MSc

Gwyddorau Dadansoddol a Fforensig

Ewch ati i wella eich sgiliau dadansoddol a gwyddonol drwy ddysgu trochol, seiliedig ar ymarfer, dan arweiniad ein hacademyddion arbenigol. Enillwch y wybodaeth a'r profiad uwch y mae cyflogwyr yn chwilio amdanynt i symud ymlaen mewn tirwedd broffesiynol gystadleuol ac esblygol.

Sut i wneud cais Archebu lle ar noson Agored Sgwrsio â Ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £1,229*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.
Gwneud Ymholiad

O leoliad y drosedd i'r llys, profwch y broses ymchwilio lawn wrth ddefnyddio cyfleusterau arloesol a thechnolegau labordy uwch i ddadansoddi a dehongli tystiolaeth fforensig i safonau proffesiynol.

CYNLLUNIWYD AR GYFER

Ydych chi'n wyddonydd sy'n awyddus i ddatblygu arbenigedd dadansoddol a labordy uwch mewn gwyddor fforensig? Mae'r rhaglen hon wedi'i theilwra ar gyfer graddedigion ar draws gwyddor fforensig, bioleg, cemeg, a disgyblaethau cysylltiedig, yn ogystal â gweithwyr proffesiynol sydd â llygad craff am fanylion ac sy’n frwd dros elfennau gwyddonol ymchwiliadau.

Achredwyd gan

  • Cymdeithas Siartredig y Gwyddorau Fforensig

Llwybrau Gyrfa

  • Gwyddonydd Fforensig mewn meysydd fel DNA neu Docsicoleg
  • Cemegydd Dadansoddol
  • Gwyddonydd Amgylcheddol
  • Gwyddonydd Ymchwil
  • Astudiaeth bellach, naill ai mewn gwyddor fforensig neu feysydd gwyddonol eraill

Sgiliau a Addysgir

  • Sgiliau Dadansoddol a Labordy Uwch
  • Meddwl Beirniadol a Datrys Problemau
  • Arweinyddiaeth a Chydweithio Tîm
  • Rhwydweithio a Chyfathrebu Gwyddonol
  • Uniondeb Moesegol a Phroffesiynol

Rydym yn gwneud gwahaniaeth yn ymarferol, nid ar bapur yn unig. Mae ein cwrs wedi'i ddylunio a'i gyflwyno gan gyfrifwyr gweithredol ac mae ein graddedigion wedi mynd ymlaen i wneud gwahaniaeth go iawn yn eu gyrfaoedd.

Students wearing lab coats and protective eyewear are working in a forensics lab.
24408
A student in a white laboratory coat, protective glasses and white rubber gloves uses a pipet to complete an experiment in a science lab

Uchafbwyntiau’r Cwrs

Profiad Labordy

Defnyddiwch ein cyfleusterau labordy o'r radd flaenaf a datblygwch sgiliau uwch gydag offer dadansoddol o safon y diwydiant.

Dysgu Ymarferol

Rhowch ddamcaniaeth ar waith mewn lleoliadau byd go iawn gan ddefnyddio ein cyfleusterau gwyddonol arloesol.

Profiad yn y Diwydiant

Dysgwch gan weithwyr proffesiynol blaenllaw sy'n pontio ymchwil arloesol ag arbenigedd diwydiant yn y byd go iawn.

Dysgu Trochol

Cymerwch ran mewn senarios ymchwilio dilys trwy gyfleusterau efelychu uwch a'n tŷ safle troseddau.

Trosolwg o’r Cwrs

Ymgollwch mewn ymchwiliadau troseddol fforensig mewn amgylchedd ymarferol a heriol. Gweithiwch ar bopeth o archwilio safleoedd troseddau a dadansoddiad labordy uwch i gyflwyno tystiolaeth arbenigol yn y llys. Ewch ati i wella eich arbenigedd gydag offer dadansoddol arbenigol wrth ddatblygu eich sgiliau gwyddonol beirniadol sy'n hanfodol ar gyfer ymchwiliadau fforensig a'r system gyfiawnder.

Ymchwiliad Uwch i Safleoedd Troseddau
Mae'r modiwl hwn yn datblygu sgiliau uwch wrth reoli lleoliadau troseddau cymhleth, gan gwmpasu strategaethau fforensig, gwneud penderfyniadau, rhagfarn wybyddol, dehongli tystiolaeth, ac effaith seicolegol ymchwiliadau ar weithwyr proffesiynol safleoedd troseddau.

Tystiolaeth Fforensig mewn Ymarfer Ymchwiliol
Archwiliwch fathau uwch o dystiolaeth fforensig, gan gynnwys DNA, olion bysedd, digidol, a chyffuriau. Dysgwch gasglu, dehongli a rhoi tystiolaeth ar waith o fewn fframweithiau cyfreithiol, gan bwysleisio sicrwydd ansawdd, rheoleiddio, ac achrediad fforensig y DU.

