Diwrnod Iechyd Meddwl y Byd | Adroddiad newydd ar reoleiddio emosiynol

Mae ymchwilwyr ym Mhrifysgol De Cymru (PDC) wedi cyhoeddi adroddiad cynhwysfawr ar gynorthwyo i reoli emosiynau.

Mae rheoleiddio emosiynol yn elfen allweddol o iechyd meddwl ac mae gweithwyr proffesiynol (fel cwnselwyr neu therapyddion) yn defnyddio amrywiaeth o ffyrdd i helpu pobl i reoli eu hemosiynau.

Ar gyfer yr adroddiad hwn, adolygwyd rhai o'r ymyriadau hyn gyda'r nod o dywys gweithwyr proffesiynol sy'n cefnogi unigolion i reoli eu hemosiynau. Gall hyn arwain at ganlyniadau iechyd meddwl gwell.

Wedi'i ariannu'n rhannol gan Gwelliant Cymru, Gweithrediaeth GIG Cymru, mae'r adroddiad yn darparu dadansoddiad manwl o ymyriadau amrywiol a gynlluniwyd i wella rheoleiddio emosiynol ar draws gwahanol grwpiau oedran. Y bwriad yw ymgorffori canfyddiadau'r adroddiad yn nogfennau canllawiau 'Matrics Cymru' a 'Plant', sydd wedi'u cynllunio i helpu i gynllunio a darparu therapïau seicolegol sy'n seiliedig ar dystiolaeth yng Nghymru. Mae'n sicrhau bod awdurdodau lleol, byrddau iechyd a sefydliadau cysylltiedig yn darparu gofal cyson o ansawdd uchel ar draws gwasanaethau iechyd meddwl.

Mae'r adroddiad yn tynnu sylw at bwysigrwydd defnyddio dulliau wedi'u teilwra sy'n seiliedig ar dystiolaeth i gefnogi iechyd emosiynol ar draws gwahanol gyfnodau o fywyd. Mae sawl dull, gan gynnwys therapi gwybyddol ymddygiadol (CBT), ymarferion ymwybyddiaeth ofalgar, a rhaglenni dysgu cymdeithasol-emosiynol, wedi profi'n llwyddiannus wrth feithrin gwell rheoleiddio emosiynol. Mae'r strategaethau hyn yn helpu unigolion i feithrin sgiliau i reoli eu hemosiynau mewn ffyrdd iachach a mwy cynhyrchiol.

Un o’r prif bethau i’w cymryd o’r adroddiad yw pwysigrwydd teilwra ymyriadau i anghenion penodol gwahanol grwpiau oedran. Er enghraifft, efallai na fydd technegau sy'n effeithiol i oedolion yn ddefnyddiol i blant neu bobl ifanc yn eu harddegau. Ar ben hynny, mae'r adroddiad yn pwysleisio'r angen am ddulliau sy'n sensitif yn ddiwylliannol, gan sicrhau bod ymyriadau yn addasadwy i boblogaethau amrywiol.

Amlygir manteision ymyrraeth gynnar fel rhai arbennig o effeithiol. Gall cyflwyno strategaethau rheoleiddio emosiynol yn gynnar mewn bywyd arwain at effeithiau cadarnhaol hirdymor, gan gynnwys gwell iechyd meddwl, gwell perfformiad academaidd a gwell perthnasoedd cymdeithasol.

Mae dulliau arloesol fel bio-adborth a therapïau realiti rhithwir hefyd yn addawol iawn. Mae'r technegau newydd hyn yn ymgysylltu â defnyddwyr mewn amser real, gan gynnig adborth ar unwaith ar eu cyflyrau emosiynol a meithrin cyfranogiad mwy gweithredol mewn ymdrechion rheoleiddio emosiynol.

Dywedodd y Prif Awdur, Dr Deborah Lancastle: "Mae ein canfyddiadau'n pwysleisio rôl hanfodol rheoleiddio emosiynol mewn iechyd meddwl a lles cyffredinol. Drwy nodi ymyriadau effeithiol, rydym yn gobeithio hysbysu addysgwyr, clinigwyr a llunwyr polisi am ymarferion gorau i gefnogi unigolion i reoli eu hemosiynau, gan arwain at gymunedau mwy cadarn a hyblyg."

rôl hanfodol rheoleiddio emosiynol mewn iechyd meddwl a lles cyffredinol. Drwy nodi ymyriadau effeithiol, rydym yn gobeithio hysbysu addysgwyr, clinigwyr a llunwyr polisi am ymarferion gorau i gefnogi unigolion i reoli eu hemosiynau, gan arwain at gymunedau mwy cadarn a hyblyg."

Roedd y tîm ymchwil yn cynnwys: Dr Phil Tyson, Dr Nyle Davies, Dr Alexis Jones, Taf Kunorubwe, Dr Shelley Gait, yr Athro Bev John, yr Athro Gareth Roderique-Davies, Andrea Gray, a Josh Molina.