Gofal Diabetes
Mae'r cwrs hwn yn ddelfrydol ar gyfer Nyrsys Cofrestredig sy'n gofalu am bobl sy'n byw gyda diabetes neu sydd â diddordeb brwd mewn datblygu eu gwybodaeth a'u sgiliau ym maes diabetes.
Cyrsiau DPP Gwneud Cais/prod01/channel_2/media/university-of-south-wales/site-assets/images/03-courses/cpd-courses/cpd-courses-diabetes-care.jpg)
Ei nod yw galluogi cyfranogwyr y cwrs i gael rhagor o wybodaeth sy'n seiliedig ar dystiolaeth am faterion yn ymwneud â gofal diabetes a deall pwysigrwydd dull amlddisgyblaethol o ofalu am bobl sydd â diabetes.
Gellid defnyddio sgiliau a enillwyd o astudio'r modiwl hwn i gyfoethogi eu hymarfer clinigol, ac ymarfer yn fwy effeithiol a hyderus.
Mae nifer o gyn-fyfyrwyr sydd wedi cwblhau'r modiwl yn llwyddiannus wedi mynd yn eu blaen i ddatblygu eu gyrfaoedd nyrsio fel nyrsys diabetes arbenigol.
| Cod Modiwl | Campws | Duration | Start Date |
|---|---|---|---|
| CA3S028 (Lefel 6) | Glyn-taf (rhithwir ar hyn o bryd) | 12 wythnos | Chwefror |
| CA4S065 (Lefel 7) | Glyn-taf (rhithwir ar hyn o bryd) | 12 wythnos | Chwefror |
- Trosolwg strategol o ofal diabetes yng Nghymru, y DU ac yn Fyd-eang
- Rheoli diabetes heddiw
- Dosbarthu a diagnosio Diabetes Math 1 a Math 2
- Atal a chanfod diabetes yn gynnar
- Anatomeg a ffisioleg mewn perthynas â diabetes
- Therapïau Ceg a Phigo
- Cychwyn inswlin a chyfundrefnau inswlin
- Monitro glwcos gwaed a cheton
- Hypoglycemia a rheoli salwch
- Maeth a diabetes: ymwybyddiaeth carbohydradau
- Maeth a gweithgarwch corfforol
- Addysg strwythuredig ar gyfer diabetes
- Iechyd meddwl a diabetes
- Safbwynt cleifion o fyw gyda diabetes
- Rheolaeth diabetes plant a phobl ifanc
- Rheoli diabetes yn ystod beichiogrwydd
- Gofal traed diabetig: sgrinio ac asesu risg
- Rheoli diabetes yn y lleoliad acíwt: Cetoasidosis Diabetes a Chyflwr Hypoglycaemia Hyperosmolar
- Cymhlethdodau diabetes
Bydd ystod eang o glinigwyr arbenigol sy'n gweithio gyda phobl â diabetes yn cyfrannu at yr addysgu yn y modiwl hwn yn ogystal â darlithwyr sydd â diddordeb brwd a phrofiad sylweddol o reoli pobl â diabetes mewn lleoliadau gofal acíwt a sylfaenol.
Bydd myfyrwyr yn dysgu drwy ddefnyddio'r dulliau canlynol:
- Sesiynau addysgu byw cydamserol (rhithwir ar hyn o bryd)
- Deunyddiau astudio anghydamserol dan arweiniad
- Trafodaethau grŵp
- Tiwtorialau
- Dysgu clinigol yn seiliedig ar ymarfer
Bydd angen neilltuo 200 awr i'r modiwl hwn
- Darlithoedd (28 awr)
- Goruchwylio prosiect (2 awr)
- Dysgu seiliedig ar waith (100 awr)
- Dysgu annibynnol (70 awr)
I wneud cais ar gyfer y cwrs hwn bydd angen i chi fod yn Nyrs Gofrestredig neu'n Fydwraig yn gofalu am bobl sydd â diabetes.
Dylai eich rheolwr llinell/cyflogwr gynnig cefnogaeth i astudio'r modiwl, nodi Asesydd Ymarfer addas a sicrhau cyllid. Gallai hyn olygu cyfweliadau wedi’u hariannu gan gyflogwyr.
Asesiadau CA3S028
Asesu Ffurfiannol
Cymryd rhan mewn gweithgareddau wythnosol a thrafodaethau/tiwtorialau dosbarth.
Asesu Crynodol
Traethawd 3000 gair yn canolbwyntio ar agwedd ar ofal diabetes.
Asesu Ymarfer
Deilliant dysgu clinigol yn gysylltiedig â chyflwyno sesiwn addysgu ar agwedd ar ofal/rheoli diabetes.
Asesu CA4S065
Asesu Ffurfiannol
Cymryd rhan mewn gweithgareddau wythnosol a thrafodaethau/tiwtorialau dosbarth.
Asesu Crynodol
Traethawd 3000 gair yn canolbwyntio ar agwedd ar ofal diabetes.
Adfyfyrdod beirniadol 1500 gair ar sesiwn addysgu.
Asesu Ymarfer
Deilliant dysgu clinigol yn gysylltiedig â chyflwyno sesiwn addysgu ar agwedd ar ofal/rheoli diabetes.
Bydd Goruchwyliwr Academaidd yn cael ei neilltuo i bob myfyriwr a bydd mynediad at Asesydd Ymarfer.
- Mynediad TG
- Llythrennog TG
- Mynediad at ofalu am bobl sy'n byw gyda diabetes
- Asesydd Ymarfer Penodedig i asesu dysgu clinigol
- Cefnogaeth rheolwr llinell i gael mynediad at ddatblygiad ymarfer parhaus (DPP)
Diddordeb mewn Ymgeisio?
Os oes gennych unrhyw gwestiynau pellach, neu os hoffech wneud cais am y cwrs hwn, cysylltwch â rheolwr y modiwl, John Whitcher.
E-bost cyswllt: [email protected]