This website uses cookies to improve your experience. Read our cookie policy

MSc

Iechyd y Cyhoedd

Mae'r MSc Iechyd y Cyhoedd yn creu gweithwyr proffesiynol sy'n gallu eirioli, galluogi a chyfryngu newid ym maes iechyd y cyhoedd ledled y byd.

Sut i wneud cais Archebu lle ar Noson Agored Sgwrsio â ni

Manylion Cwrs Allweddol

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £10,800*

  • Myfyrwyr rhyngwladol

    £16,900*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

  • Dyddiad Cychwyn

    Medi

  • Lleoliad

    Pontypridd

  • Côd y Campws

    A

Ffioedd

  • Myfyrwyr cartref

    £1,200*

  • Mae'r ffioedd amser llawn fesul blwyddyn. Mae'r ffioedd rhan-amser fesul 20 credyd.

Mae’r radd Meistr Iechyd Cyhoeddus yn cydnabod y gall heriau iechyd fod yn fwy byd-eang na phoblogaeth un wlad, ond y bydd ymatebion polisi a rheoleiddio lleol yn amrywio o wlad i wlad.

CYNLLUNIWYD AR GYFER

Mae'r cwrs hwn yn cefnogi datblygiad ymarferwyr iechyd y cyhoedd drwy eu galluogi i drafod, cynllunio, gweithredu a gwerthuso mentrau polisi ac ymarfer.

Llwybrau Gyrfa

  • Ymarferydd Iechyd y Cyhoedd

 

Sgiliau a addysgir

  • Arweinyddiaeth
  • Ymchwil
  • Cynllunio

Trosolwg o'r Modiwl

Mae'r cwrs Iechyd y Cyhoedd wedi'i strwythuro drwy'r flwyddyn academaidd, a gall myfyrwyr ddechrau'r cwrs naill ai ym mis Medi neu fis Chwefror. Mae gan y mwyafrif o fodiwlau saith i wyth wythnos o addysgu un diwrnod yr wythnos, gydag asesiadau i'w cwblhau ar ôl i'r addysgu ddod i ben. Bydd angen i chi astudio wyth modiwl (cyfanswm o 180 credyd) i gyflawni'r MSc Iechyd y Cyhoedd. Mae myfyrwyr yn dewis un llwybr dewisol gyda dau fodiwl dewisol yn dibynnu ar y maes o ddiddordeb.

  • Iechyd y Cyhoedd Cynaliadwy
  • Dulliau Ymchwil ac Iechyd y Cyhoedd Seiliedig ar Dystiolaeth
  • Diogelu Iechyd mewn Amgylcheddau Amrywiol
  • Arwain Newid
  • Epidemioleg a Bioystadegau
  • Prosiect Iechyd y Cyhoedd

Byddwch yn dewis un llwybr dewisol o'r rhestr hon hefyd, a bydd eich dyfarniad yn dal i fod ar gyfer 'MSc Iechyd y Cyhoedd' waeth beth fo'ch dewis o fodiwlau dewisol.

  • Llwybr Opsiwn 1 (Hybu Iechyd): Hybu iechyd ac iechyd teuluol rhyngwladol
  • Llwybr Opsiwn 2 (Iechyd y Cyhoedd): Hybu Iechyd a Llywodraethu ac Economeg ar gyfer Iechyd y Cyhoedd
  • Llwybr Opsiwn 3 (Gofal Iechyd mewn Trychineb): Cynllunio ar gyfer Trychinebau ac Argyfyngau Dyngarol ac Iechyd, trychinebau ac argyfyngau dyngarol. Mae'r opsiwn hwn ar gael i fyfyrwyr sy'n dechrau ym mis Chwefror yn unig, neu fyfyrwyr rhan-amser.

Uchafbwyntiau'r Cwrs

Sut byddwch chi'n dysgu

Bydd y cwrs MSc Iechyd y Cyhoedd yn cael ei gyflwyno gan ddefnyddio dull dysgu cyfunol, yn bennaf gan ddefnyddio darlithoedd rhyngweithiol sy'n integreiddio amrywiaeth eang o fformatau dysgu.

Asesir pob modiwl ar ddiwedd y modiwl gan ddefnyddio dau ddarn o asesiad. Asesir pob modiwl gan ddefnyddio amrywiaeth o ddulliau, ac mae ganddynt un elfen gwaith cwrs ac un elfen ymarferol neu arholiad fel arfer.

Staff addysgu

  • Dr Nova Corcoran, arweinydd y cwrs
  • Dr Joseph Sunday
  • Teresa Filipponi
  • Dr Anne-Marie Coll
  • Precious O'Driscoll

Mae gennym bum darlithydd achlysurol hefyd sy'n gweithio ym maes Ymarfer Iechyd y Cyhoedd sy'n rhan o'n timau modiwl.

Gyrfaoedd a Chyflogadwyedd

Gyrfaoedd graddedigion

Gallai graddedigion symud ymlaen i ymchwil ôl-raddedig a dilyn gyrfa mewn ymchwil neu'r byd academaidd. Rydym yn croesawu ceisiadau gan fyfyrwyr hunan-ariannu ar gyfer graddau ymchwil ôl-raddedig, gan gynnwys Meistr drwy Ymchwil a PhD, mewn amrywiaeth o bynciau’n ymwneud ag iechyd y cyhoedd.

