Ymarfer Annibynnol mewn Nyrsio Cymunedol Arbenigol – Nyrsys Ardal

• Datblygu ymarfer annibynnol yn rhagweithiol ac yn arloesol mewn sefyllfaoedd cymhleth, heriol ac anodd eu rhagweld.

• Cymhwyso gwybodaeth gymunedol arbenigol a sgiliau uwch at eich maes ymarfer arfaethedig.

• Rheoli a gwerthuso gofal cymhleth yn annibynnol, o’r atgyfeiriad hyd at dderbyn y gwasanaeth,  hyd at ryddhau o’r llwyth achosion, neu atgyfeiriad at wasanaethau neu asiantaethau priodol eraill.

• Gweithredu fel model rôl proffesiynol ac eiriolwr dros y proffesiwn.

• Datblygu chwilfrydedd proffesiynol – archwilio, deall a gwerthuso cyd-destunau sefyllfaol.

• Gweithredu’r ddyletswydd broffesiynol i fod yn onest a derbyn cyfrifoldeb dros godi pryderon, gan gynnwys diogelu.

• Dangos sgiliau asesu risg, cymhwyso sgiliau meddwl beirniadol a gwneud penderfyniadau, a chyfiawnhau a chofnodi rhesymeg dros gamau gweithredu, a hyn oll ar lefel uchel.

• Rhoi’r egwyddorion sy'n llywio ymarfer proffesiynol, gan gynnwys gofynion o ran y gyfraith, rheoleiddio a llywodraethu ar waith mewn ymarfer yn y gymuned, ynghyd â pholisïau, a fframweithiau proffesiynol a moesegol.

• Arwain a darparu gofal sy'n canolbwyntio ar y person, sy’n dosturiol, yn wrthwahaniaethol ac yn gynhwysol, ar sail arferion gorau yn ôl y dystiolaeth sydd ar gael.

• Arwain a hyrwyddo gweithio amlddisgyblaethol ac mewn partneriaeth.

• Datblygu gwell dealltwriaeth o sut i ddylanwadu ar strategaethau iechyd a gofal cymdeithasol ar bob lefel.

• Deall y broses a'r gofynion ar gyfer gweithio'n effeithiol gyda goruchwylwyr ymarfer ac aseswyr ymarfer i ddatblygu i lefel o ymarfer cymwys yn y gofynion a amlinellir yn y Ddogfen Asesu Ymarfer. Adfyfyrio ar eich gwerthoedd personol a phroffesiynol eich hun, a chynnal eich lles a’ch iechyd eich hun.

• Datblygu sgiliau rhifedd, llythrennedd, digidol a thechnolegol pellach wrth ddarparu gofal cymunedol arbenigol diogel ac effeithiol.

• Datblygu sgiliau astudio effeithiol.

• Chwilio am y lenyddiaeth a thystiolaeth, eu dehongli a’u hadolygu.

• Hierarchaeth tystiolaeth, cymhwyso tystiolaeth i ymarfer annibynnol.

Byddwch yn cael eich addysgu drwy amryw ddulliau, yn ddarlithoedd a seminarau ac arddangosiadau, wyneb yn wyneb, ac yn rhithwir trwy ein systemau dysgu ar-lein. Bydd sesiynau’n gyfuniad o ddysgu amser real, dan gyfarwyddyd ac wedi hunan-gyfeirio, a bydd yn cynnwys defnyddio sesiynau wedi'u recordio. Bydd dulliau dysgu ymdrochol ac efelychiadol hefyd yn cael eu defnyddio.

Bydd sesiynau'n cael eu cyflwyno gan ymarferwyr arbenigol o’r maes ymarfer clinigol, gan bobl sy'n defnyddio gwasanaethau a’u teuluoedd, a gan ddarlithwyr y Brifysgol.

Bydd cyflwyniadau ar astudiaethau achos yn cael eu defnyddio o fewn y sesiynau, gan alluogi myfyrwyr i gysylltu'r theori ag ymarfer. 

Bydd angen cyrraedd lefelau clinigol hyfedr, drwy gwblhau 100 awr o brofiad clinigol yn ystod y modiwl.

Rhaid i chi fod yn nyrs gofrestredig sy'n gweithio mewn gwasanaeth nyrsio yn y gymuned a chael eich cefnogi gan eich cyflogwr i wneud cais i astudio'r modiwl.

Dylai fod asesydd ymarfer a goruchwylydd ymarfer sydd wedi'u hyfforddi'n briodol ar gael i'ch cefnogi mewn ymarfer clinigol, ac i asesu cymhwysedd o ran yr hyn a nodir yn y ddogfen asesu ymarfer. Rhaid i'r asesydd ymarfer feddu ar y Cymhwyster Ymarfer Arbenigol perthnasol mewn Nyrsio Ardal.

Asesu ffurfiannol:
Byddwch yn cwblhau astudiaeth achos, y bydd eich asesiad crynodol yn seiliedig arni.

Asesu crynodol:  

• Rhan 1: Cynrychiolaeth weledol (poster) o wybodaeth sy'n dangos materion yn ymwneud â gwneud penderfyniadau critigol/ asesu risg a’r rhesymeg gysylltiedig wrth weithio'n annibynnol mewn sefyllfa gymhleth/heriol yn y gymunedol, a thrafodaeth feirniadol 10 munud i ddadansoddi cynnwys y poster yn fanwl.
• Rhan 2: Llwyddo ar y lefel gallu a nodir yn Llwyfan 1 Dogfen Asesu Ymarfer Cymru Gyfan ar gyfer y Cymhwyster Ymarferwyr Arbenigol  ym maes ymarfer benodol y myfyriwr. 

Byddwch yn cael goruchwylydd academaidd a fydd yn eich cynorthwyo gyda'ch gwaith academaidd.

• Gwasanaethau llyfrgell
• Gwasanaethau TG
• Goruchwyliaeth academaidd
• Gwasanaethau cymorth i fyfyrwyr gan gynnwys sgiliau astudio os bydd angen