Egwyddorion Rheoli Clwyfau

• Asesiad cyfannol a gofalu am y person cyfan.
• Theori hybu iechyd mewn perthynas â newid ymddygiad a chytgord cleifion
• Egwyddorion gwella clwyfau
• Canllawiau cenedlaethol ar wlserau coes.
• Theori Doppler a chywasgu gyda chyfle i ymarfer cofnodi mynegai pwysau breichiol Doppler ar y migwrn, a rhwymynnau cywasgu.
• Canllawiau cenedlaethol ar atal briwiau pwyso - asesu risg briwiau pwyso a dulliau graddio.
• Rheoli cleifion sydd â chlwyfau a chyflyrau penodol e.e. diabetes a rheoli lymffoedema.
• Materion Heintiau a Chytrefu (SSIs).
• Materion dermatolegol mewn gofal clwyfau.
• Clwyfau llawfeddygol a thrawmatig.

Byddwch chi’n cael eich addysgu gan ddefnyddio amrywiaeth o ddulliau o ddarlithoedd a seminarau, arddangosiadau, yn rhithiol drwy ein system ddysgu ar-lein (Blackboard) a thrwy drafodaethau yn yr ystafell ddosbarth lle bydd myfyrwyr yn rhannu eu profiadau.

Rydyn ni’n gwahodd ymarferwyr arbenigol a darlithwyr y Brifysgol i gyflwyno sesiynau.

Bydd dull dysgu cyfunol gyda sesiynau wyneb yn wyneb, ar y campws ac ar-lein, a dysgu dan gyfarwyddyd sy'n cynnwys deunyddiau wedi'u recordio.

Bydd cyflwyniadau astudiaeth achos yn cael eu defnyddio yn y sesiynau sy'n galluogi myfyrwyr i gysylltu'r ddamcaniaeth ag ymarfer wrth ystyried eu hasesiad.

Asesiad ffurfiannol: Byddwch chi’n cwblhau astudiaeth achos i seilio eich asesiad crynodol arni.

Asesiad crynodol:

Rhan 1 : Cyflwyniad 15 munud o astudiaeth achos o ymarfer sy'n archwilio agwedd ar ofal clwyfau.

Rhan 2: Adolygiad o'r llenyddiaeth sy'n llywio rheoli clwyfau'n effeithiol.

Nid oes cyfweliad i ymuno â'r cwrs hwn, ond gwnewch yn siŵr eich bod chi’n bodloni'r meini prawf a restrir.

Mae'n rhaid i chi fod yn weithiwr iechyd proffesiynol a gyflogir mewn maes lle rydych chi’n rheoli cleifion â chlwyfau ac yn gallu nodi astudiaeth achos i archwilio agwedd ar ofal clwyfau at ddibenion asesu.

Byddwch chi’n cael goruchwyliwr academaidd a fydd yn eich cynorthwyo gyda'ch gwaith academaidd.

Cyfleusterau ac Adnoddau:

• Gwasanaethau llyfrgell.
• Gwasanaethau TG.
• Goruchwyliaeth academaidd.
• Gwasanaethau cymorth i fyfyrwyr gan gynnwys sgiliau astudio, os oes angen.

• Gwasanaethau llyfrgell 
• Gwasanaethau TG 
• Goruchwyliaeth academaidd 
• Gwasanaethau cymorth i fyfyrwyr gan gynnwys sgiliau astudio os oes angen