Llyfrgell Caerdydd

• Astudio Tawel - Mae ystafell astudio tawel yn y llyfrgell. 
• Cyfrifiaduron Personol a Macs - mae Cyfrifiaduron Personol a Macs ar gael ym mhob rhan o'r llyfrgell. 
• Bariau Gliniaduron - Mae gan y bar gliniaduron sydd wedi'i leoli'n ganolog ddigon o socedi pŵer ar gael i'w defnyddio ar gyfer gliniaduron/llechi (19 sedd ar gael). 
• Podiau - Mae 4 pod astudio y gellir eu harchebu gyda socedi pŵer, cylchrediad aer addasadwy a goleuadau (2 bod mawr – lle i 6 eistedd a 2 bod bach – lle i 4 eistedd). 
• Bythau cwtsio - Mae yna 10 bwth gwaith CWTSIO uchel mewn lliw mafon, siarcol, gwyrdd y goedwig a glas yr Aifft i weddu i'ch hwyliau astudio. 
• Gofodau gwaith grŵp - ar gael o amgylch y llyfrgell. 

Parcio 

Mae lleoedd parcio i'r anabl yn y maes parcio yng nghefn yr adeilad. 

Rhoddir trwyddedau parcio i'r anabl yn rhad ac am ddim i fyfyrwyr sydd â bathodyn glas (y mae'n rhaid darparu copi ohono) i'w galluogi i barcio ar y campws. Am fwy o wybodaeth ewch i Parcio i Fyfyrwyr. 

Mynediad cyffredinol 

Mae gan y llyfrgell fynedfa ar y llawr gwaelod gyda mynediad ramp.  Mae'r llyfrgell ar un llawr 

Byrddau addasadwy

Cyfrifiaduron a desgiau y gellir addasu eu huchder

Gwacáu mewn achos o Dân 

Mae cadeiriau achub ar gael ar gyfer defnyddwyr â chyfyngiadau symudedd ac mae llwybrau allanfa amgen ar gael o bob rhan o'r adeiladau mewn argyfwng. 

Toiledau 

Mae toiledau â mynediad i'r anabl ar lawr gwaelod y prif adeilad.

Casgliad Stuart Morgan 

Mae'r casgliad hwn o gatalogau arddangos o'r 1980au a'r 1990au, a roddwyd gan deulu'r awdur, yn cynnwys rhai wedi'u curadu gan yr awdur. Mae rhai o'i ysgrifau dethol hefyd yn rhan o'r casgliad. 

Catalogau arddangosfeydd

Mae gan y Llyfrgell archebion sefydlog gan lawer o brif orielau'r DU ac mae'n derbyn y catalogau sy'n cyd-fynd â'r arddangosfeydd hyn yn fuan ar ôl y digwyddiad. Gellir dod o hyd i gatalogau ar FINDit, a gallwch chwilio yn ôl artist, oriel neu enw arddangosfa neu drwy'r casgliad.

Ffotograffiaeth

Casgliad David Hurn

Mae Casgliad David Hurn yn archif o lyfrau a chyfnodolion sy'n arbenigo mewn ffotograffiaeth ddogfennol, o gasgliad personol y Ffotograffydd Magnwm.

Casgliad Raissa Page  
Mae casgliad Raissa Page wedi cael ei roi gan ffotonewyddiadurwr a chyd-sylfaenydd y Format Photographers Collective.

Casgliad Ffotograffig Arolwg Casnewydd

Casgliad o ffotograffau du a gwyn yw Casgliad Ffotograffig Arolwg Casnewydd a dynnwyd gan fyfyrwyr ffotograffiaeth ddogfennol a oedd yn cofnodi Casnewydd yn y 1980au. Roedd y ffotograffau hyn yn sail i gyfres o 8 cyhoeddiad ar themâu amrywiol yn ymwneud â'r dref, a elwir hefyd yn Arolwg Casnewydd. Mae manylion y 2,200 o ddelweddau ar gael ar gatalog y llyfrgell ac mae'r lluniau ar gael i'w gweld er gwybodaeth yn unig.

Gwisg hanesyddol 
Mae gennym gasgliad ffotograffig bach o wisgoedd hanesyddol.

Adrodd straeon 

Casgliad George Ewart Evans

Rhoddwyd y casgliad yn garedig gan y teulu Evans. Mae'n cynnwys nifer o deitlau sy'n archwilio adrodd straeon a hanes llafar. Mae rhagor o wybodaeth am y ganolfan ar gael yng  Nghanolfan Adrodd Storïau George Ewart Evans.

Casgliad Ffuglen Wyddonol 
Mae'r casgliad hwn yn cynnwys dros 1500 o nofelau, llawer ohonynt gan awduron nodedig yn y genre ffuglen wyddonol. 

Theatr

Casgliad Rhaglen Theatr Henry Evans 

Dyma gasgliad mawr o raglenni theatr a roddwyd gan deulu y diweddar Henry Evans. Mae'n dyddio o'r 1940au hyd at 2006.. 

Casgliadau Eraill

Casgliad DVD

Mae'r Casgliadau DVD Oddi ar yr Awyr a Chyn-Recordiedig yn cynnwys detholiad o raglenni teledu, ffilmiau nodwedd a rhaglenni dogfen i gefnogi'r addysgu a'r dysgu ar y Campws.

Casgliadau CD Cerddoriaeth

Mae'r casgliad yn adlewyrchu'r rhan fwyaf o genres cerddorol o glasuron i indie, sgoriau ffilm i wrando hawdd a cherddoriaeth y byd i jazz 

Casgliad CD effeithiau sain 

Mae Casgliad Effeithiau Sain y BBC yn amrywio o ran pwynciau o trafnidiaeth, domestig, natur, dynol yn ogystal â synau a gynhyrchir yn electronig.

Dyluniad Set

Casgliad Gerald Murphy.

Cafodd y casgliad eclectig hwn o ymchwil gweledol ei gronni gan y dylunydd cynhyrchu Gerald Murphy yn ystod ei yrfa ac fe’i rhoddwyd yn garedig i gefnogi’n bennaf fyfyrwyr ar radd BA Dylunio Setiau Teledu a Ffilm ym Mhrifysgol De Cymru.