BWRDD Y LLYWODRAETHWYR

Mae Louise Evans yn weithredwr wedi ymddeol ac yn gyn aelod o dîm arwain Grant Thornton UK LLP. Bu Louise yn gweithio yno o 2000, yn gyntaf fel Partner Treth, yna fel Partner Rheoli Swyddfeydd Bryste a Chaerdydd o 2006.

Yn 2010 daeth Louise yn aelod o Fwrdd Rheoli’r Rhanbarth. Yn 2015 fe’i gwahoddwyd i fod yn aelod o dîm arwain cenedlaethol Grant Thornton, ac fel Arweinydd Uned Fusnes Rhanbarth y De, roedd ganddi gyfrifoldeb cyffredinol am bum swyddfa a bron i 700 o weithwyr.

Daeth Louise yn Llywodraethwr Lleyg ar Fwrdd Prifysgol De Cymru ym mis Awst 2017, gan ddod yn Gadeirydd y Pwyllgor Cyllid ac Adnoddau. Fe’i penodwyd yn Gadeirydd y Bwrdd o 1 Awst 2019. Louise yw Is-gadeirydd ChUW (Cadeiryddion Prifysgolion Cymru) ac mae’n gyfarwyddwr anweithredol Coleg Merthyr Tudful a Choleg Brenhinol Cerdd a Drama Cymru.

Mae Louise yn Ynad yng Nghaerdydd ac roedd hefyd yn gyfarwyddwr anweithredol No Fit State Circus ac roedd yn Gadeirydd (ac yn Ymddiriedolwr) ar gyfer Aren Cymru. Mae Louise yn gyn-ddyfarnwr hoci maes rhyngwladol, yn aseswr dyfarnwyr ac yn gyn-aelod o fwrdd Undeb Hoci Cenedlaethol Cymru.

Mae Ian yn Llywodraethwr Annibynnol ac yn Gadeirydd y Coleg Merthyr Tudful.

Ian yw Prif Weithredwr CBAC, corff dyfarnu mwyaf Cymru. Ymunodd â CBAC yn 2002 ac mae wedi bod yn Brif Weithredwr ers 2020. Pan ymunodd â CBAC, cafodd Ian ei benodi'n Ddirprwy Gyfarwyddwr ar gyfer prosiect y Grid Cenedlaethol ar gyfer Dysgu, cyn dod yn Gyfarwyddwr TG.

Cyn ymuno â CBAC, bu Ian yn gweithio i awdurdod lleol, lle bu'n gyfrifol am ddatblygu a gweithredu technoleg strategol a oedd yn hwyluso gweinyddiaeth ac, yn bwysicach, addysgu a dysgu.

Mae'n aelod o Fwrdd y Cyd-gyngor Cymwysterau.

Cadeirydd y Pwyllgor Cyllid ac Adnoddau: Yn flaenorol yn Bartner gyda Deloitte, mae gan Richard dros ddeng mlynedd ar hugain o brofiad ym maes cyllid, cydsoddiadau a chaffaeliadau ac adeiladu perthnasoedd corfforaethol.

Magwyd Richard yn Ne Cymru ac mae ganddo radd yn y gyfraith o Brifysgol Birmingham. 

Aelod o’r Pwyllgor Archwilio: Cyfrifydd Cymwysedig sydd â chefndir masnachol yn PwC a chyllid y GIG.

Alison yw Prif Weithredwr Comisiwn Staff y Gwasanaethau Cyhoeddus a, chyn hynny, roedd yn Ddirprwy Gomisiynydd Pobl Hŷn Cymru. 

Fel Cyn-gadeirydd CBI Cymru, mae Michael yn arweinydd busnes Cymreig sydd â phrofiad byd-eang pellgyrhaeddol. Mae'n ddylanwadol wrth lunio polisi cyhoeddus ac mae llywodraethau yn San Steffan a Chaerdydd yn gofyn am ei gyngor ar fusnes.

Gyda gwybodaeth helaeth am sefydliadau masnachol a nid-er-elw, dechreuodd ei yrfa fel banciwr buddsoddi yn Llundain cyn dychwelyd i Gymru i redeg busnes. Trwy wahoddiad Ysgrifennydd Gwladol Cymru, cadeiriodd Adeiladu Cymru Fwy Llewyrchus, adroddiad i Lywodraeth y DU ar economi Cymru, ac mae ganddo OBE am wasanaethau i fusnes a mentergarwch.

Llywodraethwr Annibynnol ac aelod o'r Pwyllgor Archwilio: Mae David yn gyfrifydd siartredig, gyda gyrfa yn rhychwantu dros 20 mlynedd mewn amrywiaeth o rolau cyllid byd-eang mewn corfforaethau mawr yn y DU gan gynnwys Marks & Spencer a Diageo. Mae David yn dod ag ystod eang o brofiad ar draws pob agwedd ar y swyddogaeth gyllid.