Llwybrau gyrfa posibl

Mae’r cwrs Iechyd y Cyhoedd hwn yn gallu arwain at amrywiaeth o gyfleoedd cyflogaeth yn y DU ac yn rhyngwladol, ac ar draws y sectorau cyhoeddus a gwirfoddol e.e. mewn ysgolion, colegau a phrifysgolion, sefydliadau eiriolaeth, sefydliadau anllywodraethol rhyngwladol, cwmnïau ymgynghori, sefydliadau llywodraeth leol a chenedlaethol, sefydliadau darparu iechyd a sefydliadau datblygu cymunedol.

GOFYNION MYNEDIAD

Gofynion cymhwyster nodweddiadol:

Gan fod iechyd y cyhoedd yn gwrs amlddisgyblaethol, rydym yn derbyn ystod eang o raddau israddedig i'n MSc Iechyd Cyhoeddus gydag isafswm meini prawf mynediad o 2.2. Yn ogystal, mae angen o leiaf blwyddyn o brofiad gwaith perthnasol ar ymgeiswyr. Felly yn eich datganiad personol rydym yn disgwyl ichi ddangos diddordeb cryf mewn Iechyd y Cyhoedd, a disgrifio unrhyw brofiad gwaith perthnasol sydd gennych yn y maes iechyd. Gallai hyn gynnwys cyflogaeth gyfredol neu yn y gorffennol, profiad gwaith gwirfoddol, prosiectau ymchwil israddedig neu interniaethau. 

Cynigion cyd-destunol

Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.

Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.

 

Rydym yma i helpu

P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.

 

Ffioedd a Chyllid

Ffi Llawn Amser y DU

£10,800

fesul blwyddyn*
Ffi Llawn Amser y DU

£10,800

fesul blwyddyn*
Ffi Llawn Amser y DU

£1,200

fesul blwyddyn*
Ffi Llawn Amser Rhyngwladol

£16,900

fesul blwyddyn*
Ffi Llawn Amser Rhyngwladol

£16,900

fesul blwyddyn*

Gwybodaeth Bellach

Astudio yn y Brifysgol yw un o'r buddsoddiadau mwyaf sylweddol y byddwch yn ei wneud erioed. Tra byddwch yn astudio, bydd gennych ddau brif rwymedigaeth ariannol – ffioedd dysgu a chostau byw. Mae llawer o gymorth ariannol ar gael gan Brifysgol De Cymru a ffynonellau cyllid allanol, a all ddarparu benthyciadau (sy’n rhaid eu talu’n ôl) a grantiau, ysgoloriaethau a bwrsarïau (nad oes rhaid eu talu'n ôl).

*Mae ffioedd llawn amser fesul blwyddyn. Mae ffioedd rhan-amser fesul 20 credyd. Ar ôl cofrestru, disgwylir i'r ffi barhau ar yr un gyfradd trwy gydol eich astudiaethau ar y cwrs hwn, ac eithrio fel y disgrifir isod.

Byddwch yn ymwybodol y gallwn gynyddu'r ffi uchaf ar gyfer myfyrwyr cartref ar gyrsiau israddedig llawn amser dim ond pan fydd Llywodraeth Cymru yn cynyddu'r lefel chwyddiant ffioedd a ganiateir. Gellir diwygio ffioedd ar gyfer pob myfyriwr (gan gynnwys myfyrwyr rhan-amser, ôl-raddedig a rhyngwladol) yn unol â'n Polisi Rheoli Ffioedd a Dyled perthnasol.  Byddwn yn sicrhau bod myfyrwyr yn cael gwybodaeth glir, ddealladwy, ddiamwys ac amserol am ein cyrsiau a'n costau mewn digon o bryd, cyn y flwyddyn academaidd nesaf.

 

Ffioedd a Chyllid Ysgoloriaethau a Bwrsariaethau Gostyngiad Cyn-Fyfyrwyr

Costau Ychwanegol

Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati. 

Sicrwydd Ansawdd Brifysgol

Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.

Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da. 

Astudio yn PDC

Mae ein cyrsiau wedi'u cynllunio gydag arweinwyr diwydiant ac yn darparu'r sgiliau a'r profiadau ymarferol y mae'r diwydiant yn gofyn amdanynt. Mae ein cyrsiau hyblyg yn adlewyrchu'r angen am ddysgu gydol oes. Os ydych chi'n gwerthfawrogi addysg yn ymarferol, nid mewn theori yn unig, yna mae PDC ar eich cyfer chi.

Two people studying together at a table, surrounded by books and papers.
Ffioedd a chyllid i ôl-raddedigion
Close up shot of the front of the Alfred Russell wallace building.
Campws Pontypridd, Glyn-taf
A member of staff is smiling and chatting with an open evening visitor.
Digwyddiadau Agored Ôl-raddedig

SUT I WNEUD CAIS

Mae yna broses ymgeisio ar-lein ar gyfer y cwrs hwn. Dewiswch y ffurflen gais ar gyfer y dyddiad cychwyn a’r dull astudio o’ch dewis (h.y. amser llawn neu ran-amser).

Derbyniadau rhyngwladol

Gweler ein cyngor derbyn rhyngwladol i gael rhagor o wybodaeth am sut i wneud cais fel darpar fyfyriwr rhyngwladol.

CYRSIAU CYSYLLTIEDIG

Rheoli Iechyd a Gwasanaethau Cyhoeddus - MSc Dysgu mwy

Camau Nesaf

Sut i Wneud Cais
Archebwch Noson Agored
Sariad â ni