Uwch Dîm Arweinyddiaeth

Adam Williams yw Deon y Gyfadran Busnes a'r Diwydiannau Creadigol, gan ddarparu arweinyddiaeth strategol ac academaidd ar draws y Gyfadran. Mae'n gyfrifol am ei berfformiad cyffredinol, twf a chynaliadwyedd, ansawdd addysgol a chanlyniadau myfyrwyr, ymchwil ac arloesi, ymgysylltu allanol, a meithrin Cyfadran sy'n perfformio ar lefel uchel er budd cydweithwyr a myfyrwyr.

Fel Cyfarwyddwr Cynllunio a Pherfformiad, mae Charlie yn helpu i droi strategaeth sefydliadol yn ganlyniadau mesuradwy. Mae'n arwain datblygiad blaenoriaethau’r brifysgol, yn sicrhau bod data a mewnwelediad yn llywio’r broses o wneud penderfyniadau, ac yn gyrru gwelliant perfformiad ar draws y sefydliad. Mae Charlie yn angerddol am wneud data a Deallusrwydd Artiffisial (AI) yn hygyrch i bawb, gan alluogi penderfyniadau gwybodus a sicrhau mwy o effaith i fyfyrwyr.

Ymunodd Donal â PDC yn 2019, ac mae wedi gweithio ym maes addysg uwch ers dros 30 mlynedd, gan arwain ym meysydd strategaeth ryngwladol, recriwtio myfyrwyr, marchnata, addysg drawswladol a phartneriaethau byd-eang. Mae wedi dal swyddi arwain uwch ar draws prifysgolion a darparwyr addysg breifat, gan gyflawni twf rhyngwladol, arallgyfeirio marchnadoedd, trawsnewid sefydliadol a chynhyrchu incwm cynaliadwy ar draws y DU, Ewrop, Tsieina Ehangach a marchnadoedd sy'n dod i'r amlwg.

Fel Cyfarwyddwr Bywyd Myfyrwyr, mae Emma yn darparu arweinyddiaeth strategol ar gyfer cofrestrfa academaidd ac ansawdd y Brifysgol, y llyfrgell a datblygiad dysgu, gyrfaoedd a dyfodol graddedigion, a gwasanaethau cymorth i fyfyrwyr, llesiant a diogelu. Mae hi'n arwain y gwaith o ddatblygu dull integredig Bywyd Myfyrwyr sy'n canolbwyntio ar berthyn, cynhwysiant, llwyddiant myfyrwyr a chanlyniadau graddedigion cadarnhaol.

Fel Dirprwy Ddeon Iechyd, mae Gill Ince yn arwain portffolio iechyd a gofal cymdeithasol PDC, gan weithio gyda Phenaethiaid Pwnc i gryfhau ansawdd academaidd, canlyniadau myfyrwyr a thwf cynaliadwy. Mae'r rôl yn darparu arweinyddiaeth strategol a gweithredol ar draws y Gyfadran, gan hyrwyddo ymarfer cynhwysol, datblygu staff, partneriaethau, llesiant, gwella ansawdd a blaenoriaethau gwella perfformiad.

Mae Jill yn arwain y Gyfadran Cyfrifiadureg, Peirianneg a Gwyddoniaeth yn PDC, gan lywio cyfeiriad academaidd y Brifysgol trwy gyfnodau o newid gan wrth gadw pobl, myfyrwyr ac ansawdd wrth wraidd y gwaith. Mae rôl Jill yn ymwneud â meithrin hyder, cefnogi cydweithwyr, cryfhau partneriaethau, tyfu ymchwil ac arloesi, a sicrhau bod PDC yn cael effaith ystyrlon ar ei chymunedau.

Mae Julie yn arwain y tîm Ymgysylltu, Ymchwil a Masnacheiddio i gyflawni nodau strategol sy'n canolbwyntio ar ymchwil ac arloesi, masnacheiddio, ac ymgysylltu allanol. Mae Julie yn gweithio ar y cyd ar draws cyfnewid gwybodaeth, datblygu ymchwil, sgiliau rhanbarthol, masnacheiddio ac ymgysylltu dinesig, gan ehangu cyfleoedd incwm allanol a chysylltu arbenigedd academaidd â phartneriaid i sicrhau effaith economaidd, gymdeithasol a chymunedol ystyrlon.

Mae Dr Louise Pennell yn Ddirprwy Ddeon y Gyfadran Cyfrifiadureg, Peirianneg a Gwyddoniaeth, gan ddarparu arweinyddiaeth strategol ar gyfer addysg, ymchwil, partneriaethau a gweithrediadau. Mae hi'n gweithio ar y cyd â staff, myfyrwyr, diwydiant a rhanddeiliaid allanol i wella ansawdd, ysgogi arloesedd, cefnogi datblygiad sefydliadol, a chyflawni twf cynaliadwy ar draws y Gyfadran.

