Rhieni a Gofalwyr

Gall symud oddi cartref fod yn frawychus. Bydd angen i’ch plentyn addasu i ddarlithiau prifysgol, gwneud ffrindiau newydd a dysgu sut i ofalu amdano’i hun.

Yma ym Mhrifysgol De Cymru, rydyn ni’n gwybod bod rhieni’n ymwneud fwyfwy â cheisiadau eu plentyn.

Rydyn ni’n gwybod y gall fod yn anodd gwybod sut i’w helpu – o ddewis ei brifysgol i ba gwrs i’w astudio a ble y bydd yn byw am yr ychydig flynyddoedd nesaf.

Mae gennym ni gyngor i’ch helpu i’w baratoi ar gyfer y cam mawr nesaf yn ei fywyd – p’un a ydych chi’n nerfus am y cymorth y bydd yn ei gael, sut y bydd yn ymgartrefu, neu hyd yn oed os ydych yn ansicr pa eitemau y bydd angen iddo ddod â nhw gydag ef.

Mae'r brifysgol wedi newid dros y blynyddoedd, a gallai fod yn wahanol i sut rydych chi'n ei chofio. Byddwn yn eich helpu i ddeall y gwahaniaethau rhwng mynd i'r brifysgol 20 neu 30 mlynedd yn ôl a nawr.
Mae gollwng eich plentyn yn y brifysgol yn brofiad emosiynol i unrhyw riant. Byddwch yn pryderu a yw’n gofalu amdano’i hun ac yn gwneud ffrindiau. Dysgwch beth fydd yn digwydd yn ystod ei wythnos gyntaf.
Gellir cysylltu â’n Gwasanaeth Anabledd a Dyslecsia a’n Timau Arian Myfyrwyr cyn i’ch plant gyrraedd i astudio ym mis Medi ac i helpu gydag unrhyw bryderon sydd gennych ynglŷn â’r cymorth sydd ar gael yn ein prifysgol.
Mae mynd i’r brifysgol yn fuddsoddiad mawr ar gyfer y dyfodol. Fe allai eich plentyn fod yn gymwys ar gyfer grantiau, benthyciadau neu fwrsariaethau i’w helpu gyda ffioedd dysgu a chostau byw.
Os ydych yn pryderu am gost gweld Prifysgol De Cymru drosoch eich hun, mae’r fwrsariaeth yn talu am dreuliau rhesymol sy’n gysylltiedig ag ymweld â ni i fynychu diwrnod agored i israddedigion, cyfweliad neu ddiwrnod i ymgeiswyr.

Exterior view of the University's Cardiff Campus.

A group of students walking down through Cardiff holding coffee.

Two adults talk sincerely while sat in private on two chairs in a canteen setting

A close up of someone holding money in their hands.

A train travelling along train tracks with the sun setting in the background

Sut mae’r brifysgol wedi newid?

Wythnos gyntaf eich plentyn Darllenwch am ei wythnos gyntaf

Gwasanaeth Anabledd a Dyslecsia Cymorth anabledd ac anghenion ychwanegol

Ffioedd a Chyllid Edrychwch ar y cyllid sydd ar gael

Bwrsariaeth Deithio Diwrnod Agored Dysgwch fwy am y fwrsariaeth

Pam dewis Prifysgol De Cymru?

Rydyn ni yma i helpu ein myfyrwyr i fod yn fentrus ac yn annibynnol. Ni yw un o’r prifysgolion mwyaf yn y Deyrnas Unedig, sy’n cynnig cyfleoedd a rhagolygon gwych i’n myfyrwyr. 

Mae ein cysylltiadau â diwydiant a’n pwyslais ar roi profiadau byd go iawn i fyfyrwyr yn golygu bod ein graddedigion ymhlith y mwyaf cyflogadwy yn y Deyrnas Unedig. Mae cwrs ym Mhrifysgol De Cymru yn fwy na gradd yn unig. Y tu mewn a’r tu allan i’r ystafell ddosbarth, byddwn yn helpu eich plentyn i gyflawni ei botensial yn broffesiynol ac yn bersonol. 

Rydyn ni’n buddsoddi’n barhaus yn ein campysau i sicrhau bod ein myfyrwyr yn cael y profiad gorau posibl ac yn ennill yr holl sgiliau y mae arnynt eu hangen. 

A young person sat in a chair talks to an older adult in a chair opposite in a therapy setting

Cefnogi eich plentyn yn y brifysgol

Pan fydd eich plentyn yn mynd oddi cartref, fe all fod yn adeg ansicr i bawb. Rydyn ni’n gwybod bod hyn yn gallu bod yn anoddach i fyfyrwyr â chyflyrau iechyd meddwl, anableddau, anawsterau dysgu, a phroblemau meddygol tymor hir. Rydyn ni yma i gefnogi’ch plentyn – mae gan yr Ardal Gyngor ystod o wasanaethau sy’n cynnig cyngor a chymorth cyfrinachol, beth bynnag fo’r broblem.

Yr Ardal Gyngor

Deall Jargon UCAS

Mae llawer o eiriau’n cael eu defnyddio pan fydd eich plentyn yn gwneud cais am le mewn prifysgol ac fe all fod yn ddryslyd ceisio cofio popeth. O’r gwahanol fathau o gynigion a graddau i amrywiol rannau’r broses ymgeisio, dyma restr ddefnyddiol o dermau i’ch helpu i ddeall beth sy’n digwydd bob cam o’r ffordd.

Rhestr termau

two members of university staff working on the phone lines during clearing

Helpu’ch plentyn trwy’r broses glirio

Rydyn ni’n gwybod bod diwrnod canlyniadau’n gallu achosi straen i’ch plentyn ac i chi hefyd, ond rydyn ni wrth law i’ch helpu i wybod beth y gallwch ei ddisgwyl ym mis Awst. P’un a yw’ch plentyn heb wneud cais i brifysgol, wedi gwneud cais ar ôl dyddiad cau mis Mehefin, neu heb gael y graddau, darllenwch ein canllaw i’r broses glirio.

Canllaw i’r broses glirio

Beth y dylai ei ddysgu cyn gadael

Helpwch eich plentyn i fynd oddi cartref yn hyderus drwy sicrhau ei fod yn dysgu sgiliau allweddol i fyw’n annibynnol. O goginio i olchi dillad, rydyn ni wedi llunio rhestr o sgiliau defnyddiol i’w haddysgu i’ch plentyn cyn iddo adael y cartref.

Sgiliau bywyd i’w helpu i ffynnu

An academic presents to a lecture theatre full of people

Helpwch eich plentyn i baratoi ar gyfer dechrau yn y brifysgol

Mae’n gyffrous helpu eich plentyn i baratoi ar gyfer dechrau yn y brifysgol, ond fe all fod yn anodd cofio popeth y bydd angen iddo ei wneud cyn cyrraedd y campws. Rydyn ni wedi llunio rhestr wirio i’ch helpu i roi arweiniad i’ch plentyn cyn iddo ymuno â ni ym mis Medi.

Paratoi ar gyfer dechrau’r tymor