Newid bywydau a’n byd am well yfory

Mae ymgysylltu, partneriaethau a chydweithio yn ganolog i bopeth rydym yn ei wneud.

Mae ein harbenigwyr yn gweithio gyda sefydliadau o bob maint, ac o bob sector, i ddatblygu syniadau, cynhyrchion a gwasanaethau newydd sy'n datrys problemau penodol. Rydyn ni’n helpu llunwyr polisi i gasglu tystiolaeth i ddeall anghenion a phrofiadau’r sector neu ddiwydiant er mwyn llywio atebion yn well. Mae ein hymchwil yn rhoi atebion i rai o’r heriau mwyaf sylweddol sy’n wynebu cymdeithas a’r economi heddiw, o hybu arloesi a thwf economaidd i fynd i’r afael â’r newid yn yr hinsawdd; o hyrwyddo cydraddoldeb i wella gallu pawb i gael gwasanaethau gofal iechyd.