Mis Hanes Pobl Dduon | Athro yn cael ei gydnabod am gyfraniad i ffilm a diwydiannau creadigol

Mae athro ffilm ddogfen ym Mhrifysgol De Cymru wedi cael ei hanrhydeddu â gwobr gymunedol Hanes Pobl Dduon gan y Prif Weinidog Mark Drakeford, am ei chyfraniad i ffilm a diwydiannau creadigol yng Nghymru.

Cyflwynwyd y wobr i’r Athro Florence Ayisi yng Ngwobrau Ieuenctid a Chymunedol Hanes Pobl Dduon Cymru, a gynhaliwyd gan Race Council Cymru yn gynharach y mis hwn. Cafodd ei llongyfarch hefyd gan y Prif Weinidog a Jane Hutt AS, y Gweinidog dros Gyfiawnder Cymdeithasol, mewn digwyddiad cydnabod arbennig yn y Senedd.

Wedi’i geni yn Camerŵn, mae’r Athro Ayisi yn Athro Ffilm Ddogfennol Ryngwladol ym Mhrifysgol De Cymru lle mae’n dysgu agweddau amrywiol ar hanes ffilm, theori, sinema drawswladol a theori ac ymarfer ffilmiau dogfen.

Mae ei hymchwil yn canolbwyntio ar greu naratifau cadarnhaol o ddiwylliant Affrica, profiadau byw a hunaniaeth rhywedd, gan ddefnyddio ei phrofiad helaeth o gynhyrchu ffilmiau dogfen a chydweithio â grwpiau a chymunedau ymylol amrywiol i helpu i roi llais iddynt.

Mae ffilmiau’r Athro Ayisi wedi’u dangos mewn nifer o wyliau ffilm rhyngwladol ac wedi ennill sawl gwobr fawreddog. Yn fwyaf diweddar, ymunodd â grŵp o athrawon benywaidd o naw prifysgol yn y DU yn y prosiect ymchwil gwerth £2.5miliwn a ariannwyd gan UKRI, Co-POWer, i archwilio effaith pandemig Covid-19 ar lesiant a gwytnwch BAME (Du a Lleiafrifoedd Ethnig) teuluoedd a chymunedau.