Gwaith gan 22 o gyn-fyfyrwyr PDC yn cael ei gydnabod yn enwebiadau’r Oscars

Cyhoeddwyd rhestr fer Gwobrau’r Academi, sy'n cael eu cynnal am y naw deg a thrydydd trio, gyda 22 o raddedigion Prifysgol De Cymru (PDC) wedi’u henwi yn yr enwebiadau.

Mae cyn-fyfyrwyr o Ysgol Ffilm a Theledu Cymru PDC wedi gweithio ar rai o ffilmiau mwyaf llwyddiannus y flwyddyn ddiwethaf, sydd wedi’u henwebu yng nghategorïau Ffilm Nodwedd ac Effeithiau Gweledol Animeiddiedig.

Wedi gweithio ar ffilmiau hynod lwyddiannus fel Over The Moon, Wolfwalkers, The Midnight Sky, The One and Only Ivan ac A Shaun the Sheep Movie: Farmageddon, gall y cyn-fyfyrwyr Animeiddio ac Animeiddio Cyfrifiadurol bellach ychwanegu rhai o ffilmiau mwyaf ariannol lwyddiannus y blynyddoedd diwethaf at eu CVs.

Dywedodd Tom Ware, Cyfarwyddwr Cynhyrchu a Pherfformio PDC: “Rydyn ni wrth ein bodd bod creadigrwydd a phroffesiynoldeb graddedigion PDC wedi cael eu cydnabod ar lefelau uchaf y diwydiant ffilm rhyngwladol unwaith eto. Mae’r ffaith bod dros 20 o gyn-fyfyrwyr Ffilm, Effeithiau Gweledol ac Animeiddio PDC yn rhan o'r dathliad hwn a gydnabyddir yn fyd-eang yn dyst i ansawdd ein graddedigion, ac mae'n gosod Ysgol Ffilm a Theledu Cymru PDC ymhlith ysgolion ffilm blaenaf y byd. "

Bydd Gwobrau’r Academi yn cael eu cynnal am y naw deg a thrydydd tro ar ddydd Sul, 25 Ebrill yn Los Angeles – ddeufis yn hwyrach na’r bwriad gwreiddiol, yn sgil effaith pandemig Covid-19 ar sinema.

Llongyfarchiadau i’r cyn-fyfyrwyr canlynol, y mae eu gwaith ar y ffilmiau enwebedig wedi ei gydnabod:

Categori: Ffilm Nodwedd Animeiddiedig Orau

Over The Moon

Matt Jones, Artist Bwrdd Stori

Kieran McKay a Lucas Maxfield, Artistiaid Lookdev Cymeriadau 3D

Wolfwalkers

Matt Jones, Artist Bwrdd Stori

Bryony Evans, Uwch Artist Twtio

Gemma Roberts, Uwch Animeiddiwr 2D

A Shaun the Sheep Movie: Farmageddon

Jeff Karrie, Animeiddiwr CG

Jody Meredith, Alison Evans, Jason Comley, Rhodri Lovett, Ed Jackson, Paul Thomas, James Carlisle a Sean Gregory, Animeiddwyr Stopio-Symud  

Jack Slade, Gwneuthurwr Modelau Stopio-Symud

Oliver Geen a Phil Davies, Gwisgo Setiau

Richard Stradling, Cynorthwyydd Cynhyrchu

Categori: Effeithiau Gweledol Gorau

Tenet

Rosie Walker, Hyfforddwr VFX

The Midnight Sky

Beth Warner, Cydlynydd Effeithiau Gweledol

The One and Only Ivan

Chaitan Joshi a Kathryn Chandler, Artistiaid Cynllun