Hwyluso Asesu a Goruchwylio Addysgu yng Nghyd-Destun Ymarfer

Yn ystod y modiwl, byddwch yn astudio agweddau ar theorïau dysgu a’r sylfaen dystiolaeth gysylltiedig, a'u defnydd wrth ddysgu, addysgu ac asesu. Byddwch hefyd yn datblygu'r wybodaeth a'r sgiliau sydd eu hangen i gefnogi'r gwaith o ddatblygu a chynnal amgylchedd dysgu effeithiol o ran ystyriaethau ffisegol, seicolegol a chymdeithasol mewn amrywiaeth o leoliadau. Bydd y modiwl hefyd yn archwilio'r prosesau, y sgiliau a'r atebolrwydd sydd eu hangen i asesu dysgu a gallu, a'r prosesau sicrhau ansawdd sy'n sail i ddarparu dysgu, addysgu ac asesu mewn addysg ac ymarfer. Bydd y modiwl yn annog adfyfyrio i gyfoethogi dysgu, twf a gallu ynoch chi ac eraill. 

• Creu amgylchedd sy'n hwyluso dysgu mewn lleoliadau academaidd ac ymarfer. 
• Ystyriaethau pwy/beth/pam/sut mewn addysgu – cymhwyso ymarferol 
• Hwyluso dysgu mewn lleoliad ffurfiol / dysgu wedi'i gynllunio - Cynllunio eich sesiwn. 
• Sut mae myfyrwyr yn dysgu – theori dysgu a thystiolaeth sy'n cefnogi addysgeg  - dysgu ar yr wyneb v dysgu dwfn - Dysgu ymdrochol ac aliniad adeiladol. 
• Trosolwg o'r ystod o strategaethau addysgeg i hwyluso dysgu - Hwyluso datblygiad sgiliau ymarferol/clinigol mewn dysgwyr. 
• Hwyluso datblygiad sgiliau ymarferol/clinigol mewn dysgwyr. 
• Rolau, cyfrifoldebau ac atebolrwydd yr asesydd academaidd ac ymarfer. 
• Methu â Methu – Pryd, beth a sut wrth ddirprwyo. 
• Adfyfyrio beirniadol - ysgrifennu adfyfyriol. 
• Hyrwyddo cynhwysiant mewn dysgu, addysgu ac asesu - sicrhau cydraddoldeb ac amrywiaeth. 
• Asesu myfyrwyr ag anghenion dysgu ychwanegol /anableddau /gwneud addasiadau rhesymol 
• Arloesi mewn addysgu 
• Dysgu Rhyngbroffesiynol 
• Asesu wrth Ymarfer  - Gwneud a chofnodi asesiadau gwrthrychol sy'n seiliedig ar dystiolaeth. 
• Ffyrdd o gasglu data asesu a rhoi adborth 
• Dysgu wrth ymarfer wedi'i gyfoethogi gan dechnoleg a'r lleoliad addysgol. 
• Hunanasesu ac Asesu Cymheiriaid mewn addysg ac ymarfer. 

Mewn tirwedd newidiol sy’n rhoi ystyriaeth briodol i ofynion cadw pellter cymdeithasol a mynediad i'r campws, bydd y modiwl yn cael ei gyflwyno drwy ddull dysgu cyfunol, gan gynnwys: 

•  Sesiynau byw ar-lein – gweithgareddau cydamserol. 
• Gweithgareddau anghydamserol dan arweiniad, y gallwch, er eu bod wedi'u trefnu ar gyfer dydd Gwener, eu hastudio unrhyw bryd yn ystod yr wythnos. 
• Grŵp Cymunedau Ymarfer lle gallwch ddysgu gyda'ch cyfoedion a ganddynt, a rhannu syniadau, adfyfyrdodau ac adnoddau. 
• Trafodaethau rheolaidd gyda'ch Tiwtor Personol – adfyfyrio ar eich datblygiad. 
• Tiwtorialau grŵp gyda'ch cyfoedion mewn Cyfarfodydd Grŵp Tiwtorial Personol. 

Mae deg diwrnod astudio wedi'u trefnu ar ddyddiau Gwener rhwng 10am a 3pm. Fodd bynnag, mae yna hefyd nifer o weithgareddau i'w cyflawni cyn rhai o'r sesiynau byw a bydd angen amser arnoch i baratoi eich dwy sesiwn addysgu grynodol. Mae hwn yn fodiwl 40 credyd, felly mae angen i chi fod yn barod i neilltuo tua 400 awr i'r modiwl hwn. 

Darlithwyr

• Jill Barnes, arweinydd y cwrs 
• Dr Mark Davies 
• Stacey Jenkins 
• Donna Price 
• Natalie Davies–Dixon

Bydd y modiwl yn rhoi adborth ffurfiannol drwyddi draw yn enwedig mewn perthynas â'ch cynlluniau gwersi arfaethedig a chyflwyniadau PowerPoint ac ati – ond mae elfennau crynodol y modiwl yn cynnwys: 

• Dwy sesiwn lle cewch eich arsylwi yn hwyluso dysgu – a'ch cynllun gwers ac  adnoddau. 
• Adfyfyrdod beirniadol ar sut rydych wedi datblygu eich gwybodaeth, eich sgiliau a'ch gallu fel hwylusydd dysgu. 
• Portffolio o'ch taith yn ystod y modiwl. 

Bydd Tiwtor Personol yn cael ei neilltuo i chi i gynnig cymorth ac arweiniad gyda phob agwedd ar y modiwl. Bydd eich Tiwtor Personol hefyd yn cynnig goruchwyliaeth academaidd i chi i'ch helpu i baratoi ar gyfer eich asesiadau ac i arsylwi ar eich sesiynau addysgu. 

Bydd gennych fynediad at: 

• Gyfleusterau Efelychiadol Clinigol o'r radd flaenaf 
• Cyfleuster Hydra Minerva. 
• Mynediad arferol at lyfrgell a chronfa ddata cyfnodolion PDC – gwasanaeth ar-lein yn ogystal â chlicio a chasglu llyfrau. 
• Holl adnoddau cymorth myfyrwyr PDC gan gynnwys nifer o becynnau TG am ddim i fyfyrwyr. 
• Tiwtor Personol a Thîm y Modiwl