Cyrsiau DPP

Pam astudio gyda PDC?

• Dysgu Efelychu

  Mae ein Canolfan Efelychiadau Clinigol yn ail-greu amgylcheddau clinigol at ddibenion addysg a hyfforddiant. Mae'r rhain yn cynnwys dau fae pedwar gwely i efelychu lleoliad ysbyty, cyfleusterau pediatrig a mamolaeth pwrpasol, gan gynnwys uned gofal arbennig i fabanod, amgylchedd gofal dwys ac adran achosion brys gydag efelychydd ambiwlans â’r offer i gyd.

• Addysgu a Chymorth Arbenigol

  Mae ein staff addysgu i gyd wedi gweithio yn y maes ers blynyddoedd lawer ac mae ganddynt ystod eang o brofiad ac arbenigedd y byddant yn eu trosglwyddo i chi. Mae'r Brifysgol yn ymfalchïo yn y gefnogaeth y mae'n ei rhoi i fyfyrwyr ar ei graddau nyrsio, yn ymarferol ac yn emosiynol. Mae gan bob myfyriwr diwtor personol a goruchwyliwr modiwl sy'n gallu cynnig arweiniad a chymorth ychwanegol.

• Teilwra dy yrfa

  Mae ein cyrsiau nyrsio yn cwmpasu'r rhan fwyaf o agweddau ar y proffesiynau gofal iechyd. O ddod yn nyrs gofrestredig i deilwra eich gyrfa at broffesiwn gofal iechyd penodol, gall PDC eich helpu i gymryd y cam nesaf. Gallwch arbenigo mewn maes penodol, datblygu sgiliau arwain a rheoli a hyd yn oed astudio addysg yn ymwneud â theorïau gofal iechyd.