Ein Cyflawniadau

Rydym yn awyddus i fanteisio ar gyfleoedd i gael effaith gadarnhaol ac rydym yn falch o’n cynnydd hyd yn hyn ar ein taith at Sero Net erbyn 2040.

Cyflawniadau Allweddol

Mae’r Pwyllgor Cynaliadwyedd wedi pennu cyfeiriad strategol y Brifysgol yn unol â Map Trywydd Sero Net PDC ac mae wedi rhoi nifer o feysydd gwaith allweddol ar waith i gyflawni’r targedau tymor agos hyn.
Mae'r pum grŵp ffocws cynaliadwyedd wedi llwyddo i gyfuno sgiliau, gwybodaeth a brwdfrydedd staff a myfyrwyr o bob rhan o'r Brifysgol i rannu syniadau a rhoi mentrau cynaliadwyedd ar waith.
Mae ein grŵp Hyrwyddwyr Cynaliadwyedd wedi cynyddu ei aelodaeth i 68 o wirfoddolwyr, ac mae’n cyflawni gwaith ymgysylltu effeithiol drwy gyfarfodydd ffurfiol a thrwy ddulliau anffurfiol fel rhannu syniadau, digwyddiadau, a mentrau a fydd yn ein helpu i gyflawni ein targedau hirdymor.
Rydym wedi lansio ein ap Troi PDC yn Wyrdd sy'n gwobrwyo ‘Pwyntiau Gwyrdd’ am gamau amgylcheddol cadarnhaol sy'n hyrwyddo arferion byw cynaliadwy ac yn helpu PDC i gyrraedd ei tharged Sero Net erbyn 2040.

Rydym wedi lleihau ein hallyriadau carbon 33% o gymharu â llinell sylfaen 2018/19.
Ers 2018/19, mae PDC wedi cyflawni gostyngiad o 38% yn yr hyn a elwir yn allyriadau Cwmpas 1 a Chwmpas 2 – y rhai rydym yn eu hallyrru’n uniongyrchol drwy ddefnyddio nwy ar gyfer gwresogi, dŵr poeth ac awyru, ac allyriadau anuniongyrchol fel y trydan neu’r ynni rydym yn ei brynu.
Er ein bod wedi gweld cynnydd ym maint y campws a nifer y myfyrwyr, mae ein hallyriadau uniongyrchol (Cwmpas 1 a 2) wedi gostwng 41% ers 2005.
Rydym wedi adolygu data gwariant ein cadwyn gyflenwi yn y categorïau Cwmpas 3 sydd â’r effaith carbon uchaf, ac wedi gwella ein dealltwriaeth o'r data hwn gyda’r nod o leihau ein hallyriadau yn y meysydd sydd â’r effaith fwyaf.

Ers 2016/17, mae PDC wedi caffael yr holl drydan mae'n ei ddefnyddio gan ffynonellau sy’n hollol adnewyddadwy fel solar a gwynt ac rydym wedi ôl-osod ei hadeiladau i wneud y defnydd gorau o ynni.
Rydym wedi gosod gwerth 400kW o baneli solar ar doeau ein hadeiladau academaidd a phreswyl sy'n cynhyrchu 0.5% o gyfanswm ein galw am ynni ac rydym yn ymchwilio i osod paneli pellach yn y dyfodol.
Bu buddsoddiad mewn nifer o fentrau goleuo LED, gyda mwy nag 85% o'n hystâd bellach yn defnyddio goleuadau LED effeithlon gan dorri carbon a chost a gwella'r amgylchedd mewnol i fyfyrwyr a staff.
Mae pum mainc gwefru solar wedi'u gosod ar ein campysau yng Nglyn-taf, Trefforest a’r Parc Chwaraeon.
Rydym wedi gwneud gwaith dylunio er mwyn symud tuag at gynnal ein hadeiladau gydag egni cynaliadwy fel Pympiau Gwres o'r Awyr yn hytrach na nwy naturiol.
Rydym wedi buddsoddi yn ein System Rheoli Adeiladau i wella strategaethau rheoli ar gyfer ein peiriannau a'n hoffer adeiladu i arbed ynni.

Rydym wedi cyflwyno cynllun economi gylchol a chael gwared ar gwpanau untro o holl allfeydd arlwyo PDC. Yn eu lle, lansiwyd cynllun Cwpan PDC – menter blaendal/dychwelyd – ar gyfer myfyrwyr a staff. Gall cwsmeriaid hefyd ddefnyddio eu cwpanau eu hunain neu brynu un y gellir ei ailddefnyddio am bris rhatach.
Rydym wedi lansio ein cynllun ‘Afraid pob afrad’ law yn llaw â ‘Too Good to Go’ i leihau gwastraff bwyd manwerthu.
Mae biniau un ffrwd wedi’u cyflwyno ar draws yr ystâd i gyd-fynd â gofynion Llywodraeth Cymru i gefnogi eu strategaeth ‘Tuag at Ddyfodol Diwastraff’.

Rydym wedi prynu saith fan drydan newydd a cherbyd cyfleustodau trydan ar gyfer y timau Ystadau a Chyfleusterau.
Rydym wedi prynu chwe pod gwefru solar i feiciau trydan er mwyn hybu'r defnydd o feiciau trydan fel dull teithio cynaliadwy.
Rydym wedi gosod wyth gorsaf wefru cerbydau ychwanegol, gan gynnwys uned gwefru cyflymder uchel 50kW, dwy uned 22kW ychwanegol ac un uned 25kW (ar ein campysau yng Nglyn-taf a Threfforest).

Rydym wedi datblygu Cynllun Gweithredu Bioamrywiaeth 2023-26 newydd gydag amcanion a thargedau safle-benodol a fydd yn canolbwyntio ar wella bioamrywiaeth ac ecosystemau cydnerth ar draws ein campysau.
Rydym wedi clustnodi ardaloedd penodol o Gampws Glyn-taf ar gyfer tir gwyllt er mwyn cynyddu bioamrywiaeth, blodau gwylltion ac amrywiaeth o rywogaethau.
Rydym wedi parhau i blannu coed ar gampysau Glyn-taf a Threfforest.
Rydym wedi gwella’r llwybr coetir yn Nhrefforest ac wedi darparu Hyfforddiant Rheoli Coetiroedd i chwe aelod o'r Grŵp Ffocws Bioamrywiaeth.