Lynne Wakefield yw Cyfarwyddwr Grŵp Cyllid ym Mhrifysgol De Cymru, gyda chyfrifoldeb am arwain yr Adran Gyllid a goruchwylio fframwaith rheoli ariannol, llywodraethu a chydymffurfiaeth y Brifysgol. Mae hi'n darparu arweinyddiaeth strategol ym meysydd adrodd ariannol, partneriaeth busnes, trysorlys, trethiant, cyflogres a systemau ariannol, gan gefnogi cynaliadwyedd hirdymor y Brifysgol a’i huchelgeisiau strategol.

Mae Mike yn gyfrifol am oruchwyliaeth strategol o ystâd ffisegol y Brifysgol a’r cyfleusterau sydd ynddi, sy’n helpu i sicrhau profiad rhagorol i fyfyrwyr.  Mae hyn yn cynnwys cynnal a chadw adeiladau, rheoli cyfleusterau (glanhau, diogelwch, tiroedd a gwastraff), cynaliadwyedd amgylcheddol a niwtraliaeth carbon, llety preswyl, prosiectau cyfalaf sy'n gwella campysau PDC, a rheoli a dyrannu gofod.

Mae Nathalie Czechowski yn Brif Swyddog Gwybodaeth ym Mhrifysgol De Cymru. Mae hi'n arwain gwasanaethau digidol, data, seiberddiogelwch a thechnoleg y Brifysgol, gan sicrhau gweithrediadau dibynadwy a diogel wrth yrru trawsnewid digidol, arloesi a defnydd effeithiol o dechnoleg i gefnogi addysgu, ymchwil, llwyddiant myfyrwyr a pherfformiad sefydliadol.

Mae Rob Griffiths yn Ddirprwy Ddeon a Chyfarwyddwr Chwaraeon yn y Gyfadran Gwyddorau Bywyd ac Addysg. Mae'n arwain ar dwf, dysgu ac addysgu, profiad myfyrwyr, a phartneriaethau ar draws chwaraeon, addysg, plismona a throseddeg. Fel Cyfarwyddwr Chwaraeon, mae Rob yn arwain ar ddatblygiad strategol chwaraeon a gweithgarwch corfforol ar gyfer staff a myfyrwyr PDC.

Mae'r Athro Rob Orford yn Ddeon Gwyddorau Bywyd ac Addysg ym Mhrifysgol De Cymru. Mae'n darparu arweinyddiaeth strategol ar draws addysg, ymchwil, partneriaethau a chenhadaeth ddinesig, gan ganolbwyntio ar symudedd cymdeithasol, twf cynaliadwy a sicrhau bod y Gyfadran yn cyflawni canlyniadau cadarnhaol i fyfyrwyr, cymunedau, cyflogwyr a gwasanaethau cyhoeddus.

Mae Sian yn arwain timau cyfathrebu, materion cyhoeddus a pholisi'r Brifysgol, gan lunio a diogelu ei henw da a chryfhau ei dylanwad. Mae ei thîm yn goruchwylio cyfathrebu cyfryngau ac ymchwil, cyfathrebu â chydweithwyr a myfyrwyr presennol, cyfathrebu argyfwng, materion cyhoeddus, ymgysylltu â rhanddeiliaid a mewnwelediad polisi, gan feithrin dealltwriaeth, dylanwad ac eiriolaeth i'r Brifysgol yn rhanbarthol, yn genedlaethol ac yn rhyngwladol.

Mae William Callaway yn Ysgrifennydd y Brifysgol ac yn Glerc i’r Llywodraethwyr, mae'n gyfrifol am Fwrdd y Llywodraethwyr a llywodraethu corfforaethol yn y Brifysgol, Coleg Brenhinol Cerdd a Drama (RWCMD) a Thechnoleg y Celfyddydau (CMC). O ganlyniad, mae’n adrodd i’r Is-Ganghellor a Chadeirydd y Bwrdd. Mae ganddo hefyd nifer o gyfrifoldebau cydymffurfio a rheoleiddio gan gynnwys Llywodraethu Gwybodaeth, Gwasanaethau Cyfreithiol, UKVI, Gwaith Achos Myfyrwyr a'r Iaith Gymraeg. Mae wedi gweithio yn y Brifysgol am bron i 20 mlynedd a chyn hynny bu'n gweithio mewn pum prifysgol wahanol yn Llundain a Chymru.