Cyflogadwyedd a Gyrfaoedd
Mae cwrs yn PDC yn fwy na gradd. Rydym yn creu graddedigion sy’n barod ar gyfer yfory; pobl sy’n barod i ddatblygu eu gyrfaoedd a sydd â’r meddylfryd i lwyddo.
Astudio/prod01/channel_2/media/university-of-south-wales/site-assets/images/08-subjects/allied-health/subject-allied-health-odp-50300.jpg)
Mae cyflogadwyedd mor bwysig fel ein bod wedi’i gynnwys ym mhob un o’n cyrsiau. O brosiectau ar sail arferion gwaith i amser yn y gweithle, byddwn yn eich helpu i adeiladu sgiliau sy’n barod ar gyfer y byd gwaith ac ennill profiad perthnasol i’ch gyrfa.
Pam PDC?
Ar y brig yng nghymru
ar gyfer busnesau newydd am y 5ed flwyddyn yn olynol, ac yn y 6ed safle yn y DU.
HE Business and Community Interaction (HE-BCI) Survey 2023/24-
3ydd yn y DU am y nifer o fusnesau graddetid gweithredol (1af yng Nghymru).
-
Enwyd yn y 50 sefydliad gorau yn y DU am bŵer ymchwil gan y Times Higher Education.
Pam PDC?
96%
o raddedigion PDC mewn Cyflogaeth a/neu Astudiaeth Bellach 15 mis ar ôl graddio.
Arolwg Hynt Graddedigion 2021/223ydd yn y DU am y nifer o fusnesau graddetid gweithredol (1af yng Nghymru).
Enwyd yn y 50 sefydliad gorau yn y DU am bŵer ymchwil gan y Times Higher Education.
Cysylltiadau â chyflogwyr
Rydym yn gweithio â chyflogwyr ledled pob sector i gysylltu myfyrwyr â lleoliadau a chyfleoedd i raddedigion. Caiff miloedd o swyddi a lleoliadau eu postio ar ein byrddau swyddi gwag bob blwyddyn, ac mae dros 500 o gyflogwyr yn dod i ymweld â PDC i gwrdd â myfyrwyr yn ein digwyddiadau.
Cyfleoedd profiad gwaith
Mae gan PDC dîm penodol i’ch cefnogi chi i ddod o hyd i brofiad gwaith ar sail gyrfaoedd yn y DU a thramor. Mae llawer o wahanol fathau o brofiad gwaith, fel eich bod yn siŵr o ddod o hyd i un sy’n siwtio chi. Mae gan rai o’n cyrsiau ‘flwyddyn ryngosod’ hefyd, sef blwyddyn o brofiad gwaith – y cwbl sydd angen i chi ei wneud yw gwirio’r opsiynau astudio ger pob cwrs.
Cyrsiau achrededig
Mae llawer o gyrsiau yn y Brifysgol wedi’u hachredu gan gyrff proffesiynol. Mae hyn yn golygu eu bod o’r radd flaenaf, ac y gallent eich eithrio o arholiadau proffesiynol fel ychwanegiad. Dyma rai o’r achrediadau rydyn ni’n gweithio gyda nhw: ACCA, CIPD, RICS, IET, HCPC, APM, ICAEW, IDM, ICE, IOSH .
.png){kind=logo}
.png){kind=logo}
Ennill profiad, magu hyder, a pharatoi ar gyfer yfory
Mae Gyrfaoedd PDC yma i’ch annog chi, eich arwain chi a’ch cynorthwyo chi drwy gydol eich amser fel myfyriwr yn PDC ac ar ôl i chi raddio. Gallwn eich helpu i ddod o hyd i gyfleoedd a’ch paratoi i’w cymryd. Byddwn yn eich helpu i ystyried eich opsiynau gyrfa a sut i ddatblygu’r sgiliau hyn, a’r profiad sydd ei angen. Rydym hefyd yn cynnig cymorth ymarferol o ran dod o hyd i leoliadau gwaith, llenwi ffurflenni cais am swyddi ac ymarfer technegau cyfweld. Mae gan ein hadnoddau ar-lein bopeth sydd ei angen arnoch i gynllunio ar gyfer yfory.
Profiad a lleoliadau gwaith
Lleoliad gwaith yw cyfnod o brofiad gwaith perthnasol dan oruchwyliaeth academaidd, a asesir yn rhan o raglen astudio.
Mae profiad gwaith yn cynnwys ymgymryd â phrofiad ar sail diwydiant ochr yn ochr ag astudiaethau.
