CENHADAETH DDINESIG

Ein ffocws yw:

• Gweithio'n agos gyda sefydliadau dinesig, gan ddefnyddio ein harbenigedd a'n hadnoddau i gyflawni trawsnewid cymdeithasol, diwylliannol ac economaidd
• Datblygu cysylltiadau ag ysgolion i helpu i godi safonau addysg yng Nghymru
• Annog dinasyddiaeth weithgar drwy weithio gydag aelodau o'r gymuned i ddatblygu arweinyddiaeth a chydweithio
• Hyrwyddo arloesi drwy ddod ag ymchwil yn agosach at y bobl, cefnogi busnesau a chreu swyddi.

Trawsnewid tirwedd ddiwylliannol Cymru

Mae'r Ganolfan Astudio'r Cyfryngau a Diwylliant mewn Cenhedloedd Bach, sydd wedi'i lleoli yn ein Cyfadran Busnes a Diwydiannau Creadigol, yn rhannu straeon am greadigrwydd cymunedau ledled Cymru, ac yn tynnu sylw at sut mae'r diwydiannau creadigol yn Ne Cymru yw'r 'glo a dur' newydd.

Mae'r Ganolfan yn gwneud hyn drwy:

• llunio sut mae Cymru'n cael ei chynrychioli gartref a thramor
• cefnogi cyrff cenedlaethol gyda strategaethau creadigol, dewisiadau artistig, a rhaglennu yn y dyfodol
• cynnig ffyrdd o ymgysylltu drwy gelf, perfformiad, ac ymchwil, sy'n dylanwadu ar ddiwylliant a chreadigrwydd Cymru.

Deall hanes masnach fyd-eang Cymru

Mae’r Athro Chris Evans yn gweithio gydag actifyddion cymunedol mewn cynllun Cronfa Treftadaeth y Loteri Genedlaethol i dynnu sylw at gyfraniad Cymru at system gaethweision yr Iwerydd.

Mae ei brosiect wedi canolbwyntio ar y berthynas sydd gan bobl Cymru â'r rhai a ddioddefodd erchyllterau caethwasiaeth, hanes masnach fyd-eang Cymru, a sut y gwisgwyd tecstilau a gynhyrchwyd yma gan weithwyr caethweision yn yr 17eg a'r 18fed ganrif.

Y Gwaith:

• archwilio'r broses o gynhyrchu, masnachu a defnyddio brethyn gwlân 'plaen' sef 'Welsh Plains' neu 'Negro Cloth'
• gwella dealltwriaeth y cyhoedd o'r cysylltiadau hanesyddol rhwng Cymru a chaethwasiaeth yr Iwerydd
• dod â gweithwyr crefft cyfoes a chymunedau Du, Asiaidd ac ethnig leiafrifol at ei gilydd
• codi ymwybyddiaeth o'r fasnach i hyrwyddo cydlyniant cymdeithasol drwy gynnwys naratifau rhyng-hil yn stori Cymru.

Cefnogi iechyd a lles yn y gymuned

Gall niwed i'r ymennydd sy'n gysylltiedig ag alcohol (ARBD) gael effeithiau niweidiol, gan effeithio ar iechyd meddyliol a chorfforol y rhai sy'n camddefnyddio alcohol.

Fodd bynnag, nid oedd unrhyw ffordd safonol o ddiagnosio ARBD, na mesur ei effaith.

Gweithiodd Grŵp Ymchwil Caethiwed PDC, dan arweiniad yr Athro Gareth Roderique-Davies a'r Athro Bev John, gydag Iechyd Cyhoeddus Cymru a sefydliadau'r trydydd sector i safoni diagnosis ARBD.

Mae eu gwaith, a wnaed oherwydd diffyg cyllid ar gyfer gwasanaethau adsefydlu ARBD, yn enghraifft bwerus o sut y gall ymchwil academaidd gefnogi iechyd a lles y gymuned yn weithredol.

Mae dwy ran i effaith y prosiect:

• mae'n galluogi clinigwyr i wneud penderfyniadau gwybodus, seiliedig ar dystiolaeth wrth ddewis profion ar gyfer ARBD
• mae'n amlygu cyffredinrwydd y cyflwr, sydd yn ei dro yn annog gwasanaethau i flaenoriaethu ARBD a chefnogi sefydliadau sy'n helpu'r rhai sy'n byw gyda'r cyflwr.
  

Hyrwyddo cydlyniant cymdeithasol yn ein cumunedau

Mae Prifysgol De Cymru yn un o ddim ond dau sefydliad Addysg Uwch yng Nghymru i ennill statws Prifysgol Noddfa. Mae hyn yn cydnabod ymrwymiad y Brifysgol i greu diwylliant o groeso i bobl sy’n ceisio noddfa o fewn, a thu hwnt, i’w champysau.

Mae Dr Mike Chick, fel Hyrwyddwr Ffoaduriaid PDC, yn gwneud gwaith hanfodol i wella’r ddarpariaeth o gyrsiau Saesneg i’r rhai sy’n ceisio lloches yng Nghymru.

Mae'r gwaith hwn yn:

• helpu i gynyddu dealltwriaeth o anghenion ffoaduriaid
• yn amlygu’r rhwystrau y maent yn eu hwynebu wrth gael mynediad i addysg a chyflogaeth.

Mae Dr Chick yn nodi’r cymorth sydd ar waith ac yn nodi anghenion y dysgwyr drwy edrych ar eu cefndir addysgol, lefelau iaith, cymwysterau proffesiynol, a’u dyheadau cyflogaeth. Drwy hyn, mae’n anelu at sefydlu rhaglenni ESOL (Saesneg i Siaradwyr Ieithoedd Eraill) sy’n darparu ar gyfer anghenion pob person, ac yna cynyddu’r ddarpariaeth Saesneg i ffoaduriaid ledled Cymru.