Datrys problemau cyffredin

Fel rhan o’n hymdrechion parhaus i safoni mynediad i wefannau a gwasanaethau’r Brifysgol, mae ein systemau wedi’u diweddaru i fynnu eich bod yn rhoi eich cyfeiriad e-bost Prifysgol llawn fel eich enw defnyddiwr wrth fewngofnodi.

Yn dibynnu ar eich math o gyfrif, bydd eich cyfeiriad e-bost yn dilyn un o'r fformatau isod:

Ar gyfer Myfyrwyr:

[email protected]

*DS* I rai, gyda systemau etifeddol megis PoB neu’r systemau ymrestru, efallai y cewch eich annog yn lle hynny i ddefnyddio eich rhif myfyriwr ar ei ben ei hun, neu gyda’r rhagddodiad ‘Uni\’ - e.e. University\12345678:

Ar gyfer Staff:

enw.cyfenw@southwales.ac.uk

*DS* I rai, gyda hen systemau megis PoB, efallai y cewch eich annog yn lle hynny i ddefnyddio eich enw defnyddiwr mewngofnodi cyfrifiadur ar ei ben ei hun, neu gyda'r rhagddodiad 'Uni\' - e.e. Uni\enw defnyddiwr

Ar gyfer Colegau Partner (gan gynnwys Tiwtoriaid Heddlu a Staff Pêl-droed Cymunedol):

enwdefnyddiwr@universityofsouthwales.onmicrosoft.com

Gan na allwch chi bob amser weld y cyfrinair rydych chi'n ei deipio, mae'n bosibl camdeipio cyfrinair hir heb sylweddoli, boed hynny oherwydd allwedd sownd ar eich bysellfwrdd, neu'r Num Lock ar eich gliniadur yn troi llythrennau i rifau heb i chi sylweddoli.

Os ydych chi'n defnyddio'r enw defnyddiwr cywir ac yn derbyn neges gwall bod eich manylion adnabod yn anghywir, efallai yr hoffech chi wirio eto eich bod yn mewnbynnu'ch cyfrinair yn gywir.

Ar gyfer myfyrwyr newydd/cofrestru:

Gwnewch yn siŵr eich bod yn rhoi eich cyfrinair dros dro, 16 nod yn y fformat cywir

XxYyZz DDMMYYYY

Ar gyfer defnyddwyr cyfredol:

Cliciwch ar yr eicon "llygad" i gael gwared ar y sêr a gwirio'r cyfrinair rydych chi'n ei nodi.

Mae rhai defnyddwyr wedi sôn, wrth geisio mewngofnodi i'w cyfrifon Microsoft i gael mynediad i'w cyfrifon e-bost, OneDrive neu Office, y gall y system eu mewngofnodi'n awtomatig i gyfrif sy'n gysylltiedig â'u gweithle, sefydliad gwahanol neu hyd yn oed eu cyfrifon personol eu hunain.

Fel arall, mae rhai defnyddwyr wedi sôn, ar ôl newid eu cyfrinair, neu wrth geisio mewngofnodi am y tro cyntaf gan ddefnyddio'r fformat enw defnyddiwr newydd (fel y manylir uchod) y gall y system wrthod eu hymdrechion mewngofnodi, er bod y manylion cywir yn cael eu mewnbynnu.

Mae hyn oherwydd bod eich porwr yn ceisio eich mewngofnodi gan ddefnyddio gwybodaeth sydd wedi'i chadw, sydd naill ai wedi dyddio neu o gyfrif gwahanol.

I wirio a yw hyn yn effeithio arnoch chi, agorwch ffenestr porwr InPrivate neu Incognito, a cheisiwch fewngofnodi eto.

I agor ffenestr InPrivate/Incognito yn eich porwr gwe, agorwch eich porwr gwe fel arfer, ac yna pwyswch y cyfuniad penodedig o allweddi a restrir isod:

Ar gyfer Brave, Chrome, Edge a Safari:

Ctrl+Shift+N(ar Windows)

Command+Shift+N(ar MacOS)

Ar gyfer Firefox:

Ctrl+Shift+P (ar Windows)

Command+Shift+P (ar MacOS)

Os na allwch ddefnyddio pori InPrivate/Incognito gyda'ch dyfais, yn lle hynny gallwch ddefnyddio porwr gwe gwahanol er mwyn ceisio datrys problemau mewngofnodi.

Fel arall, efallai eich bod eisoes wedi ceisio defnyddio pori InPrivate/Incognito a chanfod ei fod wedi datrys problem mewngofnodi yr oeddech yn ei chael, ond eisiau ateb hirdymor gwell ar gyfer cadw'ch cyfrifon ar wahân.

Yn y naill achos neu'r llall byddem yn argymell defnyddio porwr gwe gwahanol i'ch un arferol i gael mynediad i'ch cyfrifon Prifysgol.

Ar gyfer eich dyfeisiau personol, gellir lawrlwytho'r porwyr hyn gan ddefnyddio'r dolenni isod:

Brave - https://brave.com/ 

Chrome - https://www.google.co.uk/chrome/ 

Firefox - https://www.mozilla.org/en-US/firefox/new/ 

Ar gyfer offer sy'n eiddo i'r Brifysgol lle nad oes gennych hawliau gweinyddol, gallwch lawrlwytho a gosod Chrome neu Firefox gan ddefnyddio gwasanaeth UniApps:

• UniApps - https://uniapps.southwales.ac.uk/  

Ar gyfer dyfeisiau sy'n eiddo ac yn cael eu rheoli’n breifat, bydd angen i chi siarad â'ch Gweinyddwr systemau.

Efallai eich bod wedi sylwi bod eich negeseuon testun MFA wedi newid yn ddiweddar i gynnwys:

Gall cyfraddau MSG a Data fod yn berthnasol.

Ar hyn o bryd rydym yn ymchwilio i'r newid hwn gyda'n darparwyr gwasanaeth, a gobeithiwn allu eich cynghori os a sut y gallai hyn effeithio arnoch yn fuan.

Yn y cyfamser, ymddiheurwn am unrhyw bryder neu anghyfleustra y gallai hyn ei achosi. Os oes gennych unrhyw bryderon pellach, cysylltwch â ni gan ddefnyddio'r ddolen isod.