Meddygaeth Alldaith a Diffeithwch
Yn y farchnad hon sy'n dod i'r amlwg, mae hysbysebion swyddi cyfredol yn gofyn am feddygon a gweithwyr gofal iechyd proffesiynol eraill sydd â hyfforddiant, profiad ac arbenigedd mewn meddygaeth alldaith a diffeithwch.
Sut i wneud cais/prod01/channel_2/media/university-of-south-wales/site-assets/images/03-courses/nursing/nursing-postgraduate-diploma-expedition-and-wilderness-medicine-placeholder-01.jpg)
Manylion Cwrs Allweddol
Mae'r cwrs ar-lein hwn yn cael ei gynnal gyd'r Diploma MSc partner cydweithredol. Ar ôl ei gwblhau'n llwyddiannus, byddwch chi'n dod yn arweinydd ym maes Meddygaeth Alldaith a Diffeithwch a gallwch fynd ymlaen i astudio'r MSc mewn Meddygaeth Alldaith a Diffeithwch.
CYNLLUNIWYD AR GYFER
Mewn partneriaeth â
- Learna | Diploma MSc
Llwybrau Gyrfa
- Meddyg
- Gweithiwr Gofal Iechyd Proffesiynol
Trosolwg o'r Modiwl
Mae'r cwrs ar-lein yn para un flwyddyn galendr ac mae'n gwrs dysgu o bell rhan-amser, gyda chwe modiwl y flwyddyn, pob un yn para chwe wythnos.
Paratoi ar gyfer Alldeithiau
Bydd y modiwl hwn yn rhoi'r sgiliau, y wybodaeth a'r dull trefnus i weithwyr gofal iechyd proffesiynol baratoi a chynllunio alldaith lwyddiannus a diogel mewn amrywiaeth o leoliadau.
Ystyriaethau Gofal Iechyd Pegynol a Mynydd
Bydd y modiwl hwn yn rhoi'r sgiliau a'r wybodaeth i weithwyr gofal iechyd proffesiynol gynllunio a gweithredu alldaith lwyddiannus a diogel mewn amgylchedd pegynol a/neu fynyddig.
Cymhwyso Gofal Iechyd mewn Lleoliadau Cefnfor, Afon a Dŵr
Bydd y modiwl hwn yn rhoi'r sgiliau a'r wybodaeth i weithwyr gofal iechyd proffesiynol gynllunio a gweithredu alldaith lwyddiannus a diogel mewn amgylchedd dyfrol.
Gofal Iechyd mewn Amgylcheddau Anialwch a Throfannol
Bydd y modiwl hwn yn rhoi'r sgiliau a'r wybodaeth i weithwyr gofal iechyd proffesiynol gynllunio a gweithredu alldaith lwyddiannus a diogel mewn amgylchedd anialwch a/neu drofannol.
Trin Problemau Meddygol Cyffredin mewn Lleoliad Alldaith a Diffeithwch
Bydd y modiwl hwn yn rhoi'r sgiliau a'r wybodaeth i weithwyr gofal iechyd proffesiynol ragweld, cynllunio a thrin problemau meddygol cyffredin posibl a allai godi ar alldeithiau a'r heriau ychwanegol sy'n bodoli mewn amgylcheddau anghysbell.
Cymhwyso Meddygaeth Alldaith i Reoli Trychineb Naturiol a Rhyddhad
Bydd y modiwl hwn yn rhoi'r sgiliau a'r wybodaeth i weithwyr gofal iechyd proffesiynol allu trosglwyddo gwybodaeth a ddysgwyd mewn meddygaeth alldaith a diffeithwch i sefyllfa drychineb naturiol, gan ddarparu gofal meddygol diogel mewn amrywiaeth o amgylcheddau.
GOFYNION MYNEDIAD
Gofynion cymhwyster nodweddiadol:
Gan fod ein cyrsiau'n cael eu cynnal yn gyfan gwbl ar-lein, maent yn hygyrch i weithwyr gofal iechyd proffesiynol cofrestredig y DU a rhyngwladol.