Mae hefyd yn aelod anweithredol o Fwrdd Ymddiriedolaeth Brandon, Archwilio Cymru a Hoci Cymru. 

Llywodraethwr Annibynnol PDC a Chadeirydd (etholedig) y Pwyllgor Adnoddau Dynol. Mae Debbie yn weithiwr adnoddau dynol proffesiynol ar lefel bwrdd gweithredol sydd â phrofiad o amgylchedd rhyngwladol cwmni FTSE 100/250 plc, yn sgil ei drosglwyddo o statws sefydliad rhynglywodraethol i statws preifat, ecwiti preifat i plc ac, yn fwyaf diweddar, integreiddio 4 is-gwmni. Mae’n aelod achrededig o’r Cyngor Mentora a Hyfforddi Ewropeaidd. Wedi graddio o’r IPD, ONC Public Admin. Hyfforddwr NLP. Cynghorydd IIP.

Cadeirydd Panel ‘Living Our Values’ Cymdeithas Feddygol Prydain; ar hyn o bryd, mae’n Brif Swyddog Pobl yn Inmarsat plc 2000 - 2017 (Cwmni cyfathrebu o bell FTSE plc gan gynnwys 11 cwmni llai geo-sefydlog, refeniw o dros $1bn. Yn flaenorol, roedd yn Gyfarwyddwr Anweithredol yn Capital Law LLP, yn Ymgynghorydd Adnoddau Dynol - Eversheds LLP ac yn Bennaeth Adnoddau Dynol yn Nhŷ’r Cwmnïau.

Aelod o’r Pwyllgor Cyllid ac Adnoddau: roedd Michael Stevens Prif Weithredwr Grŵp, ac mae’n gyn Bennaeth Marchnadoedd Rhyngwladol a chyn Aelod Bwrdd Airbus Defence & Space UK, a chyn Brif Weithredwr Cassidian UK.

Ymunodd Michael ag Airbus Group pan adawodd BAE Systems ym mis Ebrill 2012, a gadawodd Airbus i ymuno â Shearwater ym mis Medi 2016.

Gyda chefndir mewn Peirianneg Trydanol/Electronig a gradd MSc mewn Rheoli Systemau Gwybodaeth, mae Michael wedi meddu ar sawl rôl uwch ac ar lefel bwrdd ym meysydd Dylunio a Datblygu, Gweithgynhyrchu, Rheoli Prosiectau/Rhaglenni, Strategaeth, Datblygu Busnes a Rheoli Busnes dros y 30 blynedd diwethaf ym meysydd technoleg arloesol, systemau cymhleth, atebion a gwasanaethau, a hynny yn y sectorau Diogelwch, Amddiffyn, Seiber a Gwybodaeth yn bennaf. 

Llywodraethwr Annibynnol ac aelod o'r Pwyllgor Archwilio: Philip oedd Prif Weithredwr Cyngor Cyllido Addysg Uwch Cymru (CCAUC) rhwng 2004 a 2012. Bellach mae'n ymgynghorydd addysg uwch rhyngwladol uchel ei barch.

Cyn gweithio i CCAUC, roedd yn Athro Polisi Llywodraeth a Thechnoleg, ac yn Ddirprwy Is-Ganghellor, ym Mhrifysgol Manceinion.

Aelod o'r Pwyllgor Pobl a Gwerthoedd: Dros yr 20+ mlynedd diwethaf, mae Sanjay wedi adeiladu a gweithredu busnesau eFasnach byd-eang ym maes Manwerthu, Teithio ac Adloniant, ac wedi arwain sefydliadau mewn chwe gwlad ar draws tri chyfandir.

Ar hyn o bryd mae'n gwasanaethu Amazon.com Ewrop mewn sawl swyddogaeth, gan gynnwys Is-Lywydd Amazon Prime a Marchnata, ac aelod o Fwrdd Rheoli A.E.C. 

Gwasanaethodd fel aelod o'r Panel Diwydiant ar gyfer Pwyllgor Ymarfer Hysbysebu, ASA, y DU. Mae Sanjay yn Wyddonydd Cyfrifiadurol trwy hyfforddiant, ac yn gyn-fyfyriwr yn Ysgol Fusnes Llundain a Sefydliad Rheoli India. 

Mae gan Sion chwarter canrif o brofiad yn arwain timau brand a marchnata yn y Deyrnas Unedig, yr Unol Daleithiau ac ar draws Ewrop. 

Mae e wedi arwain sefydliadau lleol, cenedlaethol a byd-eang gan annog cyfranogiad mewn chwaraeon yn y gymuned, ac roedd yn aelod o Bwyllgor Cydraddoldeb, Amrywiaeth a Chynhwysiant Prifysgol Caerhirfryn.

