiau mynegi pryderon yn gyfrinachol am uniondeb unrhyw waith ymchwil sy’n cael ei wneud gan Brifysgol De Cymru, fe’u gwahoddir i gysylltu â Phennaeth y Gwasanaethau Ymchwil ac Arloesi.

Y Dirprwy Is-ganghellor ar gyfer Ymchwil sy’n goruchwylio uniondeb ymchwil ac sy’n sicrhau bod y wybodaeth hon wedi’i diweddaru ac ar gael i’r cyhoedd.