Gwasanaethau Cyhoeddus gan gynnwys Blwyddyn Sylfaen

Ar gael yn Clirio BA Sut i wneud cais Gwneud gais drwy UCAS Trefnu Diwrnod Agored Sgwrsio gyda ni

Côd UCAS

L44F

Dyddiad Cychwyn

Medi 2027

Lleoliad

Pontypridd

Côd y Campws

Pwyntiau UCAS

Myfyrwyr rhyngwladol: £17,600*

Trosolwg o'r Cwrs

Paratowch ar gyfer gyrfa mewn gwasanaethau cyhoeddus wrth feithrin y sgiliau academaidd sydd eu hangen i lwyddo yn y brifysgol.

Os ydych chi’n barod i ddechrau taith foddhaol fydd yn talu ar ei ganfed at yrfa mewn Gwasanaethau Cyhoeddus, ond ddim yn bodloni’r gofynion mynediad ar gyfer y radd neu angen rhagor o gymorth, mae’r flwyddyn sylfaen hon yn gam perffaith at addysg uwch.

Pam astudio'r cwrs hwn?

Sicrhau sylfaen academaidd gadarn

Datblygu ystod o sgiliau hanfodol megis sgiliau TG a meddwl yn feirniadol a fydd yn eich paratoi chi ar gyfer gradd.

Addysg gan arbenigwyr

Fe fyddwch yn cael cefnogaeth gan academyddion angerddol sy’n arweinwyr yn eu meysydd astudio.

Datblygu eich dealltwriaeth

Byddwch yn creu sylfaen gadarn mewn meysydd allweddol megis plismona a throsedd a fydd yn eich paratoi i daclo heriau byd go iawn.

Cyfleoedd Gyrfa

Agor drysau i yrfaoedd mewn meysydd amrywiol, o’r llywodraeth a gofal iechyd i addysg, yr amgylchedd a thu hwnt.

Beth fyddwch chi'n ei astudio

Paratowch ar gyfer astudio yn y brifysgol trwy ddatblygu sgiliau academaidd ac archwilio materion gwasanaeth cyhoeddus y byd go iawn. Trwy waith tîm, myfyrio a dysgu cymhwysol, byddwch yn magu hyder a dealltwriaeth ar draws y flwyddyn sylfaen.

Am fanylion y modiwlau y byddwch yn eu hastudio ar ôl cwblhau’r Flwyddyn Sylfaen yn llwyddiannus, gweler prif dudalen y cwrs.

Datblygwch sgiliau academaidd, personol a phroffesiynol ar gyfer astudio yn y brifysgol. Byddwch yn myfyrio ar eich cynnydd, yn meithrin hyder, ac yn creu portffolio ar sail tystiolaeth i gefnogi eich dysgu yn y dyfodol.

Gan ganolbwyntio ar drosedd a chyfiawnder mewn cymdeithas, mae'r modiwl hwn yn archwilio sut mae’r cyfryngau, hunaniaeth a barn y cyhoedd yn ffurfio dealltwriaeth a pholisi. Byddwch yn archwilio dadleuon allweddol ac yn cynnig diwygiadau ar sail tystiolaeth.

Cyflwyniad i ymchwiliadau troseddol yng Nghymru a Lloegr drwy archwilio prosesau ymchwiliol, gwneud penderfyniadau moesegol ac ymarfer proffesiynol. Byddwch yn defnyddio meddylfryd ymchwiliol mewn senarios realistig ar draws mathau gwahanol o droseddau.

Mae’r Her Effaith yn fodiwl prosiect Blwyddyn Sylfaen lle mae myfyrwyr yn gweithio mewn timau i fynd i'r afael â materion y byd go iawn, gan ddatblygu atebion trwy ymchwil, chwilfrydedd, gwaith tîm a datrys problemau’n gyfrifol.

Rydym yn adolygu ein cyrsiau'n rheolaidd i gadw i fyny â sgiliau newidiol ac anghenion cyflogwyr. Os bydd adolygiad yn arwain at newidiadau sylweddol, byddwn yn cysylltu â chi i esbonio beth sy'n newid ar gyfer y flwyddyn nesaf.

