Rheoli Iechyd, Lles a Gofal Cymdeithasol

Datblygu eich cyflogadwyedd a'ch sgiliau proffesiynol, gan archwilio llwybrau gyrfa, ymarfer proffesiynol, cyfathrebu, gwaith tîm, datblygiad proffesiynol parhaus a materion cyfoes ym maes iechyd a gofal cymdeithasol.

Datblygu'r sgiliau academaidd ac ymchwilio sydd eu hangen ar gyfer addysg uwch, gan gynnwys ysgrifennu academaidd, cyfeirio, chwilio llenyddiaeth, dulliau ymchwil, dadansoddi data, rheoli amser a chyflwyniadau.

Archwilio cysyniadau iechyd a lles, iechyd y cyhoedd ac anghydraddoldebau iechyd, a datblygu dealltwriaeth o epidemioleg, data iechyd a'r ffactorau sy'n dylanwadu ar iechyd y boblogaeth.

Archwilio’r egwyddorion cyfreithiol a moesegol sy'n sail i iechyd a gofal cymdeithasol, gan gynnwys deddfau Cymru a sut mae deddfwriaeth yn dylanwadu ar bolisi ac ymarfer proffesiynol.

Archwilio damcaniaethau a dulliau arwain a rheoli ym maes iechyd, lles a gofal cymdeithasol, gan gynnwys arwain systemau, llywodraethu, gwerthoedd sefydliadol a chymhwyso theori at ymarfer.

Datblygu eich gwybodaeth, profiad a sgiliau proffesiynol drwy weithgareddau’n seiliedig ar waith ac efelychiadol, gyda ffocws ar ymarfer adfyfyriol, cyfathrebu, cyflogadwyedd a dilyniant gyrfa.

Archwilio strategaethau cyfathrebu ac ymyrraeth a all wella iechyd a lles, gan ystyried ffactorau biolegol, seicolegol a chymdeithasol a datblygu cynlluniau gofal a chymorth sydd â’r unigolyn yn ganolog iddynt.

Archwilio rôl arwain a rheoli mewn prosesau diogelu, yn cynnwys gweithio integredig, rhannu gwybodaeth a gwersi o astudiaethau achos o bobl sydd mewn perygl o gael eu cam-drin neu eu hesgeuluso.

Datblygu eich sgiliau ymchwil ac archwilio sut mae tystiolaeth yn dylanwadu ar bolisi ac ymarfer iechyd a gofal cymdeithasol, yn cynnwys dylunio ymchwil, dadansoddi data, gwerthuso beirniadol a gwneud argymhellion.

Archwilio'r ffactorau cymdeithasol, economaidd a demograffig sy'n effeithio ar ddarpariaeth iechyd a gofal cymdeithasol, gan gynnwys llwybrau at ofal a chymorth a dulliau o ymgysylltu â grwpiau cymunedol.

Archwilio cymhlethdodau trychinebau naturiol a dynol a rôl iechyd a gofal cymdeithasol o ran paratoi, ymateb, lleihau risg a chefnogi cymunedau yr effeithir arnynt mewn amgylchiadau o’r fath.

Archwilio achosion a phenderfynyddion ehangach anghydraddoldebau iechyd a datblygu dulliau o gynllunio, gweithredu a gwerthuso ymyriadau gwella iechyd gyda chymunedau a phartneriaid.

Cwblhau prosiect ymchwil estynedig ar fater iechyd cyfoes, a datblygu sgiliau dylunio ymchwil, dadansoddi data, gwerthuso beirniadol, rheoli prosiectau a gwneud argymhellion yn seiliedig ar dystiolaeth.

Archwilio materion cymdeithasol cyfoes sy'n effeithio ar iechyd a gofal cymdeithasol, a hynny mewn ffordd feirniadol sy’n ystyried eu heffaith ar ymarfer proffesiynol a rôl ymchwil a pholisi o ran hyrwyddo cynhwysiant cymdeithasol a lles.

Archwilio damcaniaethau arwain a rheoli newid a'u cymhwyso at iechyd a gofal cymdeithasol, gan gynnwys ymgysylltu â rhanddeiliaid, asesu risg, rheoli prosiectau ac asesiadau effaith ar gydraddoldeb.

Archwilio arferion arwain, rheoli chydlynu mewn iechyd a gofal cymdeithasol cyfoes, gan gynnwys damcaniaethau arwain, gweithio integredig, datblygu timau a rheoli adnoddau cyfyngedig.

Paratoi ar gyfer rolau proffesiynol a swyddi graddedigion trwy archwilio cyfleoedd gyrfa, datblygu eich sgiliau a'ch profiad, adfyfyrio ar eich ymarfer proffesiynol a chreu cynllun gweithredu ar gyfer datblygiad.

Datblygu'r wybodaeth a'r sgiliau sydd eu hangen i ddarparu hyfforddiant effeithiol, gan archwilio damcaniaethau dysgu, arddulliau dysgu, cymhelliant, cynllunio gwersi, asesu, adborth a datblygiad proffesiynol parhaus.