Cefnogaeth Cost Teithio Ysgolion a Cholegau

Rydym yn ymwybodol y gall costau trafnidiaeth yn aml fod yn rhwystr, ac rydym wir eisiau eich cefnogi lle bo modd i sicrhau bod eich disgyblion yn cael pob cyfle i brofi ein digwyddiadau ar y campws ar gyfer ysgolion a cholegau.

Mae’n bosibl y gallwn ad-dalu eich costau teithio hyd at 50% (telerau ac Amodau’n berthnasol).

Telerau ac Amodau

Mae ad-dalu costau teithio ar gyfer ymweliadau ysgol a cholegau â'r campws yn ôl disgresiwn PDC.

Gellir ad-dalu costau teithio ar gyfer ymweliadau ysgol a cholegau hyd at uchafswm o 50%.

Does dim proses apelio ac mae penderfyniad PDC yn derfynol.

Mae'r ysgol / coleg / sefydliad yn gyfrifol am gael dyfynbris ar gyfer cludiant mewn cerbyd addas gyda chwmni cyfrifol ac anfonebu PDC am y swm y cytunwyd arno.

Er mwyn i ni allu ad-dalu costau (megis llogi coets neu fws), efallai y bydd angen sefydlu eich ysgol neu goleg fel cyflenwr ar system gyllid Prifysgol De Cymru.

Cyn anfon unrhyw ddogfennaeth, cysylltwch â ni i wirio a yw eich ysgol neu goleg eisoes wedi'i sefydlu fel cyflenwr.

Os oes angen sefydlu cyflenwr newydd, byddwn yn gofyn am:

• Copi o'ch tystysgrif Yswiriant Indemniad Proffesiynol cyfredol
• Copi o'ch tystysgrif Yswiriant Atebolrwydd Cyhoeddus / Cynnyrch cyfredol
• Copi o'ch tystysgrif Yswiriant Atebolrwydd Cyflogwr cyfredol
• Enw'r prif gyswllt yn eich ysgol neu goleg

Os oes gennych unrhyw gwestiynau neu os hoffech wirio statws eich cyflenwr, cysylltwch â ni.