Llwyddiant i PDC yng Ngwobrau HEIST 2025

Llongyfarchiadau i’n hadran Myfyrwyr y Dyfodol sydd wedi ennill y wobr am y Defnydd Gorau o Fideo yng Ngwobrau Heist 2025.

Roedd y gwobrau, a gynhaliwyd ddydd Iau’r 10fed o Orffennaf yn Leeds, yn dathlu rhagoriaeth ac arloesedd mewn marchnata addysg, gan amlygu’r gorau oll yn y sector.

Enillodd y tîm wobr yn y categori Defnydd Gorau o Fideo ar gyfer eu fideo ymgyrch ‘Get in on the action’. Dangosodd y fideo gryfderau PDC mewn dysgu trochol, ymarferol, sy’n canolbwyntio ar yrfa, a bu’n llwyddiannus wrth ennyn diddordeb myfyrwyr 17-18 oed, gan wireddu cynnig ‘dysgu wrth wneud’ PDC a gynyddodd ymholiadau, ac yn bwysicach fyth, ceisiadau.

Ymhlith y gwobrau eraill y cyrhaeddodd y Brifysgol y rhestr fer ar eu cyfer mae dau enwebiad yn y categori Menter Ehangu Cyfranogiad Orau am eu prosiect Aspire2HE a Diwrnod Blasu o'r Safle Trosedd i'r Llys.

Dywedodd Sera Evans, Cyfarwyddwr Cyswllt Recriwtio a Derbyniadau Myfyrwyr y DU: "Mae ennill a bod ar y rhestr fer ar gyfer y gwobrau hyn yn dyst i arloesedd, ymroddiad ac angerdd parhaus ein tîm Myfyrwyr y Dyfodol.

“Rhaid i ni weithio’n galed i sefyll allan mewn marchnad hynod gystadleuol ymhlith ein cynulleidfa darged a’u dylanwadwyr, a dim ond gyda dycnwch, dyfalbarhad a thrwy ymdrechu’n barhaus am wreiddioldeb y daw hyn. Rwy’n falch o waith y timau ac mae’r wobr hon yn gydnabyddiaeth haeddiannol o’u hymdrechion.”

Gallwch wylio’r fideo llwyddiannus isod.