Addysgu ac Asesu

Byddwch chi'n dysgu trwy brofiadau dysgu gweithredol, byd go iawn sy'n annog chwilfrydedd, cydweithio a meddwl annibynnol. Mae addysgu yn eich helpu i ddeall sut mae dysgu'n gweithio yn y brifysgol, wrth feithrin hyder academaidd, meddwl beirniadol a hunanfyfyrio.

Byddwch chi'n gweithio'n annibynnol a chydag eraill trwy drafodaethau, gweithgareddau ymarferol a myfyrio dan arweiniad, gyda chefnogaeth offer digidol. Mae adborth rheolaidd yn eich helpu i gydnabod cynnydd a chynllunio'r camau nesaf, gan gefnogi lles, gwydnwch a theimlad cryf o berthyn wrth i chi baratoi ar gyfer lefel uwch o astudio.

Byddwch chi'n cael eich asesu mewn ffyrdd gwahanol, gan gynnwys tasgau byr, gwaith cwrs, cyflwyniadau a gwaith grŵp. Mae asesiadau cynnar wedi'u cynllunio i gefnogi eich dysgu a'ch helpu i ddeall beth a ddisgwylir yn y brifysgol. Mae'r rhan fwyaf o asesiadau ar sail gwaith cwrs ac yn eich helpu i ddatblygu sgiliau allweddol fel ymchwil, ysgrifennu academaidd, gwaith tîm a chyfathrebu. Byddwch chi hefyd yn myfyrio ar eich cynnydd ac yn defnyddio systemau prifysgol ac offer digidol. Bydd adborth clir ac amserol yn eich helpu i ddeall sut i wella a chefnogi eich camau nesaf.

Bydd myfyrwyr sy’n mynd ymlaen i gyflawni gradd BA (Anrh.) Gwasanaethau Cyhoeddus yn cyflawni lleoliad am ddeg wythnos sy’n gweddu i’w nodau gyrfa a’u diddordebau, er mwyn cael blas ar y diwydiant a datblygu sgiliau gwerthfawr ar gyfer y dyfodol. Bydd hyn yn digwydd yn ystod yr ail flwyddyn ar y cwrs gradd (yn ystod y drydedd flwyddyn os yn cyflawni blwyddyn sylfaen).

Byddwch yn cydweithio gyda swyddog lleoliadau’r brifysgol a’ch sefydliad croeso i deilwra eich profiad i weddu i’ch anghenion. Gallech chi fod yn gweithio mewn awdurdodau lleol, Gwasanaeth Tân ac Achub De Cymru, y GIG, Cyngor ar Bopeth, lluoedd yr Heddlu, neu hyd yn oed Carchar Parc EF ym Mhen-y-bont yn cael profiad unigryw mewn lleoliadau gwahanol.

Fe fyddwch yn cael eich addysgu ar safle Pontypridd, sydd â mannau dysgu modern a chymuned bywiog a chroesawgar. O fan hyn, gallwch ymchwilio i bopeth all De Cymru ei gynnig i chi – boed hynny’n ymlacio ar draethau godidog, mynydda ar dirwedd hanesyddol neu brofi bywyd a diwylliant dinas. Mae astudio ym Mhontypridd yn cynnig y lleoliad perffaith i ddarganfod harddwch naturiol a bywyd trefol bywiog De Cymru fel ei gilydd.

Unwaith i chi symud ymlaen i’r radd BA (Anrh. ) Gwasanaethau Cyhoeddus, byddwch yn cael mynediad i gyfleusterau ychwanegol fydd yn gwella eich profiad gan gynnwys ein ystafell Hydra a phensetiau VR sy’n ein galluogi i efelychu ystod o senarios y bydd y myfyrwyr yn ymdrin â nhw yn rhan o’u dysgu.

Arweinydd y Cwrs

Emma Wheeler

Emma Wheeler yw Arweinydd y Cwrs ar gyfer y Flwyddyn Sylfaen. Mae gan Emma flynyddoedd lawer o brofiad addysgu, gan weithio gyda myfyrwyr sydd wedi bod allan o addysg ers peth amser. Mae amgylcheddau ystafell ddosbarth yn y Flwyddyn Sylfaen yn sensitif, yn galonogol ac yn ymatebol i ystod eang o anghenion gan ein myfyrwyr, ac yn eich helpu i fynd ymlaen i'r cwrs gradd yn hyderus.

