Wythnos Entrepreneuriaeth Fyd-eang: Sut mae cefnogaeth PDC yn helpu Victor i adeiladu llwyddiant.

Victor Ojabo a Luke Horsley, Rheolwr Datblygu Busnes NDT South Wales Ltd.

Yn wreiddiol o Nigeria, mae'r gefnogaeth y mae Victor Ojabo wedi'i chael gan bob rhan o Brifysgol De Cymru (PDC) wedi helpu ei arbenigedd peirianneg i ddatblygu'n fusnes llwyddiannus.

Ar ôl gweithio ym maes peirianneg yn ei wlad enedigol yn Nigeria, penderfynodd Victor Ojabo, 41, ddatblygu ei sgiliau a’i arbenigedd busnes yn y DU - ac yn sicr mae ei benderfyniad i astudio yn PDC wedi talu ar ei ganfed.

Gan ddechrau ei MSc mewn Peirianneg a Rheoli Awyrennau yn 2017, ac yna mynd ymlaen i wneud ei MBA, y ddau yn PDC, penderfynodd sefydlu busnes gan ddefnyddio ei sgiliau peirianneg, a sefydlodd NDT South Wales Ltd.

Gan ganolbwyntio ar ‘Profi Anninistriol’ o Seilwaith hanfodol, ar gyfer nifer o ddiwydiannau hanfodol, mae busnes Victor yn gweithio gyda chwmnïau mewn nifer o sectorau, gan gynnwys Awyrofod, Rheilffordd, Gwaith Dur, Peirianneg Sifil, Trin Dŵr, a Gweithgynhyrchu Manwl.

Ond nid yw'r llwyddiant - mae Victor yn cynllunio ehangu ei dîm ymhellach wrth i faint y gwaith y mae NDT yn ei gael gynyddu - wedi dod heb gymorth arbenigwyr yn PDC.

“Dechreuais y busnes y llynedd yn ystod pandemig COVID-19, ac roeddwn i angen llawer o gefnogaeth i roi cychwyn arni,” meddai Victor, tad priod i dri o blant sy’n byw yng Nghaerdydd.

“Diolch byth, ar draws PDC mae llawer iawn o gymorth ar gael gan arbenigwyr a all gynnig y gefnogaeth gywir sydd ei hangen.

“Yn Startup Stiwdio Sefydlu, a leolir ar Gampws Caerdydd PDC, llwyddais i gael cefnogaeth gyda sefydlu’r busnes, deall ochr ddigidol pethau, cofrestriadau cydymffurfio ac achredu - gan i mi ddechrau yn ystod y pandemig felly roedd angen i mi wybod sut yr oedd hynny’n gweithio - cofrestru ar gyfer pethau fel Ymgorffori Cwmni, Aelodaeth Gorfforaethol BINDT, Iechyd a Diogelwch, Cynllun Rheoli Ansawdd Cyflenwyr a TAW, a chael mentora gan y bobl a oedd yn gwybod beth i'w wneud a sut i wneud hynny.

“Cefais gefnogaeth wych hefyd gan arbenigwyr eraill ar draws PDC, gan gynnwys Startup Stiwdio Sefydlu PDC, Clinig Busnes PDC, Tîm Gyrfaoedd a Chyflogadwyedd a Chyfnewidfa PDC, sy’n cynnig mynediad pellach i arbenigwyr a chysylltiadau busnes y Brifysgol.”

Ar ôl elwa o’r gefnogaeth a gynigiwyd gan arbenigwyr PDC, mae Victor yn gweithio i barhau i ehangu ei gwmni gyda chymorth pellach gan y Brifysgol.

“Nawr ein bod ni'n edrych ar adeiladu ein sylfaen cleientiaid, rydw i'n rhoi'r ffocws ar ein marchnata. Rydyn ni wedi rhoi cynnig ar gwpl o bethau, fel e-bostio uniongyrchol, e-bostio oer, galwadau ffôn, cyfryngau cymdeithasol a marchnata ar-lein, felly byddwn ni'n gweld sut gallwn ni wneud mwy â hynny,” meddai Victor.

“Rwyf hefyd wedi cael trafodaethau ynghylch adleoli’r busnes i Gampws Casnewydd PDC, a sefydlu canolfan yno. Byddai hyn yn ddelfrydol gan fy mod yn dal i allu cyrchu'r gefnogaeth a gynigir yn PDC, sydd wedi bod yn hanfodol wrth sefydlu fy musnes. "