Bioleg Fforensig Uwch a Dadansoddi DNA
Datblygwch sgiliau technegol uwch mewn bioleg fforensig a dadansoddi DNA, gyda ffocws cryf ar ddehongli data. Rhoddir pwyslais ar safonau cyfreithiol, moesegol ac ansawdd, gan baratoi myfyrwyr i gyflwyno eu canfyddiadau yn effeithiol mewn lleoliadau ymchwiliol a barnwrol.

Tocsicoleg Dadansoddol a Fforensig
Mae'r modiwl hwn yn eich paratoi â sgiliau technegol uwch ar gyfer dadansoddi sylweddau gwenwynig mewn matricsau biolegol gan ddefnyddio technegau dadansoddol cyfredol a rhai sy'n dod i'r amlwg, gan integreiddio safonau cyfreithiol, moesegol a gwyddonol.

Prosiect Ymchwil a Datblygu
Cynhaliwch brosiect ymchwil rhyngddisgyblaethol annibynnol, gan ddatblygu a gwerthuso methodolegau fforensig. Ewch ati i ennill sgiliau mewn dadansoddi data, cyfathrebu gwyddonol, a chyflwyno canfyddiadau o safon broffesiynol trwy adroddiadau a chyflwyniadau ysgrifenedig.

Uchafbwyntiau’r Cwrs

Addysgu ac Asesu

Gallwch ddisgwyl dysgu ymarferol trwy gymysgedd o weithdai wyneb yn wyneb, sesiynau grŵp a gwaith labordy yn ogystal â thrwy ein hamgylchedd dysgu rhithwir.

Caiff modiwlau eu hasesu gyda chyfuniad o ddulliau gan gynnwys asesiadau sgiliau ymarferol a labordy, gwaith cwrs ysgrifenedig, adroddiadau labordy, ffeiliau gwaith achos efelychiedig, paratoi datganiadau tystion, sesiynau llys ffug, cyflwyniad llafar, a thraethodau hir. Mae'r asesiadau wedi'u cynllunio i baratoi myfyrwyr ar gyfer cyflogaeth ar ôl astudio ac mae llawer o'r sgiliau'n drosglwyddadwy i'r gweithle, ond maent hefyd yn adeiladu ar sgiliau allweddol fel gweithio'n annibynnol a gwaith tîm.

Staff addysgu

Byddwch yn cael eich addysgu gan dîm amrywiol o academyddion profiadol ac ymarferwyr diwydiant, gan gyfuno arbenigedd ymchwil trylwyr â gwybodaeth fforensig ymarferol. Mae ein tîm yn fedrus mewn addysgu sy'n canolbwyntio ar y myfyriwr, gan sicrhau profiad dysgu deniadol.

Drwy rwydweithiau proffesiynol cryf, byddwch yn cael mewnwelediadau gan arbenigwyr allanol ar draws sectorau fforensig, gan gynnwys dadansoddi DNA, tystiolaeth olion, tocsicoleg, ac ymchwilio i safleoedd troseddau. Mae'r cyfuniad unigryw hwn o ddysgu manwl a phrofiad yn y byd go iawn yn eich paratoi â'r sgiliau a'r ddealltwriaeth sydd eu hangen i ragori mewn gyrfaoedd gwyddor fforensig. Dysgwch yn uniongyrchol gan arbenigwyr sy'n ymroddedig i hyrwyddo gwyddoniaeth a chyfiawnder.

Cyfleusterau

Mae ein cwrs yn cynnig hyfforddiant ymarferol gan ddefnyddio offer arbenigol ar draws meysydd fforensig. Ymgysylltwch â safleoedd troseddau realistig, gan gynnwys ein Tŷ Safle Troseddau pwrpasol a'n hystafell efelychu, a dadansoddwch dystiolaeth yn ein labordai uwch-dechnoleg.

Byddwch yn defnyddio offer uwch fel Microsgopeg Electron Sganio, Sbectrometreg Màs Cromatograffaeth Nwy ac Electrofforesis Capilari. O'r archwiliad cychwynnol o'r safle i dystiolaeth llys yn ein llys ffug, profwch y broses ymchwilio lawn mewn cyfleusterau a gynlluniwyd i adlewyrchu arfer y byd go iawn. Mae'r dull trylwyr, ymarferol hwn yn eich paratoi â'r sgiliau a'r hyder i ragori mewn gyrfaoedd ymchwilio fforensig a throseddol a thu hwnt.

Wedi'i achredu gan

Gyrfaoedd a Chyflogadwyedd

Gyrfaoedd graddedigion

Mae ein graddedigion yn datblygu sgiliau uwch mewn casglu, dadansoddi, dehongli ac adrodd ar dystiolaeth, gan gynnwys cyflwyno canfyddiadau fel tystion arbenigol. Mae eu hyfforddiant yn meithrin meddwl beirniadol, gwneud penderfyniadau moesegol a chyfathrebu proffesiynol, gan eu galluogi i lywio gwaith achos cymhleth a gweithredu technolegau fforensig sy'n esblygu.

