This website uses cookies to improve your experience. Read our cookie policy

Gradd-Brentisiaethau

Ennill cyflog, dysgu, a chyflawni – Dysgu’n seiliedig ar waith ac astudio’n rhan-amser! Rydym yn cynnig Gradd-brentisiaethau sy'n pontio rhwng dysgu academaidd a phrofiad yn y byd go iawn. I’r prentis, mae’n gyfle perffaith i ennill gradd a chael profiad ymarferol â thâl gyda chyflogwyr blaenllaw. I’r cyflogwr, mae'n ffordd gost-effeithiol o ddatblygu pobl fentrus a dawnus sy’n barod ar gyfer y byd gwaith ac yn ateb anghenion y cyflogwr.

Prentisiaethau ar gael Gwybodaeth i Gyflogwyr Prentisiaethau
A cyber security academic wearing a grey coat and a green lanyard talks to a student off camera while working at a desktop computer with a student in a red puffer jacket and large windows behind themin a cyber security workshop
Mechanical Engineering student Tom McNee using mechanical equipment
cyber security student working at computer with equipment

Cyrsiau Gradd

Mae PDC yn cynnig y Graddau-brentisiaethau canlynol, wedi’u cyflwyno ar Gampws Trefforest y brifysgol. Isod, mae dolenni i swyddi gwag sydd ar gael ar hyn o bryd. Gallwch hefyd weld cyfleoedd eraill ar wefannau swyddi a Gyrfa Cymru.

Datblygwch eich sgiliau a'ch cymwysterau ar gyfer gyrfa mewn Electroneg. Byddwch yn ymarferol gyda chyfleusterau o'r radd flaenaf ym Mhrifysgol De Cymru.

BEng (Anrh) Peirianneg Drydanol ac Electronig

BSc (Anrh) Peirianneg Drydanol ac Electronig

Cyfle i baratoi ar gyfer gyrfa ym maes Peirianneg Fecanyddol. Cael arbenigedd perthnasol a phrofiad ymarferol gyda chyfleusterau o'r radd flaenaf yn PDC.

BEng (Anrh) Peirianneg Fecanyddol

BSc (Anrh) Peirianneg Fecanyddol

BSc (Anrh) Peirianneg Rheilffyrdd (Sifil)

BSc (Anrh) Peirianneg Rheilffyrdd (Systemau Electromecanyddol ac Electroneg)

BSc (Anrh) Atebion Digidol a Thechnoleg: llwybr Peirianneg Meddalwedd

BSc (Anrh) Atebion Digidol a Thechnoleg: llwybr Seiberddiogelwch

BSc (Anrh) Atebion Digidol a Thechnoleg: llwybr Gwyddor Data

Chwaraewch eich rhan wrth ddatblygu adeiladau yfory. Hogi eich sgiliau a chael gwybodaeth hanfodol ar gyfer gyrfa mewn tirfesur adeiladau.

BSc (Anrh) Tirfesur Adeiladau

Chwaraewch eich rhan yn y gwaith o ddatblygu isadeiledd yfory. Mae angen rheolwyr prosiect gwych ar brosiectau adeiladu o bob maint – o nendyrau i ddatblygiadau preswyl bach.

BSc (Anrh) Rheoli Prosiect Adeilad

BSc (Anrh) Mesur Meintiau a Rheolaeth Fasnachol

Datblygwch adeiladau yfory gyda'n gradd a achredir gan RICS. Enillwch brofiad ymarferol a pharatoi ar gyfer gyrfa foddhaus yn y diwydiant hwn sy'n datblygu’n barhaus.

Mae eich BEng mewn Peirianneg Sifil yn llwybr cyflym i'ch gyrfa yn y dyfodol, gan gyfuno dysgu yn yr ystafell ddosbarth â gwaith ymarferol i roi eich sgiliau ar brawf.

BEng (Anrh) Peirianneg Sifil

Bydd eich BSc mewn Peirianneg Sifil yn rhoi'r wybodaeth a'r sgiliau sydd eu hangen arnoch i newid y byd.

BSc (Anrh) Peirianneg Sifil

Beth yw’r Manteision?

  • Byddwch yn derbyn cyflog gan eich cyflogwr tra hefyd yn astudio tuag at eich gradd.

  • Ar ôl cwblhau eich prentisiaeth yn llwyddiannus, byddwch yn ennill gradd, fydd wedi cael ei hariannu'n llawn.

  • Mae prentisiaid yn ennill profiad gwerthfawr yn y byd go iawn o dan arweiniad gweithwyr proffesiynol mewn gwahanol feysydd. Mae hyn yn eu galluogi i gymhwyso'u dysgu'n uniongyrchol at eu gwaith a datblygu sgiliau ymarferol i gyfrannu at eu llwyddiant.

  • Mae prentisiaid yn elwa o'r gefnogaeth orau bosibl. Mae'r tîm yn gweithredu polisi drws agored ac mae bob amser wrth law i gynnig cyngor a chefnogaeth i brentisiaid.

Two students sat at a table reading books and smiling. Students wearing graduation robes and caps cheer and clap for their peers during their graduation ceremony Two engineers consulting and exchanging repair experience with each other Students studying on a laptop and talking.
student-25

Pam dewis PDC ar gyfer eich prentisiaeth?

Mae ein cysylltiadau â’r diwydiant a'n pwyslais ar arfogi myfyrwyr â phrofiadau'r byd go iawn yn gwneud ein graddedigion ymhlith y rhai mwyaf cyflogadwy yn y DU. Y tu mewn a'r tu allan i'r ystafell ddosbarth, byddwn yn eich helpu i gyflawni eich potensial yn broffesiynol ac yn bersonol.

Thomas Vagi standing in front of the Safran Seats company logo

Sut i wneud cais

I wneud cais am un o'n Prentisiaethau Gradd, rhaid i chi fod mewn swydd neu wneud cais uniongyrchol i gyflogwr am rôl sy'n berthnasol i'ch maes dewisol. Efallai y bydd ein cyflogwyr wedi gofyn i ni hysbysebu swyddi gwag cyfredol y gallwch eu gweld  yn yr adran prentisiaethau ar gael uchod. Bydd angen cefnogaeth lawn eich cyflogwr i ymgymryd â Phrentisiaeth Gradd.

Prentisiaethau ar gael
student-25

GWYBODAETH i GYFLOGWYR

Trwy weithio mewn partneriaeth â Phrifysgol De Cymru, gallwch ddefnyddio gradd-brentisiaethau i dyfu eich busnes, hybu cynhyrchiant a chynllunio ar gyfer y dyfodol.

Gallwch gryfhau sgiliau eich gweithlu presennol neu roi cyfle i fyfyrwyr fod yn brentis yn eich gweithle, drwy raglenni wedi'u teilwra sy'n cyfuno profiad gwaith ag addysgu academaidd.

Gwybodaeth i gyflogwyr

CYSYLLTU Â NI

FFONIWCH

Prentisiaethau

01443 482203

01443 654488

E-BOST

Prentisiaethau

[email protected]

Polisïau a Gweithdrefnau Gweld prentisiaethau presennol Yr Academi Broffesiynol