This website uses cookies to improve your experience. Read our cookie policy

Dychwelyd i Ymarfer

Mae'r cwrs Dychwelyd i Ymarfer hwn yn cynnig cyfle gwych i ddychwelyd i'r proffesiwn os ydych chi wedi cyflawni rôl nyrs gofrestredig o'r blaen.

Sut i wneud cais Archebu lle ar noson Agored Sgwrsio â ni

Manylion Cwrs Allweddol

  • Dyddiad Cychwyn

    Mai

  • Lleoliad

    Pontypridd

  • Côd y Campws

    A

Ffioedd

Bydd y cwrs yn galluogi'r myfyriwr i ddatblygu, adnewyddu a gwella’r wybodaeth, y sgiliau, y gwerthoedd proffesiynol a’r hyfedredd sy'n ofynnol gan nyrs gofrestredig i ailymuno â chofrestr broffesiynol y Cyngor Nyrsio a Bydwreigiaeth neu aros arni yn ei maes ymarfer arfaethedig.

DYLUNIWYD AR GYFER

Y rhai sydd wedi cyflawni rôl nyrs gofrestredig o'r blaen, sydd eisiau dychwelyd i ymarfer.

Achredir gan

  • Y Cyngor Nyrsio a Bydwreigiaeth

Llwybrau Gyrfa

  • Nyrs Gofrestredig ym maes Iechyd Oedolion, 
  • Nyrs Gofrestredig ym maes Plant, 
  • Nyrs Gofrestredig ym maes Anableddau Dysgu 
  • Nyrs Gofrestredig ym maes Iechyd Meddwl

Sgiliau a addysgir

  • Gwneud penderfyniadau
  • Rheoli perthynas 
  • Asesu risg 
  • Arweinyddiaeth

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

A student nurse wearing purple scrubs is caring for two mannequins that simulate a baby and a child in a simulated hospital environment.
A lecturer using a stethoscope on a patient in a simulated practical session.
Lecturer and students taking part in a practical session
Two nursing students consulting paperwork together

Uchafbwyntiau'r Cwrs

Cyfleoedd lleoliad

Byddwch yn cyflawni 450 awr o ddysgu ymarfer gyda chefnogaeth Goruchwyliwr(wyr) Ymarfer ac Asesydd Ymarfer, i'ch galluogi i weithio tuag at a chyflawni'r hyfedredd a'r sgiliau sy'n ofynnol gan nyrs gofrestredig.

Cyfleusterau rhagorol

Mae ein Canolfan Efelychu Clinigol yn rhoi cyfle i ailedrych ar faterion proffesiynol a chymhwyso gwybodaeth a datblygu hyfedredd. Mae ein Canolfan Hydra Minerva’n cynnig cyfle dysgu trochi i gyd-destunoli a chymhwyso damcaniaethau i senarios ymarferol, dilys ac i wella'r broses o wneud penderfyniadau a'r sail resymegol dros benderfyniadau.

Trosolwg o'r Modiwl

  • Cymorth Bywyd Sylfaenol 
  • Rheoli ymddygiad heriol gan gynnwys dad-ddwysáu, trais ac ymddygiad ymosodol. 
  • Rhagofalon cyffredinol 
  • Atal a rheoli heintiau, stiwardiaeth a gwrthiant gwrthficrobaidd, Techneg Aseptig, Di-gyffwrdd (ANTT) 
  • Trin â llaw 
  • MECC 

Uchafbwyntiau'r Cwrs

Sut byddwch chi'n dysgu

Cyflwynir y cwrs gan ddefnyddio dull dysgu cyfunol, sy'n cynnwys cyfleoedd dysgu trochol, dysgu damcaniaethol a dysgu ymarfer.

Staff addysgu

Dyrennir Tiwtor Personol i chi i gynnig cymorth ac arweiniad gyda phob agwedd ar y cwrs. Bydd eich Tiwtor Personol yn cynnig goruchwyliaeth academaidd i chi hefyd i'ch helpu i baratoi ar gyfer eich asesiadau damcaniaethol.