Mae gan Sion radd mewn Astudiaethau Busnes Ewropeaidd o Brifysgol Coventry a MBA o Brifysgol Caerhirfryn.

Gyda dros 30 mlynedd o brofiad o weithio mewn addysg ôl-16 gan gynnwys dysgu sy’n seiliedig ar waith ac addysg uwch, Sharon yw Pennaeth Coleg Caerdydd a'r Fro.

O dan arweinyddiaeth Sharon, mae'r Coleg wedi ennill nifer o wobrau am ansawdd y ddarpariaeth. Mae hi hefyd wedi bod yn allweddol wrth gyflwyno rhaglen unigryw sy'n cynnig addysg alwedigaethol i ddysgwyr Blwyddyn 10 ac 11, gan arwain at ganlyneb uniongyrchol gyda gostyngiad yn y niferoedd nad sydd mewn addysg, cyflogaeth neu hyfforddiant (NEET) yn rhanbarth Caerdydd.

Mae Sharon yn aelod o Fwrdd Canolfan Mileniwm Cymru ac mae'n Gadeirydd elusen It’s My Shout. Mae hi hefyd yn aelod o Grŵp Cyflogadwyedd Llywodraeth Cymru a Chymru Greadigol.

Mae gan Steve Wilson oddeutu 20 mlynedd o brofiad mewn diwydiant fel arweinydd mewn disgyblaethau digidol a marchnata gan gynnwys cyflwyno trawsnewidiadau digidol mewn sefydliadau mawr o'r radd flaenaf.

Ar hyn o bryd ef yw Prif Swyddog Digidol Admiral ac mae ei rolau blaenorol yn cynnwys Cyfarwyddwr Digidol yn BT, Pennaeth Ar-lein yn British Gas Business a Phennaeth E-Fasnach yn O2.

Mae gan Steve MBA o Ysgol Reoli Prifysgol Caerlŷr yn ogystal â gradd Dyniaethau a chymwysterau ôl-raddedig mewn marchnata. 

Fel Is-lywydd Gweithgareddau, mae Jamal yn cynrychioli'r myfyrwyr ar eu hymdrechion chwaraeon boed hynny drwy Dimau a Chlybiau Chwaraeon i Gymdeithasau yn y brifysgol ar draws pob campws. Mae Jamal hefyd bellach yn Llywydd Dros Dro Undeb y Myfyrwyr.

Mae Jamal yn gweithio'n agos gyda Swyddogion Rhan-amser yn ogystal â'r Swyddogion Llawn Amser gan sicrhau bod lleisiau'r myfyrwyr yn cael eu clywed, a'u hanghenion yn cael eu diwallu.

Mae Jonathan wedi gweithio gyda PDC ers 2012 gan ddarparu a chefnogi profiad cadarnhaol i Gymuned PDC; yn nodedig fel Is-lywydd/Llywydd Undeb y Myfyrwyr, a Swyddog Profiad ar Gampws Casnewydd. Ar hyn o bryd Jonathan yw'r Rheolwr Menter (Gyrfaoedd PDC), gan gefnogi datblygiad Menter a Mentergarwch i fyfyrwyr a graddedigion, yn ogystal ag arwain ar gychwyn busnesau trwy brosiectau craidd a phrosiectau wedi'u hariannu.

Mae Jonathan yn Gymrawd AdvanceHE (FHEA), aelod o Bwyllgor Cangen Unison, ac yn aelod o'r Bwrdd Academaidd. Mae Jonathan yn Gyn-lywodraethwr Myfyrwyr ac yn Gyn-gadeirydd Bwrdd Ymddiriedolwyr Undeb y Myfyrwyr.

Y tu allan i Brifysgol De Cymru mae Jonathan yn Ymddiriedolwr profiadol, Aelod Cyswllt o Gyngor Celfyddydau Cymru ac yn Gyd-sylfaenydd Busnes Cynnwys Digidol a Brandio.

Mae Geraint Evans wedi gweithio yn y brifysgol ers mis Medi 1997 fel uwch ddarlithydd mewn cyfrifeg, gan arbenigo mewn rheolaeth ariannol ac adrodd ariannol.

Yn ystod ei amser yn y brifysgol, mae e wedi bod yn arweinydd cwrs ar gyfer sawl cwrs proffesiynol, ôl-raddedig ac israddedig.

Fe wnaeth Geraint hefyd cynrychioli'r brifysgol dramor, gan ddysgu ar raddau meistr ym Mahrain, Lusaka, a graddau israddedig yn Ffrainc a'r Almaen.

Mae e hefyd wedi cyflawni sawl rôl ymgynghorol ar gyfer y brifysgol i Bosch, S4C, Dŵr Cymru, Cyngor y Barri, Cyngor Pen-y-bont ar Ogwr, Cyngor Caerdydd, Cyngor RhCT, Prifysgol De Fflorida, Prifysgol Rosenheim, a Phrifysgol FOM.

