Canllaw Rhieni a Gofalwyr i Glirio Prifysgol

Beth yw Clirio a phwy sy'n gymwys?

Mae Clirio yn wasanaeth ar gyfer myfyrwyr israddedig o bob oed sy'n agor ym mis Gorffennaf. Byddwn yn ystyried ceisiadau drwy'r haf hyd at ddechrau'r tymor. Bydd eich plentyn yn gymwys i fynd drwy’r broses Glirio:

Os nad ydynt wedi gwneud cais i'r brifysgol
Os cyflwynwyd gais UCAS i astudio ar ôl y dyddiad cau ar 30 Mehefin
Os na chafon nhw unrhyw gynigion
Os dderbynion gynigion nad oedd am eu derbyn
Os nad oes lle ganyddynt ar ôl cael ei ganlyniadau

Pum awgrym gorau

two members of university staff working on the phone lines during clearing

Rhaid iddynt gysylltu â ni eu hunain

Dim ond gyda nhw y gallwn drafod eu cais, oni bai eu bod wedi enwi rhiant neu ofalwr fel un sydd â mynediad enwebedig i'w cais UCAS. P'un a ydynt yn cysylltu â ni dros y ffôn neu ar-lein, gallwch eu cefnogi trwy'r broses Glirio. Helpwch nhw i baratoi trwy drafod eu rhesymau dros fod eisiau astudio'r cwrs o'u dewis gan sicrhau bod ganddynt y dogfennau perthnasol wrth law.

Parents sat with their daughter in front of a large glass window at a USW Open Day.

Cymerwch ran mewn Diwrnodau Agored

Mae Prifysgol De Cymru yn cynnal Diwrnodau Agored a digwyddiadau byw drwy gydol y cyfnod Clirio. Drwy fynychu un o'n digwyddiadau, gallant ddysgu mwy am y campws, siarad â'r darlithwyr a darganfod ein hopsiynau llety.

Two students reading and discussing a textbook

Byddwch â meddwl agored

Anogwch eich person ifanc i edrych ar opsiynau nad oeddent efallai wedi'u hystyried o'r blaen - ni wyddoch byth, efallai y bydd eich plentyn yn ei arddegau yn darganfod cwrs ei freuddwydion!

A father and son sat in Ty Crawshays cafe on the USW Treforest campus. They are smiling and talking over a cup of coffee.

Byddwch yn gefnogol ac yn galonogol

Mae'n bwysig eich bod chi’n annog eich plentyn ac yn tawelu ei feddwl gan fod y broses Glirio yn gallu achosi straen. Hyd yn oed os nad ydych chi erioed wedi clywed am gwrs neu brifysgol benodol, dydy e ddim yn golygu na fydd e’n gweddu’n dda i'ch plentyn. Helpwch eich plentyn i beidio â chynhyrfu, anogwch nhw i ystyried ei opsiynau a rhowch sicrwydd iddo fod Clirio yn llwybr da a dilys i addysg uwch.

Hands of an unrecognisable person typing on a laptop

Cymerwch amser i ymchwili

Gall deimlo'n llethol pan nad yw pethau'n mynd yn ôl y cynllun, fodd bynnag, mae digon o opsiynau eraill. Neilltuwch ddigon o amser gyda'ch person ifanc i ymchwilio i'w holl opsiynau a'u sicrhau i beidio â rhuthro i wneud unrhyw benderfyniadau.

Os yw’ch plentyn yn mynd drwy’r broses Glirio oherwydd nad yw eu lle ar ar eu cwrs gwreiddiol wedi’i gadarnhau, mae digon o opsiynau ar eu cyfer o hyd. Ewch ati i’w annog i fynd i'n gwefan i weld yr holl gyrsiau sydd ar gael drwy’r broses Glirio fel y gallent weld beth yr hoffent ei astudio. Gallent gysylltu â ni mewn amrywiaeth o ffyrdd os bydd unrhyw gwestiynau ganddynt neu os byddent am wneud cais.
Dylai eich plentyn gysylltu â ni os nad ydynt wedi penderfynu gwneud cais am gwrs gwahanol. Mae gwneud cais am gwrs yn PDC drwy Glirio yn rhwydd iawn ac, os yw'ch plentyn yn gymwys, fel arfer gallwn ni wneud cynnig ar unwaith dros y ffôn. Dylai fod ganddynt restr o'u cymwysterau a'u graddau yn ogystal â'r cwrs y maent am ei astudio wrth law. Os yw eisoes yn system UCAS, dylent wneud yn siŵr bod ganddynt eu rhif adnabod UCAS personol yn barod hefyd.
Os na chafodd eich plentyn y graddau Safon Uwch yr oeddent yn gobeithio eu cael, peidiwch â phoeni! Efallai y gallwn ni gynnig le iddynt o hyd, a gallent wirio hyn ar eu tudalennau UCAS Hub. Fel arall, os na allwn ni gadarnhau lle iddynt ar eu cwrs gwreiddiol, byddyn ni’n dal i geisio cynnig lle iddynt ar gwrs arall. Bydd hyn yn ymddangos fel "changed course offer" ac "UCC" ar dudalen UCAS Hub. Bydd angen i'ch plentyn naill ai dderbyn neu wrthod y lle sy’n cael ei gynnig ar y cwrs newydd – os byddent yn gwrthod, byddent yn mynd yn awtomatig i’r broses Glirio.

Cysylltwch â ni

A student looks serious while looking at their phone in a library with a pile of books next to them, an open book in front of them and bookshelves behind them

Cheerful student sitting at desk with laptop having phone conversation, typing on computer keyboard

Helpwch nhw i fod yn annibynnol

Bydd mynd i'r brifysgol yn foment allweddol i'ch plentyn yn ei arddegau, a gallai'r broses Glirio fod yn rhan fawr o hynny. Grymuswch eich person ifanc i gymryd yr awenau a gwneud penderfyniadau am eu dyfodol yn hyderus. O wneud galwadau ffôn i brifysgolion i ymchwilio i opsiynau cwrs a bwcio diwrnodau agored, anogwch nhw i wneud eu dewisiadau eu hunain ar gyfer eu dyfodol gan eu sicrhau eich bod chi yma i wrando a chynnig arweiniad os oes ei angen arnyn nhw.