Bwrsariaeth Teithio PDC

I wneud cais am y fwrsariaeth, mae'n rhaid i chi:

• Fod yn gwneud cais am eich gradd israddedig gyntaf neu radd ôl-raddedig gyntaf.
• Bod yn gymwys i gael cyllid gan un o ddarparwyr cyllid y DU neu Ynysoedd y Sianel.
• Dim ond unwaith y gallwch hawlio ar gyfer pob digwyddiad rydych chi'n mynychu.
• Bod wedi neilltuo lle a mynychu Diwrnod Agored, Diwrnod Cyfweliad neu Ddiwrnod Profiad Ymgeiswyr ym Mhrifysgol De Cymru.

• Gallwch wneud cais am y fwrsariaeth ar unrhyw adeg; fodd bynnag, bydd dyfarniadau fel arfer yn cael eu gwneud ar ôl presenoldeb yn y digwyddiad.
• Rhaid i chi gofrestru trwy sganio gyda'r tîm digwyddiadau yn y digwyddiad i gofnodi eich presenoldeb.
• Lle bo hynny'n bosibl, rydym yn gwneud dyfarniadau i dalu'r gost lawn, fodd bynnag, mae canllawiau dangosol isod.

Canllawiau Hawlio:

• Taith gron o dan 100 milltir - Hyd at £50
• Taith gron rhwng 101 a 199 milltir - Hyd at £100
• Taith gron dros 200 milltir - Hyd at £150
• Gwestai ar gyfer taith gron dros 200 milltir - hyd at £120

Sylwer: Gwneir dyfarniadau ar sail y cyntaf i'r felin, yn amodol ar argaeledd. Mae'r Brifysgol yn cadw'r hawl i dynnu'r fwrsariaeth hon yn ôl ar unrhyw adeg.

• Gall y Brifysgol ad-dalu cost teithio ar gyfer gofalwr sy'n cynnig cymorth i ddarpar fyfyriwr anabl lle mae'n ofynnol i'r gofalwr hwyluso teithio a hygyrchedd. 

• Gall y Brifysgol ad-dalu tuag at gost teithio tocyn trên dwyffordd dosbarth safonol rhwng eich cartref (neu'r cyfeiriad o ble gwnaethoch deithio ar y diwrnod) a'r orsaf drenau agosaf i'r campws perthnasol.
• Ni fydd y Brifysgol yn ad-dalu cost teithiau dosbarth cyntaf, nac unrhyw gostau ychwanegol (e.e. taliadau cosb). Dylech gymryd y llwybr uniongyrchol mwyaf priodol a cheisio archebu ymlaen llaw i sicrhau'r pris mwyaf ffafriol. 

• Gall y Brifysgol ad-dalu tuag at gost tocynnau bws lleol lle mae angen taith bws i deithio i'ch gorsaf fysiau neu goetsis agosaf.
• Gall y Brifysgol ad-dalu cost tocynnau bws neu goets rhwng eich cartref a Gorsaf Fysiau Caerdydd. 

• Os ydych chi'n teithio mewn car, gall y Brifysgol ad-dalu ar sail milltiroedd am daith ddwyffordd rhwng eich cod post cartref a'r campws perthnasol.
• Bydd pellterau yn cael eu cyfrifo gan ddefnyddio'r Cynlluniwr Siwrnai’r RAC.
• Bydd y pellter ar gyfer y llwybr a argymhellir yn cael ei luosi â 35c am bob milltir i gael y swm i'w ad-dalu.
• Gellir hawlio cost taliadau parcio hyd at uchafswm o £15.00 hefyd. 

• Gall y Brifysgol ad-dalu tuag at gost tocynnau fferi, cwch neu awyrennau dosbarth economi (neu gyfatebol gyda chwmnïau hedfan cost isel) ar gyfer hediadau o Faes Awyr yn y DU sydd agosaf at eich cartref a Maes Awyr Rhyngwladol Caerdydd lle mae tocyn awyren cost isel yn rhatach na'r pris bws, goets neu drên cyfatebol.
• Gall y Brifysgol ad-dalu costau gwasanaethau bws maes awyr priodol rhwng meysydd awyr a'ch cartref a'r Brifysgol.
• Ni fydd y Brifysgol yn ad-dalu cost hediadau dosbarth busnes neu ddosbarth cyntaf na thaliadau ychwanegol ar gyfer byrddio blaenoriaeth, lolfeydd maes awyr, Wi-Fi neu brydau bwyd, byrbrydau a diodydd a brynwyd yn y maes awyr neu wrth hedfan.
• Ni fydd y Brifysgol yn ad-dalu cost hediadau rhyngwladol sy'n tarddu o'r tu allan i'r Deyrnas Unedig.
• Mae'r cyfyngiad hwn yn berthnasol i fyfyrwyr yr UE (sy'n gymwys i gael statws ffioedd cartref) sy'n teithio o wlad yr UE a myfyrwyr y DU sy'n byw dramor ar hyn o bryd (gan gynnwys o fewn aelod-wladwriaeth arall yr UE) ac yn teithio i PDC ar gyfer Diwrnod Agored, Cyfweliad, neu Ddiwrnod Profiad Ymgeiswyr.
• Trwy eithriad, efallai y byddwn yn gallu derbyn hawliad am daith rhwng maes awyr Dulyn a Chaerdydd ar yr amod bod y daith yn dechrau yng Ngogledd Iwerddon ar gyfer darpar fyfyrwyr sy'n byw yng Ngogledd Iwerddon a lle nad yw'n bosibl teithio o Belfast. Cysylltwch â ni am eglurhad cyn teithio. 

• Bydd y Brifysgol ond yn ad-dalu cost llety dros nos lle na fyddai taith gron mewn un diwrnod yn bosibl.
• Byddai hyn fel arfer ar gyfer darpar fyfyrwyr sy'n teithio o Ogledd Iwerddon, Ynysoedd y Sianel neu daith gron sy’n fwy na 200 milltir.

• Ni fyddai'r Brifysgol fel arfer yn gallu ad-dalu cost tacsi i'r Brifysgol neu rhwng gorsafoedd bysiau neu goetsis a'ch cartref neu'r Brifysgol.
• Ni all y Brifysgol dalu'r costau ar gyfer unrhyw wariant ychwanegol fel cynhaliaeth (prydau, diodydd, ac ati).
• Ni all y Brifysgol ad-dalu cost teithio ar gyfer unigolion ychwanegol (ac eithrio gofalwyr a nodir uchod) sy'n mynd gyda darpar fyfyrwyr fel rhieni, gwarcheidwaid neu ffrindiau.
• Ni ellir ad-dalu unrhyw ddirwyon sy’n codi wrth yrru neu barcio. 

Os oes gennych unrhyw gwestiynau am y fwrsariaeth deithio, os oes angen gwirio unrhyw ofynion cymhwysedd neu os oes angen i chi drafod eich amgylchiadau unigol, cysylltwch â [email protected].