FareShare Cymru yn elwa ar ffilm hyrwyddo gan fyfyrwyr PDC

Mae myfyrwyr ffilm o Brifysgol De Cymru (PDC) wedi helpu FareShare Cymru – elusen sy’n gweithio i frwydro yn erbyn tlodi bwyd – drwy greu ffilm hyrwyddo i dynnu sylw at ei gwaith hanfodol wrth fynd i’r afael â gwastraff bwyd.

Bu’r grŵp o fyfyrwyr, dan arweiniad y cyfarwyddwr Arwen Harrison a’r cynhyrchydd Chloe Parfitt, yn gweithio’n agos gyda FareShare Cymru fel rhan o’u modiwl cydweithredol yn ystod eu hail flwyddyn o BA (Anrh) Ffilm.

Fe wnaeth Arwen, 20, o Gaerdydd, fwynhau gweithio ar y prosiect yn fawr iawn. Meddai: “Roedd FareShare yn bleser gweithio gyda nhw ar y ffilm hon. Roeddent yn gwerthfawrogi ein cyfranogiad yn y prosiect ac yn barod i gefnogi ein syniadau ym mha bynnag ffordd bosibl.

“Fel elusen sefydledig ag enw da, rhoddodd FareShare gyfle i ni gysylltu â sefydliadau partner fel Oasis Caerdydd. O’r cysylltiad hwn roeddem yn gallu ffilmio proses ailddosbarthu bwyd FareShare yn llwyddiannus mewn ffordd a oedd yn amlygu nod allweddol FareShare, sef ‘brwydro newyn, mynd i’r afael â gwastraff bwyd’.”