Rhagolygon Gyrfa

Mae ein blwyddyn sylfaen Gwasanaethau Cyhoeddus yn eich paratoi ar gyfer symud ymlaen yn hyderus i’r radd BA (Anrh.) Gwasanaethau Cyhoeddus, gan arwain at gyfleoedd gyrfa amrywiol yn y sector cyhoeddus – un o feysydd allweddol y DU o ran cyflogaeth i raddedigion. Mae graddedigion diweddar wedi cael swyddi fel swyddogion carchardai, parafeddygon dan hyfforddiant, diffoddwyr tân, swyddogion heddlu, swyddogion delio â galwadau ffôn yn ogystal â swyddi yn y gwasanaethau achub a’r lluoedd arfog. Gallwch hefyd archwilio i swyddi eraill fel y gwasanaeth sifil, llywodraeth leol, tai, gwaith ieuenctid, datblygu polisïau, ymchwil cymdeithasol a gwaith elusennol.

Eich Gyrfa yn y Dyfodol

Bydd ein Blwyddyn Sylfaen yn rhoi'r sgiliau a'r wybodaeth hanfodol sydd eu hangen arnoch i lwyddo ar ein gradd Gwasanaethau Cyhoeddus llawn. Enillwch brofiad yn y byd go iawn gyda'n cwrs ymarferol sy'n canolbwyntio ar bobl a chymunedau ledled y byd. Gallai swyddi yn y dyfodol ar ôl cwblhau'r cwrs gradd yn llwyddiannus fod:

Gwasanaeth sifil a llywodraeth leol
Gwasanaethau cyhoeddus mewn gwisg: Plismona
Gwasanaethau tân ac achub
Gwasanaethau ambiwlans
Lluoedd arfog
Datblygu a dylunio polisi
Sefydliadau elusennol a gwirfoddol
Ymchwil gymdeithasol ac academaidd

Disgwyliadau cyflog

Gall gradd Gwasanaethau Cyhoeddus agor cyfleoedd ar draws y sector cyhoeddus. Mae gyrfaoedd gwasanaethau cyhoeddus yn cynnig potensial enillion cryf:

Cyflog canolrifol
DU: £40.7k y flwyddyn
Cymru: £36.3k y flwyddyn

Cyfanswm y swyddi yn 2025
DU: 2.39m
Cymru: 109,364

Ffynhonnell: Data Marchnad Lafur Lightcast 2026

Partneriaid diwydiant

Ar y cwrs, rydym yn cydweithio â’r sefydliadau uchaf i sicrhau bod eich cwrs bob amser yn gytûn â'r hyn sydd ei angen ar gyflogwyr.

Bob blwyddyn rydym yn gweithio gydag enwau mawr megis yr Asiantaeth Trosedd Cenedlaethol, Swyddfa Comisiynydd Cenedlaethau’r Dyfodol a Llywodraeth Cymru i wneud yn siŵr bod ein cwricwlwm yn gyfoes.

Byddwch hefyd yn elwa ar ein cysylltiadau gyda’r gwasanaethau brys, awdurdodau lleol ac elusennau, sy’n cynnig lleoliadau, prosiectau ymarferol a siaradwyr gwadd. Mae hyn yn golygu y bydd gennych brofiad ymarferol a gwybodaeth go iawn a fydd yn gwneud i chi sefyll allan yn y farchnad swyddi.

Gofynion Mynediad

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

Sut i wneud cais Datganiad Derbyniadau Cyd-destunol Gofynnwch gwestiwn i ni

48 Pwyntiau UCAS neu'n uwch

Gofynion cymhwyster nodweddiadol

Lefel A:
DD i eithrio Astudiaethau Cyffredinol

BTEC:
BTEC Diploma Estynedig Pas Pas Pas

Tystysgrif Her Sgiliau Uwch Bagloriaeth Cymru:
CC

Mynediad i AU:
Llwyddo Diploma Mynediad i AU

Lefel T:
P (D or E)

Gofynion Ychwanegol:
Mae'r Brifysgol fel rheol yn gofyn am o leiaf 3 TGAU gan gynnwys Mathemateg a Saesneg ar Radd C / Gradd 4 neu'n uwch, neu'r hyn sy'n cyfateb iddynt ond rhoddir ystyriaeth i amgylchiadau unigol.