Mae'r cwrs yn gwella galluoedd arweinyddiaeth, cydweithio a datrys problemau, gan baratoi graddedigion i gyfrannu'n effeithiol o fewn asiantaethau cyfiawnder troseddol, labordai fforensig a thimau ymchwilio. Gyda sylfaen gref mewn ymchwilio rhyngddisgyblaethol, mae graddedigion wedi'u paratoi’n dda ar gyfer rolau ymchwil, ymgynghori neu arbenigol uwch sy'n cefnogi cyfiawnder a diogelwch y cyhoedd ar lefelau lleol, cenedlaethol a rhyngwladol.

Cymorth gyrfa

Byddwch yn gallu cael cyngor gan y Gwasanaeth Gyrfaoedd a Chyflogadwyedd drwy gydol eich astudiaethau ac ar ôl i chi raddio. Mae hyn yn cynnwys apwyntiadau un-i-un gan gynghorydd gyrfaoedd sy'n gweithio yn y gyfadran ac adnoddau ar-lein helaeth i helpu i ystyried opsiynau gyrfa a chyflwyno'ch hun yn dda i gyflogwyr. Mae'r adnoddau'n cynnwys profion seicometrig, asesiadau gyrfa, adeiladwr CV, efelychydd cyfweliadau a chymorth gyda cheisiadau. Mae gan ein cronfa ddata cyflogwyr dros 2,000 o gyflogwyr cofrestredig sy'n targedu myfyrwyr PDC a gall myfyrwyr gael hysbysiadau e-bost swyddi wythnosol.

Partneriaid diwydiant

Rydym wedi sefydlu partneriaethau strategol gydag arweinwyr blaenllaw yn y diwydiant sy'n cyfrannu'n weithredol at ddylunio cwricwlwm, yn cyflwyno darlithoedd gwadd arbenigol, ac yn hwyluso cyfleoedd cydweithredol i fyfyrwyr trwy eu Prosiectau Ymchwil a Datblygu.

Mae ein rhwydwaith helaeth yn cynnwys darparwyr gwyddor fforensig amlwg ledled y DU, heddluoedd allweddol, a labordai DNA a thocsicoleg arbenigol, gan sicrhau bod ein rhaglen yn parhau i fod yn gydnaws â safonau proffesiynol arloesol ac anghenion sy'n dod i'r amlwg yn y sector.

Gofynion mynediad

Gofynion cymhwyster nodweddiadol:

Gradd BSc (Anrh) 2:2 mewn cwrs a achredir gan Gymdeithas Siartredig y Gwyddorau Fforensig mewn gwyddoniaeth fforensig, cemeg fforensig, bioleg fforensig, neu, ymchwiliad fforensig.

Croesewir ceisiadau gan raddedigion o feysydd pwnc eraill sydd â dosbarthiad 2:2 a’u hystyried yn unigol, a dylai ymgeiswyr allu dangos dealltwriaeth o arferion fforensig, bioleg a chemeg neu brofiad gwaith fforensig perthnasol yn eu datganiad personol.

Mae'r cwrs yn croesawu ymgeiswyr rhyngwladol ac yn gofyn am Saesneg ar lefel IELTS 6.0 gydag isafswm o 5.5 ym mhob cydran neu gyfwerth. 

 

Gwybodaeth Ychwanegol:

Sylwch, er nad oes angen Gwiriad DBS i gychwyn ar y cwrs hwn, ni fydd rhai proffesiynau'n ystyried ymgeiswyr sydd â rhai mathau o euogfarnau troseddol. 

Felly, os oes gennych euogfarn droseddol a'ch bod yn ystyried llwybr gyrfa penodol, byddem yn argymell eich bod yn gwirio gyda'r corff proffesiynol perthnasol neu'n cyfeirio at eu polisi recriwtio i sicrhau na fydd eich euogfarn yn eich rhoi dan anfantais. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£1,229

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.

*Rhwymedig

Anogir myfyrwyr i gael cot labordy cotwm addas eu hunain ar gyfer gweithio mewn labordy cemegol, a phâr o goglau labordy amddiffynnol personol, er bod yr Adran yn darparu'r cyfarpar diogelu personol hyn. Gall myfyrwyr sy'n llwyddo i sicrhau prosiect seiliedig ar ddiwydiant, mewn nifer fach o achosion, orfod cael offer diogelu personol ychwanegol fel y nodir gan y sefydliad neu'r cwmni penodol.

Cost: Amrywiol

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Close up shot of the front of the Alfred Russell wallace building.
Campws Pontypridd, Glyn-taf
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

Camau Nesaf

Sut i Wneud Cais
Archebwch Noson Agored
Sariad â ni