Mynd Dramor

Rhaglen a ariennir gan Lywodraeth Cymru yw Taith a lansiwyd ym mis Chwefror 2022.   

Mae'r cynllun yn cefnogi symudeddau gyda chyfraniad tuag at gostau byw ar gyfer unigolion neu grwpiau, gan ddarparu cyfleoedd tymor byr a thymor hir hyblyg i ddysgu, astudio, gweithio neu wirfoddoli dramor. 

Yr hyd lleiaf yw dwy wythnos.

Yr hyd mwyaf yw 12 mis. 

Mae cyllid fesul myfyriwr yn dibynnu ar: 

• Hyd y symudedd rhyngwladol 
• Y wlad gyrchfan 

Mae cyllid Taith yn cynnwys grant cynhaliaeth a theithio. 

Cyfrifir y grant cynhaliaeth ar gyfradd ddyddiol fesul cyfranogwr. Mae’r gyfradd ddyddiol yn amrywio yn dibynnu ar hyd y symudedd, gyda chyfraddau gwahanol yn berthnasol am y pythefnos cyntaf, dwy i wyth wythnos, a thros wyth wythnos.   

Mae gwledydd/tiriogaethau cyrchfan Taith wedi’u grwpio’n dri chategori: Grŵp 1 (costau byw uchel), Grŵp 2 (costau byw canolig), Grŵp 3 (costau byw is). 

Enghreifftiau o Wledydd Costau Byw Uwch: 

• UDA 
• Sweden 
• Awstralia 
• Ffrainc 
• Norwy 

Enghreifftiau o Wledydd Costau Byw Is: 

• Fietnam 
• Gwlad Pwyl 
• Malaysia 
• Tsieina 
• Kenya 

Cyfrifir grantiau myfyrwyr ar gyfradd ddyddiol yn seiliedig ar y wlad gyrchfan a phellter teithio. 

• Tua £300 – £360 am symudedd o bythefnos 
• Tua £450 – £600 am symudedd o fis 
• Tua £3,000 – £3,800 am symudedd o naw mis 

Bydd pob myfyriwr yn derbyn grant teithio sydd wedi'i gynnwys ochr yn ochr â'r grant cynhaliaeth, a gyfrifir ar sail pellter eu gwlad letyol. 

Sylwch y bydd yr union swm a ddyfernir yn seiliedig ar union hyd eich symudedd gan ddefnyddio'r dyddiadau ar eich ffurflenni cadarnhau dechrau a gorffen. Darperir y ffigurau uchod fel canllaw yn unig. Bydd myfyrwyr sy'n cwblhau symudedd am gyfnodau byrrach yn derbyn llai o gyllid, a bydd myfyrwyr sy'n cwblhau lleoliadau o fwy na naw mis yn derbyn mwy. 

Mae cymorth ariannol ychwanegol ar gael i gyfranogwyr sy’n wynebu amgylchiadau eithriadol, gan gynnwys darparu cymorth ychwanegol i gyfranogwyr difreintiedig a’r rhai ag anableddau a/neu anghenion dysgu ychwanegol i’r rhai sy’n ymgymryd â symudedd ffisegol.  

Bydd cymorth ariannol ychwanegol yn cyd-fynd â’ch amgylchiadau personol ond gall gynnwys: 

• 50% ychwanegol i'r grant cynhaliaeth  
• 50% ychwanegol i'r grant teithio ar gyfer cyrchfannau y tu hwnt i 4,000 km  
• 100% o'r costau gwirioneddol ar gyfer costau teithio ychwanegol, e.e. fisas, pasbortau, yswiriant teithio, bagiau (lle bo angen) 

Os ydych chi'n bodloni'r meysydd uchod neu isod, cysylltwch â [email protected] am ragor o wybodaeth.  