Yn nodweddiadol, bydd gan ymgeiswyr radd gyntaf neu gyfwerth (gan gynnwys cymwysterau rhyngwladol) mewn maes gofal iechyd proffesiynol perthnasol, fel gradd feddygol neu nyrsio. Bydd gweithwyr gofal iechyd proffesiynol cofrestredig heb y cymwysterau cydnabyddedig hyn yn cael eu hystyried yn unigol a gellir ystyried ystod eang o brofiad blaenorol.
Dogfennau Angenrheidiol
- Copi o'ch CV wedi'i ddiweddaru gan gynnwys eich cyfeiriad a'ch dyddiad geni.
- Copi o'ch tystysgrif gradd israddedig.
- Enw a chyfeiriad e-bost rhywun sy'n gallu darparu geirda, gall hwn fod yn gydweithiwr gwaith, yn gyflogwr neu'n gyn-diwtor.
- Datganiad personol manwl yn egluro pam yr hoffech chi ddilyn y cwrs.
- Copi o'ch prawf o gymhwysedd Saesneg (gweler isod).
Gofynion Ychwanegol:
Mewn rhai achosion, efallai y gofynnir i ymgeiswyr gyflwyno darn o waith i'w asesu er mwyn cadarnhau eu bod yn gallu gweithio'n gyffyrddus ar lefel ôl-raddedig, a dangos y wybodaeth glinigol a phroffesiynol ofynnol.
Cynigion cyd-destunol
Mae’n bosibl y byddwn yn gwneud cynnig is i chi yn seiliedig ar amrywiaeth o ffactorau, gan gynnwys eich cefndir (ble rydych chi'n byw a'r ysgol neu'r coleg y buoch yn ei mynychu, er enghraifft), eich profiadau a'ch amgylchiadau unigol (fel rhywun sy'n gadael gofal, er enghraifft). Cyfeirir at hyn fel cynnig cyd-destunol, ac rydym yn derbyn data gan UCAS i'n cefnogi wrth wneud y penderfyniadau hyn.
Mae PDC yn ymfalchïo yn ei phrofiad myfyrwyr ac rydym yn cefnogi ein myfyrwyr i gyflawni eu nodau a dod yn raddedigion llwyddiannus. Mae'r dull hwn yn ein helpu i gefnogi myfyrwyr sydd â'r potensial i lwyddo ac a allai fod wedi wynebu rhwystrau sy'n ei gwneud hi'n anoddach cael mynediad i brifysgol.
Rydym yma i helpu
P'un a oes gennych gwestiwn am eich cwrs, ffioedd a chyllid, y broses ymgeisio neu unrhyw beth arall, mae digon o ffyrdd y gallwch gysylltu, a byddem wrth ein bodd yn siarad â chi. Gallwch gysylltu â'n tîm mynediadau cyfeillgar dros y ffôn, e-bost neu sgwrsio â ni ar-lein.
Ffioedd a Chyllid
GOFYNION MYNEDIAD
Gofynion cymhwyster nodweddiadol:
Gradd Anrhydedd 2:2 o leiaf mewn disgyblaeth briodol, neu HNC ynghyd â phum mlynedd mewn diwydiant, neu HND ynghyd â thair blynedd mewn diwydiant. Os nad oes gennych y cymwysterau hyn, byddwn yn ystyried eich achos yn unigol.
Mae'r cwrs yn croesawu ymgeiswyr rhyngwladol ac yn gofyn am Saesneg ar lefel IELTS 6.0 gydag isafswm o 5.5 ym mhob cydran neu gyfwerth.
