Academydd addysg blynyddoedd cynnar yn ennill gwobr genedlaethol

lwyddodd Pavla Boulton, Uwch Ddarlithydd mewn Addysg Blynyddoedd Cynnar ym Mhrifysgol De Cymru (PDC), i gasglu ei gwobr fawreddog Cymrodoriaeth Addysgu Genedlaethol neithiwr yn Seremoni Gwobrau Rhagoriaeth Addysgu Advance HE, bron i ddwy flynedd ar ôl ei hennill.

Derbyniodd Pavla y wobr am ei heffaith ragorol ar ddeilliannau myfyrwyr a’r proffesiwn addysgu.

Mae’r Gymrodoriaeth, a ddyfernir trwy broses hynod gystadleuol gan AdvanceHE i hyd at 55 o ymarferwyr AU yn y DU bob blwyddyn, yn cydnabod gwaith parhaus Pavla gyda’i myfyrwyr, sy’n newid bywydau ac, yn eu tro, y plant y maent yn eu haddysgu. Mae Pavla yn un o lond llaw o academyddion yn PDC sydd wedi ennill y wobr,

Dywedodd Pavla: “Ar ôl gweithio ym myd addysg drwy gydol fy mywyd gwaith, rydw i’n falch iawn bod y gwaith rydw i wedi bod yn ei wneud gyda fy myfyrwyr, fy nghydweithwyr, a phartneriaid wedi’i gydnabod mewn ffordd mor fawreddog.

“Mae wedi bod yn bleser chwarae rhan yn natblygiad cymaint o deithiau graddedigion y Blynyddoedd Cynnar ac mae eu llwyddiant yn cadarnhau fy nghred bod rôl pob ymarferwr Blynyddoedd Cynnar yn arwyddocaol ym mywydau ein plant.​​​​​​​

“Mae ennill gwobr NTF yn adlewyrchiad o ymrwymiad fy myfyrwyr i’w dysgu sydd wedi fy ngalluogi i dyfu a datblygu fel darlithydd AU a mentor myfyrwyr.”

Cymrodoriaethau Addysgu Cenedlaethol yw'r gwobrau mwyaf mawreddog y gellir eu rhoi i'r rhai sy'n ymwneud ag addysgu neu gefnogi dysgu mewn addysg uwch.