Cwrs BA Cwnsela yn derbyn achrediad mawreddog BACP

Mae’r cwrs BA (Anrh) Cwnsela ac Ymarfer Therapiwtig ym Mhrifysgol De Cymru (PDC) wedi derbyn archediad llawn gan Gymdeithas Cwnsela a Seicotherapi Prydain (BACP), yn dilyn adolygiad manwl a ganmolodd y cwrs am ei addysgu rhagorol, ei arloesedd a’i brofiad myfyrwyr blaenllaw yn y diwydiant.

Cynhaliodd aseswyr BACP werthusiad cynhwysfawr o’r rhaglen, gan archwilio deunyddiau addysgu, asesiadau, lleoliadau, adroddiadau arholwyr allanol, canlyniadau graddedigion, yn ogystal â thrafodaethau gyda myfyrwyr, cyn-fyfyrwyr a staff.

Amlygodd eu hadborth:

• Addysgu a dysgu rhagorol
• Asesu arloesol a chynhwysol
• Lleoliadau o ansawdd uchel a phartneriaethau proffesiynol cryf
• Ymrwymiad i ehangu cyfranogiad a chynhwysiant
• Profiad myfyrwyr rhagorol
• Dylunio cwricwlwm cyfoes sy’n canolbwyntio ar y diwydiant
• Arloesedd mewn ymarfer, gan gynnwys gwaith ar gynhwysiant, AI a dulliau therapiwtig cyfoes

Dywedodd Anna Fox, Arweinydd y Cwrs: “Mae hwn yn garreg filltir fawr i ni. Mae’r achrediad wedi dod gyda’r ymateb mwyaf disglair gan BACP heb unrhyw sylwadau negyddol gan y panel. Mae’n cydnabod gwaith caled anhygoel tîm y cwrs, eu harbenigedd, ac integreiddio profiad diwydiant drwy gydol y rhaglen. Mae’r cyflawniad hwn yn gadael i’r byd wybod pa mor eithriadol yw’r cwrs hwn.”

Mae’r achrediad yn golygu y bydd graddedigion yn gadael gyda chymhwyster proffesiynol cydnabyddedig sy’n caniatáu iddynt symud ymlaen yn uniongyrchol i aelodaeth gofrestredig o BACP. Mae hyn yn eu rhoi mewn sefyllfa cryf mewn marchnad swyddi gystadleuol ac yn gwella rhaglen sydd eisoes yn adnabyddus am ganlyniadau graddedig rhagorol.

I fyfyrwyr cwnsela presennol, ar gampws Casnewydd PDC, mae’r effaith yn glir. Dywedodd fyfyrwraig blwyddyn olaf, Elizabeth Baines, y bydd yr achrediad yn drawsnewidiol ar gyfer ei gyrfa yn y dyfodol. Dywedodd: “I mi, mae graddio gydag achrediad BACP ar fy CV yn golygu popeth, mae’n caniatáu i mi gael fy mhig i mewn, ond bydd hefyd yn caniatáu i mi gael fy nghydnabod mewn dau ddiwydiant rwy’n gobeithio gweithio ynddynt. Mae gen i’r holl gefnogaeth sydd ei hangen arnaf i fod yn llwyddiannus.”

Mae profiad myfyriwr blwyddyn olaf arall, Nikka Claassens, ar y cwrs wedi rhagori ei disgwyliadau. Dywedodd: “Roedd y cwrs yn apelio ataf yn fawr oherwydd roeddwn yn gwybod bod yr achrediad BACP ar y gweill. Doedd y cyrsiau eraill yr edrychais arnynt ddim yn gwneud synnwyr o ran pa gymwysterau y byddwn i’n graddio â nhw.

“Gan ddod i mewn fel myfyriwr aeddfed gyda blynyddoedd ers roeddwn i mewn addysg ac yn fam brysur iawn, teimlais fy mod yn cael fy nghefnogi’n fawr. Mae popeth wedi’i strwythuro mor ofalus. Byddwn i’n ei argymell i unrhyw un, heb os.”