Costau Ychwanegol
Fel myfyriwr PDC, bydd gennych fynediad at lawer o adnoddau am ddim i gefnogi'ch astudiaethau a'ch dysgu, megis gwerslyfrau, cyhoeddiadau, cyfnodolion ar-lein, gliniaduron, a digon o adnoddau mynediad o bell. Yn y rhan fwyaf o achosion mae'r adnoddau hyn yn fwy na digon i'ch cefnogi i gwblhau eich cwrs. Efallai y bydd costau ychwanegol, yn orfodol ac yn ddewisol, ar gyfer teithio, aelodaeth, diwrnodau profiad, deunydd ysgrifennu, argraffu neu offer ac ati.
Sicrwydd Ansawdd Brifysgol
Yn PDC, rydym yn adolygu ein cyrsiau yn rheolaidd ar mwyn ymateb i batrymau newidiol y galw am gyflogaeth a sgiliau i sicrhau ein bod yn cynnig dysgu sydd wedi'i gynllunio i adlewyrchu anghenion myfyrwyr heddiw a gofynion cyflogwyr yfory.
Os bydd cynnwys cwrs yn cael ei newid yn sylweddol yn ystod proses adolygu, byddwn yn ysgrifennu i'ch hysbysu ac yn trafod y newidiadau ar gyfer y flwyddyn i ddod. Ond beth bynnag fydd y canlyniad, ein nod yw arfogi ein myfyrwyr â'r sgiliau a'r meddylfryd i lwyddo beth bynnag a ddaw yfory. Eich dyfodol, mewn dwylo da.
Uchafbwyntiau'r Cwrs
Sut byddwch chi'n dysgu
Cynhelir ein cyrsiau yn gyfan gwbl ar-lein trwy dysgu o bell hunangyfeiriedig.
Byddwch yn derbyn arweiniad drwy gydol eich cwrs gyda thrafodaethau academaidd a ysgogir gan y tiwtor, sy'n seiliedig ar senarios achos sy'n gyfoethog yn glinigol.
Mae'r rhain yn digwydd mewn grwpiau o 10-15 o fyfyrwyr fel arfer, sy'n eich galluogi i gyfathrebu'n glir â'ch tiwtor a'ch cyd-fyfyrwyr.
Byddwch yn cymryd rhan mewn cyfuniad o weithgareddau modiwl hefyd a allai fod yn seiliedig ar grŵp a/neu unigolyn, yn dibynnu ar y modiwl.
/prod01/channel_2/media/university-of-south-wales/site-assets/images/15-placeholder-images/South-Wales-Business-School_49782.jpg)
Cyfleusterau
Fel rhan o'ch astudiaethau ar-lein, bydd gennych fynediad at ddeunyddiau'r Ganolfan Adnoddau Dysgu ym Mhrifysgol De Cymru.
FINDit yw porth y Brifysgol sy'n eich galluogi i chwilio am dros 13,000 o erthyglau cyfnodolion testun llawn, erthyglau newyddion, trafodion cynhadledd a thua 160 o gronfeydd data trwy un blwch chwilio - mae mwyafrif y deunyddiau hyn ar gael ar-lein.
Mae modiwlau sgiliau astudio rhyngweithiol ar gael i'w hastudio drwy Blackboard i'ch galluogi i ddefnyddio'r gwasanaethau llyfrgell yn llawn.
/prod01/channel_2/media/campus-spaces-newport-library-27717-857X857.jpg)
Sut i wneud cais
Os ydych chi'n barod i wneud cais am y cwrs hwn, y cam nesaf yw cwblhau eich cais drwy ein partner cyflwyno, Learna Ltd. Er bod y cwrs hwn wedi'i ddilysu gan Brifysgol De Cymru, caiff pob cais ei brosesu'n uniongyrchol gan Learna. Ewch i wefan Learna, lle byddwch yn dod o hyd i gyfarwyddiadau manwl ar sut i wneud cais, gan gynnwys y dogfennau gofynnol a dyddiadau cau allweddol. Drwy wneud cais drwy Learna, byddwch yn cymryd y cam cyntaf tuag at ymuno â phrofiad dysgu hyblyg o ansawdd uchel wedi'i gynllunio i gyd-fynd â'ch ymrwymiadau.
Gwefan Learna