Mae’r rhan fwyaf o gyflogwyr eisiau recriwtio graddedigion sydd ag ychydig o wybodaeth berthnasol a diweddar am y byd gwaith o ran y diwydiant rydych chi’n bwriadu gweithio ynddo.
Ystyried eich opsiynau gyrfa
P’un a oes gennych yrfa dan sylw neu os nad ydych yn siŵr i ble fydd eich gradd yn mynd â chi, mae tîm Gyrfaoedd PDC ar gael i helpu.
Drwy apwyntiadau un i un a chymorth rheolaidd, gallent eich helpu i archwilio opsiynau gyrfaoedd, nodi’r sgiliau a’r wybodaeth sydd eu hangen arnoch i lwyddo, dod o hyd i swyddi sy’n addas i’ch cyfres sgiliau a’ch nodau mewn bywyd, a llawer mwy.
Ysgrifennu CV, cyfweliadau, hyrwyddo eich hun a llawer mwy
Waeth os ydych chi’n gwneud cais am swyddi, yn chwilio am brofiad, yn mynd i gyfweliadau neu’n rhwydweithio, mae creu argraff gryf a phositif ar y tro cyntaf yn hynod bwysig.
O CV a llythyrau eglurhaol i gyfweliadau, ceisiadau a mwy, mae gennym yr holl wybodaeth a’r adnoddau sydd eu hangen arnoch i greu effaith bositif, gyda chymorth ar hyd y ffordd.
Cymorth Gyrfa
Cymorth i ddechrau busnes
Dechrau Busnes PDC yw’r safle un stop newydd sbon i gael gwybodaeth a gwasanaethau am fenter, entrepreneuriaeth a dechrau eich busnes eich hun. Gall Menter Myfyrwyr gynnig cymorth, arweiniad a gweithgarwch i bob myfyriwr a rhai sydd wedi graddio ers hyd at 3 blynedd. Gallwch gael mynediad i gymorth un i un ochr yn ochr â’n gwasanaeth ‘Be My Board’, sy’n fforwm i roi cymorth i ddatrys rhai o’r heriau byddwch chi’n eu hwynebu fel entrepreneur newydd.Ffau Syniadau Da a Chyllid
BID (Ffau Syniadau Da ‘Bright Ideas Den’) yw eich cyfle i fidio i gael £1,000 i roi hwb i’ch syniad da. Os oes gennych syniad busnes neu lawrydd yr hoffech roi cynnig arno wrth astudio, neu os ydych wedi penderfynu sefydlu busnes neu weithio’n llawrydd ar ôl graddio, gallai’r cyllid a’r cyngor sydd ar gae yn y Ffau Syniadau Da fod yn berffaith i chi.Academi Gweithwyr Llawrydd PDC
Os oes gennych syniad ac ry’ch chi’n barod i fwrw ymlaen ag ef, mae’r Academi Gweithwyr Llawrydd yn canolbwyntio ar roi’r sgiliau, y wybodaeth a’r rhwydwaith i chi i wireddu’ch syniad. Yn ystod y 5 diwrnod dwys, fe fyddwch yn dysgu am agweddau ymarferol ar ddechrau busnes (gan gynnwys marchnata a chyllid) ac yn datblygu sgiliau megis cyflwyno syniadau a rhwydweithio.Menter Myfyrwyr
Mae Menter PDC, rhan o Gyrfaoedd PDC, yn cefnogi myfyrwyr a graddedigion sydd â diddordeb mewn datblygu eu sgiliau menter, gweithio’n llawrydd, dechrau eu busnes neu fenter gymdeithasol eu hun ac sydd am drafod, datblygu, profi a lansio eu syniadau./prod01/channel_2/media/university-of-south-wales/site-assets/images/00-miscellaneous/misc-part-time.jpg)
Ydych chi eisiau gweithio’n llawrydd neu ddechrau busnes?
Gall Menter Myfyrwyr eich helpu i archwilio syniadau, dechrau gweithio’n llawrydd neu ddechrau eich busnes eich hun. Gallwn eich helpu bob cam o’r ffordd; o syniad ar bapur i lansiad busnes a thu hwnt!
Rydym yn cynnig cefnogaeth a mentora un i un drwy’r flwyddyn, yn ogystal ag ystod o ddigwyddiadau a gweithdai rhyngweithiol, gan roi’r wybodaeth, yr hyder a’r rhwydweithiau i chi ddechrau gweithio i chi eich hun.