15 o gyn-fyfyrwyr PDC yn cael eu cydnabod ar ôl gweithio ar ffilmiau a enwebwyd am Oscar

Mae ffilm fer animeiddiedig Gymreig, a grëwyd ac y gweithiwyd arni gan raddedigion o Ysgol Ffilm a Theledu Cymru PDC, wedi’i henwebu am Oscar.

Mae Affairs of the Art, a wnaed gan Joanna Quinn, yn gyn-ddarlithydd Animeiddio, a Les Mills, cyn arweinydd cwrs Animeiddio yn PDC, ar y rhestr fer yn y categori Ffilm Fer Animeiddiedig Orau yng Ngwobrau Academi 2022.

Sefydlodd Joanna a Les Beryl Productions yn yr 1980au, ac maent yn arbenigo mewn animeiddio cymeriadau â llaw. Mae Affairs of the Art yn adrodd hanes Beryl, gweithiwr ffatri 59 oed sydd ag obsesiwn â lluniadu ac yn benderfynol o ddod yn arlunydd gor-ddyfodolaidd. Mae’r ffilm newydd yn parhau â chyfres Beryl, a ddechreuodd gyda Girls’ Night Out o 1987, ac yna Body Beautiful o’r 1990au a Dreams and Desires: Family Ties o 2006, ac sydd eisoes wedi ennill mwy nag 20 o wobrau o wyliau ledled y byd.

Ymhlith y cyn-fyfyrwyr niferus fu’n gweithio ar y ffilm roedd Mia Rose Goddard, James Nutting, Eliot Cseh, Bryony Evans, Gemma Roberts, Becky Peel, Alex Thompson, Yoana Georgieva, Daniel Evans a Lauren Orme.

Mae llu o raddedigion eraill hefyd wedi cael eu cydnabod yn yr enwebiadau Oscar eleni. Roedd Rosie Walker a Ben Brown, a fu’n astudio Effeithiau Gweledol a Graffeg Symudiad ym Mhrifysgol De Cymru, yn rhan o’r tîm sy’n gweithio ar ffilm antur ffuglen wyddonol Dune, sydd wedi’i rhestru mewn 10 categori gwobrau.

Bu Rosie hefyd yn gweithio ar The Matrix Resurrections, sydd wedi’i henwebu ar gyfer BAFTA ar gyfer Effeithiau Gweledol Arbennig.

Gweithiodd Amy Carpenter, graddedig Effeithiau Gweledol a Graffeg Symudiad, a graddedig Animeiddio Cyfrifiadurol Jakub Kupcik, ar Spider-Man: No Way Home, sydd wedi'i henwebu am yr Effeithiau Gweledol Gorau.

Dywedodd Tom Ware, Cyfarwyddwr Cynhyrchu a Pherfformio ym Mhrifysgol De Cymru: “Mae gweld cymaint o’n graddedigion o Ysgol Ffilm a Theledu Cymru yn ymddangos ar y lefelau uchaf yn y diwydiant, ar alwad y gofrestr sydd wedi’i chydnabod yn fyd-eang yn wych. Unwaith eto, mae creadigrwydd a phroffesiynoldeb ein graddedigion yn dyst i’r dalent a’r cyfleoedd a feithrinwyd yn ystod eu hastudiaethau yma ym Mhrifysgol De Cymru.”

Mae pleidleisio terfynol Oscar yn dechrau ar 17 Mawrth ac yn dod i ben ar 22 Mawrth 2022, gyda 94eg seremoni Gwobrau Academi yn cael ei chynnal ddydd Sul 27 Mawrth yn Los Angeles.