• Cefndir incwm isel (Incwm cartref blynyddol o £25k neu lai) fel yr aseswyd gan Gyllid Myfyrwyr 
• Myfyrwyr sy’n derbyn Credyd Cynhwysol neu fudd-daliadau sy’n gysylltiedig ag incwm oherwydd eu bod yn cynnal eu hunain yn ariannol 
• Myfyrwyr sydd wedi dieithrio 
• Ffoaduriaid a cheiswyr lloches 
• Myfyrwyr sydd â chyfrifoldebau gofalu 
• Anabledd a/neu anghenion dysgu ychwanegol 

Gellir dod o hyd i wybodaeth sy'n amlinellu'r meini prawf cymhwysedd ar wefan Taith, Canllaw i’r Rhaglen – tudalen 37.

Cynllun Turing yw rhaglen fyd-eang Llywodraeth y DU a lansiwyd yn 2021 i ddarparu cyllid ar gyfer symudeddau astudio a gweithio dramor ar lefel israddedig ac ôl-raddedig.

Yr hyd lleiaf yw un mis (28 niwrnod).

Yr hyd mwyaf yw 12 mis. 

Mae cyllid fesul myfyriwr yn dibynnu ar: 

• Hyd y lleoliad tramor 
• Y wlad gyrchfan 

Mae Cynllun Turing yn darparu cyllid tuag at gostau byw sy'n dibynnu ar yr hyd a'r wlad gyrchfan.  Mae’r cynllun yn rhannu gwledydd neu diriogaethau cyrchfan yn dri grŵp: 

Enghreifftiau o Wledydd Costau Byw Uwch 

• Awstralia 
• Canada 
• Japan 
• UDA 

Enghreifftiau o Wledydd Costau Byw Canolig ac Is: 

• Y rhan fwyaf o wledydd ar dir mawr Ewrop 

• Taiwan 
• Gwlad Belg 
• Portiwgal 

Mae rhestr lawn o wledydd cyrchfan o fewn pob grŵp ar gael ar wefan Cynllun Turing. 

Bydd myfyrwyr ar symudedd astudio, gwaith neu wirfoddoli yn derbyn y grantiau symudedd canlynol yn seiliedig ar hyd: 

Os bydd eich cais yn llwyddiannus, bydd yn ofynnol i fyfyrwyr sy'n bodloni meini prawf cefndir difreintiedig fel y'u hamlinellir gan Turing ddarparu tystiolaeth i gefnogi eu statws.  

Bydd cyfranogwyr yn derbyn £110 ychwanegol y mis fel cyfraniad tuag at eich grant costau byw, yn ogystal â chyllid ar sail pellter i gyfrannu at gostau uniongyrchol teithio ar gyfer lleoliad. 

Er mwyn bod yn gymwys ar gyfer Ehangu Cyfranogiad trwy Gynllun Turing, gofynnwn i chi fodloni o leiaf un o feini prawf ehangu cyfranogiad Turing isod: 

• Cefndir incwm isel (Incwm cartref blynyddol o £25k neu lai) fel yr aseswyd gan Gyllid Myfyrwyr 
• Myfyrwyr sy’n derbyn Credyd Cynhwysol neu fudd-daliadau sy’n gysylltiedig ag incwm oherwydd eu bod yn cynnal eu hunain yn ariannol 
• Myfyrwyr sydd wedi dieithrio 
• Ffoaduriaid a cheiswyr lloches 
• Myfyrwyr sydd â chyfrifoldebau gofalu 
• Anabledd a/neu anghenion dysgu ychwanegol 

Bydd myfyrwyr sy'n bodloni'r meini prawf hefyd yn derbyn cyllid fel cyfraniad tuag at gost teithio.

Gall cyfranogwyr o gefndiroedd ehangu mynediad hefyd dderbyn cyllid ar gyfer costau eithriadol. Cyfrifir costau eithriadol ar sail cost wirioneddol ac maent yn benodol ar gyfer unrhyw gostau ychwanegol yr eir iddynt i gefnogi cyfranogiad mewn symudedd.

Cysylltwch â [email protected] am ragor o wybodaeth ac arweiniad ac i ddeall y cymorth sydd ar gael ar gyfer eich amgylchiadau personol.