Ffioedd a Chyllid

Ffioedd a Chyllid Ysgoloriaethau a Bwrsariaethau Cymorth Costau Byw

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

Ffioedd Dysgu Blwyddyn Sylfaen
Lle bo'n berthnasol, mae'r Ffioedd Dysgu i fyfyrwyr rhyngwladol fel y rhestrir yn adran y ffioedd uchod. Nodwch mai dim ond ar gyfer y Flwyddyn Sylfaen y mae’r ffi a ddangosir. Yn y blynyddoedd dilynol, codir y ffi dysgu israddedig safonol sy’n berthnasol ar gyfer y flwyddyn academaidd berthnasol.

Gwybodaeth Bellach
Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol. Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

Ffi Rhyngwladol Rhan-amser £ 17,600

Fesul blwyddyn

Ffioedd a Chyllid Ysgoloriaethau a Bwrsariaethau Cymorth Costau Byw

Y brifysgol orau yng Nghymru a'r 24ain allan o 123 o brifysgolion yn y DU.

Canllaw Prifysgolion y Guardian 2027

Three USW students walking outside of Cardiff Campus - Atrium

10 pwnc wedi'u rhestru yn y 10 uchaf yng Nghanllaw Prifysgolion y Guardian 2027, gan gynnwys dau yn y safle cyntaf.

Three students studying in a pod in the library at Cardiff campus

Ar y brig yng Nghymru ar gyfer busnesau newydd am y 6ed flwyddyn yn olynol, a’r 7fed yn y DU. (HEBCIS)

Archwiliwch ein cyfleusterau

Dysgu drwy wneud o fewn amgylcheddau dysgu trochol PDC.

Cyfleusterau Gwasanaethau Cyhoeddus

Cewch brofiad ymarferol yn ein hamgylcheddau dysgu dilys, o'n Canolfan Efelychu Hydra hynod ymgolliol i CIPHER (ein Hwb Ymchwilio Troseddol a Phlismona ar gyfer Addysg ac Ymchwil). Datblygwch eich hyder a'ch sgiliau trwy ddysgu ar y campws ac oddi arno, fel eich bod chi'n teimlo'n barod i helpu a gwasanaethu pobl gyffredin.

Sut i Wneud Cais

Dylid gwneud pob cais am gyrsiau israddedig amser llawn neu raddau sylfaen drwy UCAS. Cymerwch y cam nesaf: Gwnewch gais drwy UCAS.

Gallwch wneud cais i ni yn uniongyrchol am bob cwrs israddedig rhan-amser, os ydych yn chwilio am fynediad uwch neu os ydych yn fyfyriwr rhyngwladol. I wneud cais yn uniongyrchol, dewiswch y ffurflen gais isod ar gyfer eich dyddiad cychwyn dewisol a'ch dull astudio (amser llawn neu ran-amser).

Gwasanaethau Cyhoeddus gan gynnwys Blwyddyn Sylfaen
- Llawn Amser, 4 blynedd
- Medi
- Pontypridd
Apply direct

Os oes gennych gymhwyster neu brofiad perthnasol eisoes sy'n gysylltiedig â'r cwrs rydych yn gwneud cais amdano, efallai y byddwch yn gymwys i ddechrau ar gam diweddarach o'r cwrs. Er enghraifft, gall myfyrwyr o golegau partner 'ychwanegu ato' eu cymwysterau i radd trwy ymuno â ni ym Mlwyddyn Dau neu Flwyddyn Tri cwrs. Gelwir y broses hon yn 'fynediad uwch', gallwch wneud cais yn uniongyrchol i'r Brifysgol am 'fynediad uwch' gan ddefnyddio'r ffurflenni cais a ddarperir uchod.

Gall ymgeiswyr a dderbynnir drwy fynediad uwch astudio cyfuniad gwahanol o fodiwlau i'r rhai a hysbysebir, gan y byddant yn ymuno â chwrs sydd eisoes ar y gweill. Fe wnawn ni gysylltu â chi a’ch cynghori chi am y modiwlau hyn unwaith y bydd eich cais wedi'i brosesu a chynnig wedi'i wneud.

Gall ymgeiswyr rhyngwladol wneud cais yn uniongyrchol i ni. Os oes gan y Brifysgol dîm mewn gwlad yn eich rhanbarth, bydd eich cais yn cael ei neilltuo iddynt am gymorth.