Cymeradwywyd gan

GOFYNION MYNEDIAD

Gofynion cymhwyster nodweddiadol:

  • Rhaid bod gan ymgeiswyr gofrestriad sydd wedi darfod gyda'r NMC neu fod mewn sefyllfa lle na allant gwrdd â'r oriau ymarfer gofynnol i ailddilysu gyda'r NMC ac aros ar y gofrestr broffesiynol.
  • Rhaid i ymgeiswyr allu dangos bod ganddynt allu mewn rhifedd, llythrennedd a llythrennedd digidol a thechnolegol i fodloni canlyniadau a hyfedredd y rhaglen.
  • Bydd yn rhaid i ymgeiswyr hefyd ddangos eu bod yn cwrdd â gofynion iaith Saesneg NMC, os yw'n berthnasol.
  • Yn ystod cais a chyfweliad gofynnir i bob ymgeisydd ddatgan ei fod o iechyd da a chymeriad da i alluogi ymarfer diogel ac effeithiol.
  • Mae mynediad i'r cwrs yn dibynnu ar wiriad datgelu a gwahardd boddhaol (DBS) a sgrinio Iechyd Galwedigaethol.
  • Os yw'ch cais yn cwrdd â'r meini prawf mynediad, cewch eich galw i gyfweliad ffurfiol. Bydd Alex Holmes, arweinydd y cwrs, a hwylusydd practis neu uwch nyrs yn eich cyfweld. Bydd y cyfweliad yn para oddeutu ugain munud a byddwch chi'n cael cyfle i ofyn cwestiynau.

Gofynion ychwanegol 

  • Gall ymgeiswyr wneud cais i gael eu dysgu a'u profiad blaenorol mewn perthynas â safonau hyfedredd, canlyniadau cyrsiau ac oriau ymarfer perthnasol fel cofrestrai cyfredol. Bydd y dystiolaeth a ddarperir gan bob ymgeisydd yn cael ei hasesu ar sail unigol gan Asesydd Academaidd ac Asesydd Ymarfer mewn cydweithrediad ag Arweinydd y Cwrs a gyda chymeradwyaeth yr Arholwr Allanol.
  • Bydd y dystiolaeth yn cael ei mesur yn benodol yn erbyn Hyfedredd yr NMC (2018) ar gyfer nyrsys cofrestredig sy'n cynnwys Atodiad A - Sgiliau cyfathrebu a rheoli perthynas a sgiliau gweithdrefnol Nyrsio Atodiad B yn ogystal â chanlyniadau dysgu'r Modiwl a'r Cwrs.
  • Mae angen gwiriad Gwasanaeth Datgelu a Gwahardd Manwl (DBS) ar Restr Gwahardd y Gweithlu Plant ac Oedolion a Phlant ac Oedolion a thanysgrifiad i Wasanaeth Diweddaru’r DBS. (Mae angen cyfwerth o dramor ar gyfer ymgeiswyr nad ydynt yn dod o'r DU).

Ar gau i ymgeiswyr rhyngwladol

Yn anffodus, nid yw'r cwrs hwn yn agored i ymgeiswyr rhyngwladol ar hyn o bryd, ewch i'n tudalennau cwrs lle gallwch ddod o hyd i ddewis arall o gyrsiau.

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

* Rhwymedig 

Bydd disgwyl i fyfyrwyr dalu am DBS neu dystysgrif ymddygiad da o'u mamwlad. Mae ffi’r DBS yn cynnwys £49.50 ar gyfer y dystysgrif DBS uwch, ffi Gweinyddu Swyddfa’r Post a’r ffi gweinyddu ar-lein

Cost: £64.74

Bydd angen tanysgrifio ar gyfer pob blwyddyn o’r cwrs am ffi flynyddol o £16. Sylwer bod rhaid ymuno â’r gwasanaeth o fewn 30 niwrnod o dderbyn eich tystysgrif DBS Manylach.

Cost: £16

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Close up shot of the front of the Alfred Russell wallace building.
Campws Pontypridd, Glyn-taf
A member of staff is smiling and chatting with an open evening visitor.
Digwyddiadau Agored Ôl-raddedig

Camau Nesaf

Sut i Wneud Cais
Archebwch Noson Agored
Sariad â ni