Dechreuodd Dr Ben Calvert swydd Is-Ganghellor Prifysgol De Cymru ym mis Medi 2021. Ymunodd Ben â PDC yn 2015 fel Dirprwy Is-Ganghellor Profiad Myfyrwyr, cyn dod yn Ddirprwy Is-Ganghellor yn 2019. 

Cyn ymuno â PDC, bu’n gweithio ym Mhrifysgol Swydd Gaerloyw, gan symud ymlaen o fod yn Arweinydd Cwrs, yn Bennaeth Adran, i Ddeon Cyfadran; swydd a ddaliodd am chwe blynedd.

Fel Deon, rheolodd Ben ar draws sylfaen ddisgyblaeth eang gan gynnwys Ysgolion y Cyfryngau, Dyniaethau, Celf a Dylunio a Chyfrifiadureg a Thechnoleg. Sefydlodd sawl cwrs gradd newydd gan gynnwys Cerddoriaeth Boblogaidd, Cynhyrchu Teledu a Chynhyrchu Radio, ac roedd yn rhan o dîm a sicrhaodd achrediad Academi Skillset ar gyfer Ysgol y Cyfryngau.

Daeth Dr James Gravelle yn Ddirprwy Is-Ganghellor y Brifysgol ym mis Chwefror 2025.

Cyn iddo ddod yn Ddirprwy Is-Ganghellor, James oedd Dirprwy Is-Ganghellor Cynorthwyol Trawsnewid Academaidd y Brifysgol, gan helpu i arwain y gwaith i wella ein darpariaeth academaidd a’n systemau i gefnogi dyfodol cynaliadwy.

Ymunodd James â Phrifysgol Morgannwg, sydd bellach yn Brifysgol De Cymru, yn 2008 fel Cynorthwyydd Ymchwil, cyn dod yn Ddarlithydd ac yna’n Uwch Ddarlithydd yng Nghanolfan Gwyddorau’r Heddlu. Cwblhaodd ei PhD ac yn ddiweddarach daeth yn Bennaeth Plismona a Diogelwch yn y Ganolfan Ryngwladol Plismona a Diogelwch. Yna penodwyd James yn Bennaeth Plismona a Gofal Cymunedol ac yn ddiweddarach daeth yn Ddirprwy Bennaeth yr Ysgol.

Aeth ymlaen i fod yn Bennaeth yr Ysgol Iechyd, Chwaraeon ac Ymarfer Proffesiynol, yn Ddirprwy Ddeon y Gyfadran Gwyddorau Bywyd ac Addysg (FLSE), cyn dod yn Ddeon y Gyfadran honno yn 2022.

Dechreuodd Rachel yn swydd Prif Swyddog Cyllid PDC yn 2022 a daeth yn Brif Swyddog Cyllid a Gweithredu ym mis Ionawr 2025.

Ailymunodd Rachel Elias-Lee â PDC yn 2018 fel Prif Swyddog Gweithredu’r Gyfadran Busnes a Chymdeithas gynt, cyn cael ei phenodi’n Gyfarwyddwr Trawsnewid, lle bu’n gyrru ymagwedd PDC tuag at reoli newid strategol ac yn arwain yn weithredol ar ymateb Trefn Reoli Aur gychwynnol y Brifysgol i bandemig Covid. Dechreuodd Rachel yn swydd Prif Swyddog Cyllid PDC yn 2022, ac mae’n darparu goruchwyliaeth ariannol ar draws Grŵp PDC.

Cyn ailymuno â PDC, Rachel oedd Cyfarwyddwr Cyllid CBAC Cyf (o 2014 ymlaen), lle bu’n arwain y grŵp drwy ddiwygiad pynciol Cymru/Lloegr 2015, i gadw statws sefydliad dyfarnu a gweithredu gwelliannau sylweddol o ran system, cynllunio ac archwilio ar y daith.  Cyn hyn, roedd Rachel yn Ddirprwy Bennaeth Adnoddau (ac yn Gyfarwyddwr Ardal Ddysgu Merthyr) yng Ngholeg Merthyr Tudful (2009 - 2013), sy’n gwmni yng ngrŵp PDC, lle bu’n goruchwylio’r rhaglen newid flaenllaw a chlodwiw werth £33 miliwn, i drawsnewid addysg ôl-16 yn ardal Merthyr Tudful/Blaenau’r Cymoedd.

Mae Rachel yn gymrawd proffesiynol cymwysedig Cymdeithas y Cyfrifwyr Ardystiedig Siartredig, ac mae’n cynghori ar sawl bwrdd allanol a phaneli ar strategaeth ariannol a thrawsnewid busnes.