Nawdd Corfforaethol

Dros y blynyddoedd rydym wedi noddi llawer o sefydliadau, digwyddiadau ac unigolion. 

Mae hyn yn ein galluogi i gyrraedd ein cynulleidfa darged a chodi ymwybyddiaeth o'r gwaith rydym yn ei wneud ym Mhrifysgol De Cymru yn ogystal â chefnogi sefydliadau sy'n cyd-fynd â'n gweledigaeth, ein gwerthoedd a'n strategaeth ar gyfer 2030. 

Ystyriaethau nawdd  

Gan ein bod yn derbyn nifer o geisiadau am nawdd, gallwn ond ddewis yr ychydig sy’n cyd-fynd orau â’n gweledigaeth, ein gwerthoedd, a strategaeth PDC 2030. 

Os hoffech gyflwyno cais i'w ystyried, rydym wedi rhestru isod y meini prawf allweddol a ddefnyddiwn wrth asesu ceisiadau am nawdd. 

Rhaid i geisiadau: 

• Cefnogi a hybu pwrpas craidd, brand a blaenoriaethau strategol y Brifysgol 
• Helpu i godi proffil y Brifysgol ymhlith cynulleidfaoedd allweddol 
• Cynrychioli gwerth da am arian a galluogi lefelau priodol o gynrychiolaeth brand

Os hoffech gyflwyno cais am nawdd, sicrhewch eich bod wedi adolygu'r uchod i sicrhau bod eich cynnig yn cyd-fynd â'n meini prawf. 

Cofiwch na allwn gynnig cymorth i'r canlynol: 

• Unigolion (gan gynnwys unigolion / grwpiau sy'n ceisio nawdd ar gyfer achosion elusennol)
• Pleidiau gwleidyddol a charfanau pwyso
• Sefydliadau mewn gwrthdaro ariannol, cyfreithiol neu arall â'r Brifysgol
• Sefydliadau sy’n ymwneud â gwahaniaethu anghyfreithlon yn erbyn pobl ag un nodwedd warchodedig neu fwy o fewn telerau Deddf Cydraddoldeb 2010; neu
• Sefydliadau sy'n cael incwm o weithgareddau anfoesol