Dod yn Lysgennad Myfyrwyr

Bob blwyddyn rydym yn dibynnu ar ein Llysgenhadon Myfyrwyr brwdfrydig ac angerddol i rannu eu profiadau uniongyrchol o fywyd fel myfyriwr Prifysgol De Cymru. Fel Llysgennad Myfyrwyr byddwch yn chwarae rhan hanfodol wrth gynrychioli'r Brifysgol a recriwtio darpar fyfyrwyr.

Ymgeisiwch nawr
A student ambassador smiling off camera

Byddwch yn cael y cyfle i ennill profiad gwerthfawr, a dod yn rhan o dîm sydd wedi ymrwymo i ysbrydoli’r genhedlaeth nesaf o fyfyrwyr i astudio ym Mhrifysgol De Cymru.

Dod yn Lysgennad Myfyrwyr

Fel Llysgennad Myfyrwyr, byddwch yn cynrychioli'r Brifysgol ac yn cefnogi amrywiaeth o weithgareddau sydd wedi'u cynllunio i ymgysylltu â darpar fyfyrwyr, ymgeiswyr ac ymwelwyr.
Byddwch yn gweithio ar ystod o ddigwyddiadau ar y campws, gan gynnwys Diwrnodau Agored, Diwrnodau Ymgeiswyr a Chyfweliadau, a Ffeiriau Gwybodaeth, lle byddwch yn helpu ymwelwyr i ddysgu mwy am y Brifysgol, ei chyrsiau, ei chyfleusterau, a bywyd myfyrwyr.
Mae'r rôl hefyd yn cynnig cyfleoedd posibl i deithio a chynrychioli PDC mewn digwyddiadau oddi ar y campws, fel Ffeiriau UCAS ac Addysg Uwch (AU), yn ogystal â gweithgareddau allgymorth gydag ysgolion a cholegau. Mae'r digwyddiadau hyn yn helpu i hyrwyddo'r Brifysgol ac yn annog pobl ifanc i ystyried addysg uwch.
Mae llysgenhadon yn ymgymryd ag amrywiaeth o gyfrifoldebau, gan gynnwys croesawu ymwelwyr, cynorthwyo gyda sesiynau pwnc, rhyngweithio ag ymwelwyr, darparu teithiau campws a theithiau llety. Efallai y byddant hefyd yn rhannu eu profiadau o astudio yn PDC, ateb cwestiynau gan ddarpar fyfyrwyr a'u teuluoedd, a rhoi cyflwyniadau am eu cwrs neu fywyd myfyrwyr.

Byddwch yn cael y cyfle i ddatblygu sgiliau gwerthfawr fel gwasanaeth cwsmeriaid, cyfathrebu, gwaith tîm, arweinyddiaeth, a siarad yn gyhoeddus, wrth helpu darpar fyfyrwyr i wneud penderfyniadau gwybodus am eu dyfodol. Byddwch yn derbyn £12.71 yr awr, ynghyd â thal gwyliau, mewn rôl sy'n cyd-fynd â'ch astudiaethau.

Rydym yn croesawu ceisiadau gan bob myfyriwr presennol, ac yn chwilio am gynrychiolwyr o bob cwrs a champws.

Rydym yn chwilio’n benodol am fyfyrwyr sydd:

  • yn falch ac yn angerddol am gynrychioli Prifysgol De Cymru
  • yn rhagweithiol, yn hyderus, yn frwdfrydig ac yn ddifyr
  • bod ag agwedd ‘hapus i helpu’
  • yn broffesiynol, yn drefnus ac yn ddibynadwy
  • meddu ar sgiliau gwaith tîm a chyfathrebu rhagorol

  1. Cwblhewch y ffurflen gais – dyddiad cau 1 Tachwedd 2026
    Cyflwynwch eich cais ar-lein cyn y dyddiad cau.
  2. Adolygu’r cais
    Caiff ceisiadau eu hasesu yn seiliedig ar:
    • Cryfder eich cais
    • Anghenion cynrychiolaeth gwrs
    • Anghenion cynrychiolaeth campws
  3. Sesiwn Ddethol
    Gwahoddir ymgeiswyr y mae eu ceisiadau'n bodloni'r safon ofynnol i fynychu Sesiwn Ddethol orfodol.
  4. Canlyniad y cais
    Hysbysir pob ymgeisydd am ganlyniad eu cais erbyn 1 Rhagfyr 2026.
  5. Hyfforddiant a phenodi
    Yn dilyn y Sesiwn Ddethol a'r hyfforddiant, bydd ymgeiswyr llwyddiannus yn cael eu gwahodd i ymuno â thîm y Llysgenhadon Myfyrwyr.

Nodwch: Ni allwn roi adborth i ymgeiswyr nad ydynt yn mynd ymlaen i Sesiwn Ddethol.

Ymgeisiwch i fod yn Llysgennad Myfyrwyr