Doethuriaeth er Anrhydedd i'r darlledwr arobryn Huw Stephens

Ganed Mr Stephens i deulu creadigol - roedd ei dad, y diweddar Meic Stephens, yn olygydd llenyddol, yn newyddiadurwr, ac yn fardd - ac mae wedi bod â diddordeb mewn cerddoriaeth leol erioed. Mae'n priodoli hynny i gael ei eni mewn gwlad sy'n llawn diwylliant a thalent gyfoethog.

Daeth y cyflwynydd a aned yng Nghaerdydd yn DJ gwirfoddol yn Ysbyty Rookwood, yn Llandaf, Caerdydd, yn 15 oed. Daeth yn adnabyddus am un â chlust am synau newydd a chyn bo hir symudodd ymlaen i’r BBC, lle daeth yn gyflwynydd radio ieuengaf erioed ar Radio One yn 17 oed ym 1999.

Ers hynny mae wedi mynd o nerth i nerth, gan gyd-sefydlu gŵyl gerddoriaeth Sŵn a’r Wobr Gerddoriaeth Gymreig. Cyflwynodd Hanes Cerddoriaeth Gymraeg ar gyfer teledu'r BBC, a’r Stori Celf Gymreig.

Mae bellach yn darlledu ar 6 Music, Radio 4, Radio Wales, a Radio Cymru, ac, ymhlith cydnabyddiaethau teledu eraill, yn cyflwyno darllediadau Glastonbury i deledu’r BBC.

“Rwyf wrth fy modd yn derbyn hwn gan Brifysgol De Cymru,” dywedodd Mr Stephens.

“Mae Caerdydd a De Cymru gyfan yn ymwybodol o bwysigrwydd y gymuned leol, ac mae rôl PDC wrth wraidd hynny. Diolch yn fawr.”